ខេត្តបន្ទាយមានជ័យ ៖ បុរសម្នាក់ត្រូវចោរចាក់១កាំបិត បណ្តាលឱ្យរងរបួសធ្ងន់ធ្ងរ ក្នុងហេតុការណ៍ប្លន់យកម៉ូតូទៅបាត់ដោយសុវត្ថិភាព កាលពីវេលាម៉ោងជាង០៧យប់ ថ្ងៃទី១០ មករា ស្ថិតត្រង់ចំណុចព្រំប្រទល់ភូមិព្រៃព្រិច និងសាមគ្គីមានជ័យ សង្កាត់ប៉ោយប៉ែត (ចំណុចចំការស្វាយ) ។
ប្រភពឱ្យដឹងថា ជនរងគ្រោះឈ្មោះអង់ រ៉ុម អាយុ២៧ឆ្នាំ រស់នៅភូមិមិត្តភាព សង្កាត់ប៉ោយប៉ែត (របួសត្រង់បំពង់.កធ្ងន់) បញ្ជូនទៅសង្គ្រោះបន្ទាន់នៅមន្ទីរពេទ្យមិត្តភាពកម្ពុជា-ជប៉ុន មង្គលបុរីភ្លាមៗ ក្រោយពីក្រុមគ្រូពេទ្យរុំរបួសបឋមនៅមន្ទីរពេទ្យបង្អែកក្រុងប៉ោយប៉ែត។
យ៉ាងណាក៏ដោយ គេមិនទាន់ដឹងមូលហេតុនៃអំពើប្លន់នេះទេ ពេលនេះសមត្ថកិច្ចជំនាញពាក់ព័ន្ធ ទាំងនគរបាលការពារព្រំដែនគោកលេខ៩១១ កំពុងដុតដៃដុតជើងតាមប្រមាញ់ចាប់មុខសញ្ញាជនសង្ស័យហើយ ។
ចែករំលែកព័តមាននេះ