ក្រសួងសុខាភិបាលបានបញ្ជាក់ថា បានបន្តរកឃើញអ្នកឆ្លងជំងឺកូវីដ១៩ថ្មី ចំនួន៤៤នាក់ ព្យាបាលជាសះស្បើយចំនួន៣៣នាក់ តែគ្មានអ្នកស្លា.ប់នោះទេ
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា បានបន្តរកឃើញអ្នកឆ្លងជំងឺកូវីដ១៩ថ្មី ចំនួន៤៤នាក់ ព្យាបាលជាសះស្បើយចំនួន៣៣នាក់ តែគ្មានអ្នកស្លា.ប់នោះទេ។
ក្រសួងបានលើកឡើងយ៉ាងដូច្នេះថា បានរកឃើញអ្នកឆ្លងថ្មីចំនួន ៤៤នាក់ នៅក្នុងសហគមន៍ បានព្យាបាលជាសះស្បើយចំនួន ៣៣ នាក់ និងស្លា.ប់គ្មាននោះទេ។ ហើយគិតត្រឹមព្រឹកថ្ងៃទី០៧ ខែសីហា ឆ្នាំ២០២២នេះ មានអ្នកឆ្លងកូវីដសរុបចំនួន ១៣៧,០២១នាក់ អ្នកព្យាបាជាសះស្បើយចំនួន ១៣៣,៦៨៣នាក់ និងអ្នកស្លា.ប់ចំនួន ៣,០៥៦ នាក់ ។
ជាមួយគ្នានោះដែរ ក្រសួងក៏បានលើកឡើងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី០៦ ខែសីហា ឆ្នាំ២០២២ បានចាក់ទៅលើប្រជាជនអាយុចាប់ពី ១៨ឆ្នាំឡើង មាន ១០៣,៤៧% ធៀបជាមួយចំនួនប្រជាជនគោលដៅ ១០លាននាក់។ លើកុមារ-យុវវ័យអាយុចាប់ពី ១២ឆ្នាំ ទៅក្រោម១៨ឆ្នាំ មាន ១០០,៨៩% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។
លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៩,៧៦% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។ លើកុមារអាយុ ០៥ឆ្នាំ មាន ១៣៧,២២% ធៀបជាមួយនឹងប្រជាជនគោលដៅ ៣០៤,៣១៧ នាក់។ លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៧៣,៥៦% ធៀបជាមួយនឹងប្រជាជនគោលដៅ ៦១០,៧៣០ នាក់។ សរុបលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៩៤,៦៣%៕
ចែករំលែកព័តមាននេះ