ខេត្តត្បូងឃ្មុំ ៖ ក្របីញី-ឈ្មោលចំនួន១០ក្បាលរបស់អ្នកភូមិឈើទាលជ្រុំ ឃុំអញ្ចើម ស្រុកត្បូងឃ្មុំបានបាត់នោះ កាលពីព្រឹកថ្ងៃទី០៨ មករា ត្រូវហ្វូងក្របីទាំងនោះបានដើរដល់ក្នុងភូមិវាល ឃុំកណ្តោលជ្រុំ ស្រុកពញាក្រែក (ចំងាយប្រហែលជិត១០គីឡូម៉ែត្រ) ត្រូវបានប្រជាពលរដ្ឋចាប់ចងទុក ហើយរាយការណ៍មកសមត្ថកិច្ច ដើម្បើស្វែងរកម្ចាស់ លុះដល់ល្ងាចថ្ងៃទី០៩ មករា ទើបប្រគល់
ជូនម្ចាស់វិញ ដែលមានចំនួន៥ម្ចាស់ ។
លោកអាំ វិបុល នាយប៉ុស្តិ៍រដ្ឋបាលឃុំកណ្តោលជ្រុំបានឱ្យដឹងថា ក្របីទាំងនោះ ត្រូវប្រជាពលរដ្ឋបានលែងឱ្យស៊ីស្មៅនៅតាមវាលស្រែ ក្នុងភូមិឈើទាលជ្រុំកាលពីព្រឹកថ្ងៃទី០៨ មករា តែមិនមានអ្នកមើលត្រឹមត្រូវនោះទេ ដែលជាហេតុធ្វើឱ្យក្របី បានដើរកាត់តាមវាលស្រែ ចម្ងាយច្រើនគីឡូម៉ែត្រ មកដល់ភូមិវាល ឃុំកណ្តោលជ្រុំ ផ្លូវចូលទៅហ្លួងព្រះស្តេចកន នៅវេលាម៉ោងជាង៥ល្ងាច ថ្ងៃដដែល ត្រូវបានប្រជាពលរដ្ឋឃើញ ក៏បានកៀងមេក្របីឲ្យចូលដេកក្នុងក្រោលចំនែកក្របី៩ក្បាលទៀត បានចូលដែរ។
លោកអាំ វិបុល នាយប៉ុស្តិ៍រដ្ឋបាលឃុំកណ្តោលជ្រុំប្រាប់បន្តថា បន្ទាប់ពីរាយការណ៍មក រូបលោកជាបន្ទាន់ ហើយរូបលោកក៏បានទូរស័ព្ទទៅប្រាប់លោកអធិការនគរបាលស្រុកពញាក្រែក និងបានឱ្យម្ចាស់ផ្ទះរក្សាទុកជាបណ្តោះអាសន្ន ។ លុះនៅព្រឹកថ្ងៃទី០៩មករា មានកូនក្របីនិងជំទង់១ក្បាល បានរត់ចេញពីរបងប្រជាពលរដ្ឋនិងសមត្ថកិច្ចបានដេញតាមពីក្រោយ លុះមកដល់ត្រង់ស្រះមួយ ស្រាប់តែកូនបានចុះក្នុងទឹកត្រពាំង និង១ក្បាលទៀត បានដើរទៅដល់ផ្ទះនៅភូមិឈើទាលជ្រុំ ទើបសមត្ថកិច្ចបានស្គាល់ម្ចាស់និងដឹងអ្នកផ្សេងៗទៀត ដែលបានបាត់ក្របី ដឹងមានចំនួន៥ម្ចាស់ ។
ចែករំលែកព័តមាននេះ