បញ្ជូនស្ត្រីជនជាតិចិនម្នាក់ទៅសាលាដំបូង ពាក់ពន្ធជួញដូរគ្រឿងញៀ.ន
រាជធានីភ្នំពេញ ៖ សមត្ថកិច្ចនគរបាលនាយកដ្ឋានសន្តិសុខផ្ទៃក្នុងក្រសួងមហាផ្ទៃ កាលពីរសៀលថ្ងៃទី១០ មករា បានបញ្ជូនស្ត្រីជនជាតិចិនម្នាក់ទៅកាន់សាលាដំបូងរាជធានីភ្នំពេញ
រាជធានីភ្នំពេញ ៖ សមត្ថកិច្ចនគរបាលនាយកដ្ឋានសន្តិសុខផ្ទៃក្នុងក្រសួងមហាផ្ទៃ កាលពីរសៀលថ្ងៃទី១០ មករា បានបញ្ជូនស្ត្រីជនជាតិចិនម្នាក់ទៅកាន់សាលាដំបូងរាជធានីភ្នំពេញ ពាក់ពន្ធករណីជួញដូរគ្រឿងញៀនដោយខុសច្បាប់ ។ ជនសង្ស័យមានឈ្មោះ ZHANG XUE QIN ភេទស្រី អាយុ៣៥ឆ្នាំ វត្ថុតាងចាប់យករួមមាន គ្រឿងញៀន ទី១.ប្រភេទម្សៅ Ketamine ១១.៨៩ក្រាម ២.ប្រភេទទឹក អ៊ិចស្ដាស៊ី (MDMA) ០៣ដប ចំណុះ ៦០ml ទម្ងន់ប្រហែល៦០ក្រាម និងទូរស័ព្ទដៃ១គ្រឿង។
សមត្ថកិច្ចឲ្យដឹងថា កាលពីវេលាម៉ោង២ និង៣០នាទីរសៀល ថ្ងៃទី០៩ មករា ២០១៧ កម្លាំងជំនាញនៃនាយកដ្ឋានសន្ដិសុខផ្ទៃក្នុង បានសហការជាមួយកម្លាំងជំនាញ ការិយាល័យទី៦ នៃមន្ទីរប្រឆាំងគ្រឿងញៀន ចុះបង្ក្រាបករណីជួញដូរគ្រឿងញៀន នៅចំណុចក្នុងកាស៊ីណូណាហ្គាវើល សង្កាត់ទន្លេបាសាក់ ខណ្ឌដូនពេញ រាជធានីភ្នំពេញ ជាលទ្ធផលឃាត់ខ្លួនស្ដ្រីជនជាតិចិនម្នាក់ដូចមានឈ្មោះខាងលើនេះ។ ក្រោយពីឃាត់ខ្លួនសមត្ថកិច្ច បានកសាងសំណុំរឿងបញ្ជូនជនសង្ស័យ និងវត្ថុតាងទៅកាន់សាលាដំបូងរាជធានីភ្នំពេញ តាមនីតិវិធី ៕
ចែករំលែកព័តមាននេះ