សារព័ត៌មានបរទេសផ្សាយថាជនជាតិរុស្ស៊ីប្រហែល៥០០នាក់ ចូលរួមជិះកង់លើដងផ្លូវមួយនៅកណ្តាលក្រុងមូស្គូ កាលពីថ្ងៃទី៨ មករា ២០១៧ តាមបណ្តោយផ្លូវជាប់មាត់ទន្លេ និងកាត់មុខបរិវេណវិមានក្រឹមឡាំងមានចម្ងាយ១៥គីឡូម៉ែត្រក្រោមអាកាសធាតុត្រជាក់ដក២៧អង្សាសេ(-២៧oC) ។
តំបន់ភាគច្រើនរបស់រុស្ស៊ី រួមទាំងក្រុងមូស្គូ និងសង់ពីទ័រស៊្បើកប្រឈមមុខនឹងសីតុណ្ហភាព ទាបជាប្រវត្តិសាស្ត្រកាលពីចុងសប្តាហ៍កន្លងទៅជាអំឡុងពេលដែលរុស្ស៊ីប្រារព្ធពិធីបុណ្យគ្រីស្មាសនិកាយ«អូតូដុក»ក្នុងសីតុណ្ហភាពត្រជាក់ខ្លាំងដល់ទៅ-៣០oC គឺជារយៈពេលនៃការប្រារព្ធពិធីបុណ្យគ្រឹស្មាសរងាខ្លាំងបំផុត ក្នុងអំឡុងពេល១២០ឆ្នាំកន្លងមករបស់រុស្ស៊ី ។
បច្ចុប្បន្នអាកាសធាតុត្រជាក់ខ្លាំងបានគ្របដណ្តប់តំបន់ភាគច្រើននៅអឺរ៉ុប និងមានរបាយការណ៍បញ្ជាក់ថាអ្នកស្លាប់សរុប២៣នាក់ ។ ចំពោះការជិះកង់ក្នុងរដូវរងា-២៧oCរបស់រុស្ស៊ី គឺជាសកម្មភាពមួយទប់ទល់នឹងការត្រជាក់ខ្លាំងនៅក្នុងប្រទេស ៕
ចែករំលែកព័តមាននេះ