ម្ចាស់ក្លិបរាត្រីត្រូវឃុំខ្លួន ក្រោយមនុស្ស១៥នាក់ស្លា.ប់ក្នុងសោកនាដកម្មឆេះក្លិប
ថៃ ៖ ប៉ូលីសថៃ បានឃុំខ្លួនម្ចាស់ក្លឹបរាត្រីមួយដែលត្រូវភ្លើងឆេះ បណ្តាលឲ្យមនុស្សស្លា.ប់ចំនួន ១៥
ថៃ ៖ ប៉ូលីសថៃ បានឃុំខ្លួនម្ចាស់ក្លឹបរាត្រីមួយដែលត្រូវភ្លើងឆេះ បណ្តាលឲ្យមនុស្សស្លា.ប់ចំនួន ១៥នាក់។ គួររំលឹកថា សោកនាដកម្ម! ឆេះក្លិបរាត្រីនៅថៃ ស្លា.ប់ និងរបួសជិត៥០នាក់
អគ្គិភ័យបានកើតឡើងនៅម៉ោងប្រហែល ១ឈានចូលព្រឹកថ្ងៃសុក្រ ទី៥ សីហា នៅក្នុងក្លឹប Mountain B ស្ថិតក្នុងស្រុក Sattahip នៃខេត្ត Chonburi ចំងាយប្រមាណ ១៥០គីឡូម៉ែត្រពីរដ្ឋធានីបាងកក។
កាលពីថ្ងៃសៅរ៍ ចំនួនអ្នកស្លា.ប់បានកើនឡើងដល់ ១៥នាក់ ដោយជនរងគ្រោះទាំងអស់ត្រូវបានគេប្រទះឃើញសាកស.ពនៅចក្រចូលក្លឹប និងក្នុងបន្ទប់ទឹក។
មន្ត្រីប៉ូលីសជាន់ខ្ពស់ម្នាក់បានបញ្ជាក់កាលពីថ្ងៃអាទិត្យ ទី ៧សីហាថា លោក Pongsiri Panprasng ដែលជាម្ចាស់ក្លឹបរាត្រីនោះ បានចូលខ្លួនមក បន្ទាប់ពីមានការចេញដីកាចាប់ខ្លួនរបស់គាត់។
ប៉ូលីសបញ្ជាក់ថា ម្ចាស់ក្លឹបវ័យ ២៧ឆ្នាំរូបនោះនឹងប្រឈមនឹងការចោទប្រកាន់ជាច្រើនករណី រួមមានបង្កការស្លា.ប់ដោយធ្វេសប្រហែល និងបើកក្លឹបដោយគ្មានអាជ្ញាប័ណ្ឌ។
ការបង្កឲ្យមានការស្លា.ប់ដោយធ្វេសប្រហែលអាចមានទោសរហូតដល់ ១០ឆ្នាំ និងពិន័យជាប្រាក់ ៥.០០០ដុល្លារ។
សូមបញ្ជាក់ថា បន្ទាប់ពីមានករណីឆេះក្លឹប នាយករដ្ឋមន្ត្រីថៃលោក Prayuth Chan-O-cha បានបញ្ជាឲ្យមានការស៊ើបអង្កេតភ្លាមៗ៕ (យោងតាមប្រភព៖ AFP)
ចែករំលែកព័តមាននេះ