ដោយដកស្រង់សម្តីរបស់បណ្តាតំណាងមន្ទីរប៉ង់តាហ្គោនរ៉យទ័ររាយការណ៍ថានាវាចម្បាំងអាមេរិក១គ្រឿងបានបាញ់ព្រមានបណ្តានាវាចម្បាំងអុីរ៉ង់ក្នុងច្រកសមុទ្រ ORMUZ ដែលភ្ជាប់ឈូងសមុទ្រពែរ្ស៍ទៅឈូងសមុទ្រអូម៉ង់ ។
ឧប្បត្តិហេតុនោះកើតមានកាលពីថ្ងៃទី៨ មករា កន្លងទៅ ពេលនាវា៤គ្រឿងរបស់កងឆ្មាំបដិវត្តន៍អីុរ៉ង់រំកិលខ្លួនមកក្បែរនាវា MAHAN ដែលស្ថិតក្នុងចំណោមនាវាចម្បាំងអាមេរិកឯទៀតៗ ។ យោងតាមបណ្តាតំណាងមន្ទីរប៉ង់តាហ្គោនថា នាវាអីុរ៉ង់បានមកក្បែរនាវា MA HAN ត្រឹមចម្ងាយ៨០០ម៉ែត្រ ។ ការបាញ់ព្រមានត្រូវបានធ្វើព្រោះតែបណ្តានាវាអីុរ៉ង់ធ្វើមិនដឹងមិនឮចំពោះសញ្ញាវិទ្យុនិងការបាញ់ផ្សែងរបស់ឧទ្ធម្ភាគចក្រអាមេរិកមួយគ្រឿង ។
រយៈពេលចុងក្រោយនេះកើតមានឧប្បត្តិហេតុជាច្រើនរវាងកងនាវាចម្បាំងអាមេរិកនិងកងនាវាចម្បាំងអីុរ៉ង់នៅតំបន់ឈូងសមុទ្រពែរ្ស៍៕
ចែករំលែកព័តមាននេះ