បច្ចុប្បន្នគេសង្កេតឃើញថា គូស្វាមីភរិយាមួយចំនួន បាននិងកំពុងជួបប្រទះបញ្ហារៀបការរួចអត់មានកូន ដែលវាជាក្តីកង្វល់មួយដ៏ធំ សម្រាប់ចំណងអាពាហ៍ពិពាហ៍រវាងអ្នកទាំងពីរ។ កត្តាជាច្រើនយ៉ាង ដែលអាចធ្វើឱ្យអ្នកមិនអាចមានកូនបានក្នុងនោះរួមបញ្ចូលទាំងសកម្មភាពប្រចាំថ្ងៃរបស់អ្នកផងដែរ។ ខាងក្រោមនេះជាទម្លាប់៤យ៉ាង ដែលអាចប៉ះពាល់ដល់សមត្ថភាពមេជីវិតឈ្មោលក្នុងការបង្កកំណើត ៖
១-ផឹកភេសជ្ជៈដែលមានជាតិហ្គាសខ្លាំង ៖ ប្រសិនបើអ្នកទទួលទានភេសជ្ជៈដែលមានជាតិហ្គាសខ្លាំងមួយកំប៉ុងក្នុងមួយថ្ងៃ នោះលោកអ្នកនឹងត្រូវប្រឈមការចុះថយនៃសមត្ថភាពមេជីវិតឈ្មោលបន្តិចម្តងៗ ។ ម្យ៉ាងទៀត ជាតិស្ករដ៏ច្រើនក្នុងភេសជ្ជៈទាំងនោះ បានបង្កការរំខានដល់ដំណើរការវិវត្ត និងប៉ះពាល់ទៅលើសមត្ថភាពរបស់មេជីវិតឈ្មោល ។
២-ការទុក Smartphone ក្នុងហោប៉ាវខោ ៖ រលកវិទ្យុសកម្ម ដែលចេញពី smartphone មិនត្រឹមតែអាចបំផ្លាញសមត្ថភាពមេជីវិតឈ្មោលរបស់អ្នកនោះទេ វាថែមទាំងរារាំងការបំលាស់ទីស្ពែម៉ាតូសូអីុត និងធ្លាក់ចុះនៃចំនួនមេជីវិតឈ្មោលផងដែរ ។
៣-ចូលសម្រាន្តយប់ជ្រៅពេក ៖ យោងតាមការស្រាជ្រាវមួយរបស់ទស្សនាវដ្តី Fertility & Sterility បានឱ្យដឹងថា ប្រសិនបើអ្នកជាមនុស្សទទួលទានដំណេកបានតិចជាង៦ម៉ោងក្នុង១យប់ នោះអត្រាដែលធ្វើឱ្យដៃគូមានផ្ទៃពោះគឺមានត្រឹមតែ៣១%ប៉ុណ្ណោះ បើធៀបនឹងអ្នកដែលបានគេងគ្រប់គ្រាន់ពី៧ទៅ៨ម៉ោងក្នុង១យប់។ ការទទួលទានដំណេកមិនបានគ្រប់គ្រាន់ គឺប៉ះពាល់ដល់សង្វាក់ផលិតកម្មនៃអ័រម៉ូន testosterone ជាពិសេស គឺការផលិតមេជីវិតឈ្មោល ។
៤-ស្ត្រេស ៖ ក្រុមអ្នកស្រាវជ្រាវមកពីសាកលវិទ្យល័យកូឡុំប៊ី បានឱ្យដឹងថា អ្នកដែលមានបញ្ហាស្ត្រេសកាន់តែច្រើន សមត្ថភាពមេជីវិតឈ្មោលរបស់គាត់នឹងកាន់តែថយចុះ៕
ចែករំលែកព័តមាននេះ