នាយកដ្ឋាននគរបាលព្រហ្មទណ្ឌបង្ហាញមុខក្រុមចោរកាំភ្លើងអាកា8នាក់
រាជធានីភ្នំពេញ ៖ កោះសន្តិភាពបានចេញផ្សាយក្នុងលេខមុននេះ ពាក់ព័ន្ធនឹងក្រុមចោរប្រើកាំភ្លើងអាកាប្លន់ផ្ទះលក់ស្រូវ ហើយនៅរសៀលថ្ងៃទី៩ ខែមករា
រាជធានីភ្នំពេញ ៖ កោះសន្តិភាពបានចេញផ្សាយក្នុងលេខមុននេះ ពាក់ព័ន្ធនឹងក្រុមចោរប្រើកាំភ្លើងអាកាប្លន់ផ្ទះលក់ស្រូវ ហើយនៅរសៀលថ្ងៃទី៩ ខែមករា
រាជធានីភ្នំពេញ ៖ កោះសន្តិភាពបានចេញផ្សាយក្នុងលេខមុននេះ ពាក់ព័ន្ធនឹងក្រុមចោរប្រើកាំភ្លើងអាកាប្លន់ផ្ទះលក់ស្រូវ ហើយនៅរសៀលថ្ងៃទី៩ ខែមករា នាយកដ្ឋាននគរបាលព្រហ្មទណ្ឌក្រសួងមហាផ្ទៃ បានបង្ហាញមុខក្រុមជនសង្ស័យជាចោរប្លន់ប្រើកាំភ្លើងអាកានេះជាសាធារណៈ ដែលមានចំនួន៨នាក់ និងអាវុធចំនួន៣ដើម ។
ការបង្ហាញមុខនេះធ្វើឡើងដោយលោកឧត្តមសេនីយ៍ទោ ឡឹក វណ្ណៈ និងលោកឧត្តមសេនីយ៍ទោ ង៉េង ជួរ អនុប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ និងមានការចូលរួមពីសំណាក់លោកឧត្តមសេនីយ៍ត្រី សុង លី ស្នងការរងនគរបាលរាជធានីភ្នំពេញ ព្រមទាំងមន្ត្រីពាក់ព័ន្ធជាច្រើនរូបទៀត រួមទាំងសមត្ថកិច្ចខេត្តកំពង់ស្ពឺ ពិសេសអធិការនគរបាលខណ្ឌពោធិ៍សែនជ័យ ដែលជាអាជ្ញាធរកន្លែងកើតហេតុ ។
ជនសង្ស័យទាំង៨នាក់មាន ៖
១-ឈ្មោះ សួង ធី ភេទប្រុស អាយុ៥០ឆ្នាំ នៅភូមិទួលរកា ឃុំល្អាងលើ ស្រុកកំពង់សៀម ខេត្តកំពង់ចាម ជាមេខ្លោង ។
២-ឈ្មោះ អ៊ី សោភ័ណ្ឌ ភេទប្រុស អាយុ៣៥ឆ្នាំ នៅភូមិព្រែក ឃុំអមលាំង ស្រុកថ្ពង ខេត្តកំពង់ស្ពឺ ។
៣-ឈ្មោះ ស្វាយ តាក់ ភេទប្រុស អាយុ៣៩ឆ្នាំ នៅភូមិរៀមកណ្តាល ឃុំវាលពន់ ស្រុកថ្ពង ខេត្តកំពង់ស្ពឺ ។
៤-ឈ្មោះ ស៊ុន ប៊ុនធឿន ភេទប្រុស អាយុ៣៦ឆ្នាំ នៅភូមិដូងខ្វិត ឃុំវាលពុន ស្រុកថ្ពងខេត្តកំពង់ស្ពឺ ។ ៥-ឈ្មោះ អឿន សុផា ភេទប្រុស អាយុ៣២ឆ្នាំ នៅភូមិថ្មី ឃុំត្រាចទង ស្រុកឧដុង្គ ខេត្តកំពង់ស្ពឺ ។
៦-ឈ្មោះ សាត ធឹម ភេទប្រុស អាយុ៣៩ឆ្នាំ នៅភូមិទួលយើង ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។
៧-ឈ្មោះ ហម ហាន ភេទប្រុស អាយុ៤៤ឆ្នាំ នៅភូមិព្រៃរឹង សង្កាត់ស្នោ ខណ្ឌពោធិ៍សែនជ័យ រាជធានីភ្នំពេញ
និង៨-ឈ្មោះ មាស ធឹម ភេទប្រុស អាយុ៣៦ឆ្នាំ នៅភូមិប្រសព្វជុំ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
ក្នុងសន្និសីទសារព័ត៌មាន បានបង្ហាញនូវវត្ថុតាងដែលដកហូតបានពីជនសង្ស័យរួមមានកាំភ្លើងអាកាស្វាយបត់ចំនួន៣ដើម បង់៣គ្រាប់ចំនួន៧០គ្រាប់ កាំបិត១ ខ្នោះដៃ១ ស្កុតរុំមុខ១ដុំ សម្លៀកបំពាក់ប៉ារ៉ា១សម្រាប់ និងសម្លៀកបំពាក់នគរបាល២សម្រាប់ ។
