ចិនប្រកាសធ្វើសមយុទ្ធថ្មីនៅតំបន់ផ្សេងទៀត ក្រោយបញ្ចប់សមយុទ្ធជុំវិញកោះតៃវ៉ាន់
ចិន ៖ មហាយក្សចិនបានប្រកាសពីការធ្វើសមយុទ្ធយោធាថ្មីនៅក្នុងសមុទ្រលឿង និង Bohai បន្ទាប់
ចិន ៖ មហាយក្សចិនបានប្រកាសពីការធ្វើសមយុទ្ធយោធាថ្មីនៅក្នុងសមុទ្រលឿង និង Bohai បន្ទាប់
ចិន ៖ មហាយក្សចិនបានប្រកាសពីការធ្វើសមយុទ្ធយោធាថ្មីនៅក្នុងសមុទ្រលឿង និង Bohai បន្ទាប់ពីធ្វើសមយុទ្ធព័ទ្ធជុំវិញកោះតៃវ៉ាន់អស់រយៈពេល ៥ថ្ងៃ និងបានបញ្ចប់កាលពីថ្ងៃអាទិត្យ ទី៧ សីហា ម្សិលមិញនេះ។
សមយុទ្ធយោធាចិននៅដែនទឹកជុំវិញកោះតៃវ៉ាន់ កើតឡើងបន្ទាប់ពីដំណើរទស្សនកិច្ចរបស់ប្រធានសភាអាមេរិក លោកស្រី Nancy Pelosi។
តៃវ៉ាន់បានចោទប្រកាន់ចិនថា បានធ្វើសមយុទ្ធក្លែងឲ្យដូចទៅនឹងការវា.យប្រហារលើកោះតៃវ៉ាន់។
កាលពីថ្ងៃអាទិត្យ ទី ៧ សីហា អ្នកវិភាគយោធាចិនជាន់ខ្ពស់ម្នាក់បាននិយាយថាឥឡូវនេះ ចិននឹងធ្វើសមយុទ្ធយោធាជាទៀងទាត់នៅក្បែរកោះតៃវ៉ាន់។
បន្ទាប់ពីបិទបញ្ចប់សមយុទ្ធនៅជុំវិញកោះតៃវ៉ាន់កាលពីថ្ងៃអាទិត្យ អាជ្ញាធរសមុទ្រចិន បានប្រកាសថានឹងមានសមយុទ្ធយោធាមួយចំនួនទៀតនៅទីតាំងផ្សេងទៀត។
សមយុទ្ធនៅសមុទ្រលឿង ដែលស្ថិតនៅចន្លោះចិន និងឧបទ្វីបកូរ៉េ នឹងចាប់ផ្តើមធ្វើឡើងរហូតដល់ពាក់កណ្តាលខែសីហា។ ចិនក៏នឹងធ្វើសមយុទ្ធយោធាដាច់ដោយឡែកផងដែរនៅសមុទ្រ Bohai៕ (យោងតាមប្រភព៖ BBC)
ចែករំលែកព័តមាននេះ