សម្ពាធឈាមឡើងខ្ពស់អំឡុងពេលមានផ្ទៃពោះអាចបន្ថែមសម្ពាធលើបេះដូង និងតម្រងនោមរបស់អ្នក ដែលអាចបង្កើនហានិភ័យនៃជំងឺបេះដូង ជំងឺតម្រងនោម និងជំងឺដាច់សរសៃឈាមខួរក្បាល ។ ស្របគ្នានេះដែរ
សម្ពាធឈាមឡើងខ្ពស់អំឡុងពេលមានផ្ទៃពោះអាចបន្ថែមសម្ពាធលើបេះដូង និងតម្រងនោមរបស់អ្នក ដែលអាចបង្កើនហានិភ័យនៃជំងឺបេះដូង ជំងឺតម្រងនោម និងជំងឺដាច់សរសៃឈាមខួរក្បាល ។ ស្របគ្នានេះដែរ ផលវិបាកផ្សេងទៀតរួមមានទារកមានការលូតលាស់មិនគ្រប់លក្ខណៈ សម្រាលកូនមិនគ្រប់ខែការរំខានដល់សុក និងការផ្តល់កំណើតតាមរយៈការវះកាត់ ។ នៅពេលដែលអ្នកលើសសម្ពាធឈាមអំឡុងពេលមានផ្ទៃពោះ វាជាការសំខាន់ក្នុងការត្រួតពិនិត្យកម្រិតសម្ពាធឈាមរបស់អ្នកយ៉ាងម៉ត់ចត់ពេលមានផ្ទៃពោះ ។ ការគ្រប់គ្រងសម្ពាធឈាមរបស់អ្នកអាចជួយឲ្យអ្នកនិងទារកមានសុខភាពល្អ។ នៅពេលជាមួយគ្នានេះដែរ ការពិនិត្យអេកូគួរតែធ្វើឱ្យបានញឹកញាប់ដើម្បីតាមដានការរីកលូតលាស់របស់ទារកក្នុងផ្ទៃ ។
១-ត្រួតពិនិត្យបរិមាណអំបិលដែលអ្នកទទួលទាន ៖ ជាទូទៅ នៅពេលដែលអ្នកមានសម្ពាធឈាមឡើងខ្ពស់កាត់បន្ថយការទទួលទានអំបិល សម្ពាធឈាមរបស់ពួកគេក៏ធ្លាក់ចុះផងដែរ។ វាថែមទាំងអាចទប់ស្កាត់ការឡើងសម្ពាធឈាមទៀតផង ។ ការសិក្សាមួយនៅឆ្នាំ 2014 បានចុះផ្សាយនៅក្នុងព្រឹត្តបត្តិ Electrolytes & Blood Pressure បានបង្ហាញថា ការកាត់បន្ថយរបបអាហារដែលសម្បូរជាតិអំបិលអាចកាត់បន្ថយការស្លាប់ដែលបណ្តាលមកពីជំងឺលើសសម្ពាធឈាម ជំងឺសរសៃឈាមបេះដូង និងជំងឺដាច់សរសៃឈាមខួរក្បាល ។
សូមចងចាំថា រាងកាយត្រូវការជាតិសូដ្យូមក្នុងបរិមាណតិចតួចដើម្បីឲ្យរាងកាយដំណើរការបានល្អ តែអំបិលច្រើនហួសហេតុពេកនឹងធ្វើឲ្យកើនសម្ពាធឈាម និងកើតជំងឺបេះដូង ឬជំងឺដាច់សរសៃឈាមខួរក្បាល ។ អំឡុងពេលមានផ្ទៃពោះ អ្នកត្រូវតែពិនិត្យលើការទទួលទានអំបិលដើម្បីគ្រប់គ្រងសម្ពាធឈាមរបស់អ្នក ។
២-គ្រប់គ្រងការដកដង្ហើម ៖ ការដកដង្ហើមវែងៗគឺជាបច្ចេកទេសក្នុងការសម្រាកដែលអាចជួយបន្ថយកម្រិតស្ត្រេសរបស់អ្នក និងរក្សាស្ថិរភាពសម្ពាធឈាម ។ ការសិក្សាមួយនៅឆ្នាំ 2005 បានចេញផ្សាយនៅក្នុងព្រឹត្តិបត្រ Hypertension បានរកឃើញថា ការដកដង្ហើមយឺតៗអាចបង្កើនរឺហ្វ្លីកសរសៃឈាម និងកាត់បន្ថយសម្ពាធឈាម ។ លើសពីនេះទៅទៀត រាល់ពេលដែលអ្នកដកដង្ហើមវែងៗ អុកស៊ីសែនក្នុងឈាមអាចដឹកជញ្ជូនទៅគ្រប់កោសិកាក្នុងរាងកាយ។ វាផ្តល់ថាមពល និងធ្វើឱ្យអ្នកមានអារម្មណ៍ល្អ។