លោកឧត្តមសេនីយ៍ទោ ឡឹក វណ្ណៈ បានថ្លែងក្នុងសន្និសីទសារព័ត៌មានថា ក្រោយពីកើតមានអំពើប្លន់ប្រដាប់អាវុធផ្ទះអ្នកលក់ស្រូវនៅសង្កាត់ស្នោ ខណ្ឌពោធិ៍សែនជ័យ កាលពីថ្ងៃទី២៦ ខែធ្នូ ឆ្នាំ២០១៦ និងមានបាញ់ស្លាប់ប្រជាការពារភូមិម្នាក់ លោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ បានដាក់ផែនការដល់នាយកដ្ឋានកណ្តាលនគរបាលព្រហ្មទណ្ឌក្រសួងមហាផ្ទៃ ដោយមានការសហការជាមួយស្នងការរាជធានី-ខេត្ត ឲ្យធ្វើការស្រាវជ្រាវ និងបង្ក្រាបឲ្យខាងតែបានលើករណីនេះ ។
ជាក់ស្តែង នៅថ្ងៃទី៧ ខែមករា កម្លាំងនគរបាលព្រហ្មទណ្ឌ សហការជាមួយនគរបាលរាជធានីភ្នំពេញ និងខេត្តកំពង់ស្ពឺ ព្រមទាំងមានការសម្របសម្រួលពីស្ថាប័នអយ្យការអមសាលាដំបូងរាជធានីភ្នំពេញផង បានឃាត់ខ្លួនក្រុមប្លន់ប្រដាប់អាវុធចំនួន៨នាក់ និងដកហូតកាំភ្លើងអាកាចំនួន៣ដើម ដូចរៀបរាប់ខាងលើ ។
លោក ឡឹក វណ្ណៈ បន្តថា ក្រោយពីបញ្ចប់សន្និសីទសារព័ត៌មាននេះ សមត្ថកិច្ចនឹងបញ្ជនជនសង្ស័យទៅសាលាដំបូងរាជធានីភ្នំពេញ តាមនីតិវិធី ជាមួយនេះ សុំដីកាតាមចាប់ខ្លួនបក្សដែលនៅសេសសល់កំពុងគេចខ្លួន៣នាក់ទៀតផងដែរ ។
យោងតាមរបាយការណ៍បណ្តោះអាសន្នប្រចាំឆ្នាំ២០១៦ របស់នាយកដ្ឋាននគរបាលព្រហ្មទណ្ឌ បានចុះសហការជាមួយកម្លាំងជំនាញតាមរាជធានី-ខេត្ត ជាបន្តបន្ទាប់ ដោយបើកការស៊ើបអង្កេតនិងស្រាវជ្រាវ ។ ជាលទ្ធផល បង្ក្រាបមុខសញ្ញាប្រព្រឹត្តបទល្មើស និងមុខសញ្ញាត្រៀមប្រព្រឹត្តបទល្មើសបានជាច្រើននាក់ ពាក់ព័ន្ធជាច្រើនករណីបង្ក្រាបបានជនសង្ស័យជាមេខ្លោងក្នុងករណីប្លន់ប្រដាប់អាវុធធំៗចំនួន៦ក្រុម ចាប់ខ្លួនមេខ្លោង៣០នាក់ដែលជាករណីប្លន់ប្រដាប់អាវុធចំនួន៥២លើក នៅតាមមូលដ្ឋាន ។
របាយការណ៍ឲ្យដឹងទៀតថា ការបង្ក្រាបជារួមមាន ២.២៩១ករណី ចាប់ខ្លួនជនសង្ស័យបានចំនួន៣.១៥៦នាក់ ។
ក-បទឧក្រិដ្ឋមាន៥២០ករណី ចាប់ខ្លួន៧៦៣នាក់
១-បទល្មើសលួចមានស្ថានទម្ងន់ទោស(ប្លន់)
១៤៨ករណី ចាប់ខ្លួន៣០៥នាក់
-ប្រដាប់អាវុធ៤៦ករណី ចាប់បាន១១២នាក់
-ករណីបង្កផ្សេងៗ១០២ករណី ចាប់ខ្លួន១៩៣នាក់
២-ឃាតកម្ម១៣០ករណី ចាប់ខ្លួន១៩៦នាក់
៣-រំលោភសេពសន្ថវៈ២៣២ករណី ចាប់ខ្លួន២៤៦នាក់(រំលោភសម្លាប់៤ករណី ចាប់ខ្លួន៤នាក់)
ខ.បទមជ្ឈិមមាន១.៧៧១ករណី ចាប់ខ្លួន បាន២.៣៩៣នាក់
១-ឃាតកម្មដោយអចេតនា១៦ករណី ចាប់ខ្លួន១៧នាក់
២-លួច ៩៥៦ករណី ចាប់ខ្លួន១.៣១៦នាក់
៣-ឆបោក រំលោភលើទំនុកចិត្ត១៣៤ ករណីចាប់ខ្លួន១៨០នាក់
៤-ហិង្សាដោយចេតនាមាន៥៩៧ករណី ចាប់ខ្លួនបាន៧៩៩នាក់ (ហិង្សាក្នុងគ្រួសារមាន៩១ករណី ចាប់ខ្លួនបាន៩១នាក់
-ផ្សេងៗ៦៨ករណី ចាប់ខ្លួន៨១នាក់
នេះគ្រាន់តែជារបាយការណ៍បណ្តោះអាសន្នរបស់នាយកដ្ឋាននគរបាលព្រហ្មទណ្ឌក្រសួងមហាផ្ទៃតែបណ្តោះ ៕
ចែករំលែកព័តមាននេះ