របាយការណ៍ពី Taiwan News ក៏ដូចជាទីភ្នាក់ងារសារព័ត៌មាន Central News Agency ដែលគ្រប់គ្រងដោយរដ្ឋាភិបាលតៃវ៉ាន់ បានរាយការណ៍ថា លោក Ou Yang Li-hsing ដែលជាអនុប្រធានវិទ្យាស្ថានវិទ្យាសាស្ត្រ និងបច្ចេកវិទ្យាជាតិ Chung-Shan (NCSIST) ត្រូវបានប្រទះឃើញស្លា.ប់ក្នុងបន្ទប់សណ្ឋាគារមួយកន្លែង ក្នុងស្រុក Pingtung ភាគខាងត្បូងកោះតៃវ៉ាន់។
អាជ្ញាធរ និងមន្ត្រីសុខាភិបាលជំនាញបាននិយាយថា លោក Ou Yang អាយុ៥៧ឆ្នាំ ពិតជាបានស្លា.ប់ដោយសារគាំងបេះដូង ហើយបន្ទប់សណ្ឋាគារមិនត្រូវបានរកឃើញសញ្ញាឈ្លានពានណាមួយកើតឡើងនោះទេ។ ស្របពេលដែលសមាជិកគ្រួសាររបស់លោកបានប្រាប់ប៉ូលីសថា លោក Ou Yang ធ្លាប់មានប្រវត្តិជំងឺសរសៃឈាមបេះដូងរ៉ាំរ៉ៃផងដែរ។
លោក Ou Yang ដែលទើបចូលកាន់តំណែងនៅដើមឆ្នាំនេះ បានធ្វើដំណើរទៅកាន់ស្រុក Pingtung ដើម្បីបំពេញបេសកកម្មត្រួតពិនិត្យគម្រោងផលិតកាំជ្រួចមីស៊ីល។ ចំពេលយោធាតៃវ៉ាន់ កំពុងធ្វើការបង្កើនសមត្ថភាពផលិតកាំជ្រួចមីស៊ីលប្រចាំឆ្នាំរបស់ខ្លួនឱ្យបានលើសពី២ដងនៅក្នុងឆ្នាំនេះ។ ដ្បិតកោះនេះ កំពុងបង្កើនកម្លាំងប្រយុទ្ធរបស់ខ្លួន ចំពេលរងការគំរា.មកំហែងផ្នែកយោធារបស់ចិនកាន់តែខ្លាំងឡើង៕
ចែករំលែកព័តមាននេះ