៣-រីករាយជាមួយការដើរ ៖ ស្ត្រីដែលមិនសូវមានសកម្មភាពមានហានិភ័យខ្ពស់ក្នុងការឡើងសម្ពាធឈាមអំឡុងពេលមានផ្ទៃពោះ ជាងអ្នកដែលធ្វើលំហាត់ប្រាណ។ ការដើរជាផ្នែកមួយនៃការធ្វើលំហាត់ប្រាណដែលល្អបំផុតសម្រាប់ស្ត្រីមានផ្ទៃពោះ ។
ស្ត្រីមានផ្ទៃពោះ ដែលមានសម្ពាធឈាមឡើងខ្ពស់ អាចបន្ថយសម្ពាធឈាមរបស់ពួកគេដោយការដើររយៈពេល30ទៅ45នាទីជារៀងរាល់ថ្ងៃ ។ វាគឺជាសកម្មភាពដែលមានសុវត្ថិភាពពេញរយៈពេលប្រាំបួនខែនៃការមានផ្ទៃពោះ ។ លើសពីនេះទៅទៀត ការដើរទៀងទាត់អាចធានាបានថាអ្នកមានភាពរឹងមាំ និងមានការស៊ូទ្រាំខ្លាំងនៅពេលសម្រាលកូន ។
៤-បង្កើនការបរិភោគជាតិប៉ូតាស្យូម ៖ ប៉ូតាស្យូមគឺជាសារធាតុរ៉ែសំខាន់អំឡុងពេលមានផ្ទៃពោះ ។ វាជួយរក្សាតុល្យភាពជាតិទឹក និងអេឡិចត្រូលីត។ វាក៏ជួយក្នុងការដឹកនាំបន្ទុកសរសៃប្រសាទ ការកន្ត្រាក់នៃសាច់ដុំនិងការបញ្ចេញថាមពលពីជាតិកាបូអីុដ្រាត ខ្លាញ់និងប្រូតេអីុន ។ ការសិក្សាមួយនៅឆ្នាំ2015 ដែលបានចេញផ្សាយនៅក្នុងព្រឹត្តិបត្រ Journal of Human Hypertension បានរាយការណ៍ថា ការបង្កើនការទទួលទានប៉ូតាស្យូមមានផលប្រយោជន៍ចំពោះសម្ពាធឈាម ។
ស្ត្រីមានផ្ទៃពោះគួរទទួលទានជាតិប៉ូតាស្យូមពី 2.000ទៅ4.000 មីលី្លក្រាមក្នុងមួយថ្ងៃ។
អាហារមួយចំនួនដែលសម្បូរជាតិប៉ូតាស្យូមមានដំឡូងជ្វា ប៉េងប៉ោះ ទឹកក្រូចច្របាច់ ដំឡូង ចេក សណ្តែក ត្រសក់ស្រូវ និងដំណាប់ផ្លែឈើក្រៀមដូចជាផ្លសេ prunes និងទំពាំងបាយជូរ។
៥-បរិភោគអាហារដែលសម្បូរជាតិម៉ាញេស្យូម ៖ របបអាហារដែលមានជាតិម៉ាញ៉េស្យូមទាបអាចនាំឱ្យសម្ពាធឈាមឡើងខ្ពស់។ ការសិក្សាមួយនៅក្នុងឆ្នាំ1999 បានចេញផ្សាយក្នុងព្រឹត្តិបត្រ Hypertension បានរាយការណ៍ថា កង្វះជាតិម៉ាញេស្យូមមានទំនាក់ទំនងជាមួយនឹងការឡើងសម្ពាធឈាម ។ នេះគឺជាមូលហេតុដែលអ្នកគួរតែបរិភោគអាហារដែលសម្បូរជាតិម៉ាញេស្យូមអំឡុងពេលមានផ្ទៃពោះ។ វាមិនត្រឹមតែកាត់បន្ថយសម្ពាធឈាមរបស់អ្នកនោះទេ សារធាតុរ៉ែនេះនឹងជួយការពារស្បូនពីការធ្លាក់ចុះមុនអាយុ ។ វាក៏ជួយធ្វើឲ្យធ្មេញ និងឆ្អឹងរបស់ទារកមានភាពរឹងមាំផងដែរ ។
អ្នកអាចទទួលបានជាតិម៉ាញេស្យូមពីអាហារដូចគ្រាប់អាល់ម៉ុង ផ្លែប៊័រ ចេក សណ្តែក គ្រាប់ល្ពៅ តៅហ៊ូ ទឹកសណ្តែក គ្រាប់ស្វាយចន្ទី ដំឡូង (ជាមួយសំបក) យ៉ាអួរ គ្រាប់ធញ្ញជាតិនិងបន្លែស្លឹកបៃតង ៕
ចែករំលែកព័តមាននេះ