នៅក្នុងលក្ខខណ្ឌវេជ្ជសាស្ត្រ ការបែកញើសច្រើនហួសកំណត់មានឈ្មោះថា hyperhidrosis ។ ជំងឺនេះអាចប៉ះពាល់ដល់គ្រប់ផ្នែកនៃរាងកាយ ប៉ុន្តែតំបន់ដែលប៉ះពាល់ច្រើនជាងគេបំផុតគឺបាតដៃនិងបាតជើង ក្លៀក និងមុខ។ ជំងឺនេះជាញឹកញាប់ជាជំងឺហ្សែន ដែលអ្នកជំងឺភាគច្រើនមានបងប្អូនឬឪពុកឬម្តាយមានជំងឺនេះដូចគ្នា។
ការបែកញើសច្រើនហួសកំណត់ អាចរំខានដល់សកម្មភាពប្រចាំថ្ងៃរបស់លោកអ្នក និងបណ្តាលឱ្យមានជំងឺថប់អារម្មណ៍ឬភាពអាម៉ាស់។
ទោះជាយ៉ាងណា វិធីព្យាបាលសាមញ្ញតាមផ្ទះមួយចំនួនអាចផ្តល់នូវប្រសិទ្ធភាពដ៏មិនគួរឲ្យជឿ។
ខាងក្រោមនេះ ជាវិធីព្យាបាលដែលលោកអ្នកអាចអនុវត្តនៅផ្ទះដោយខ្លួនឯង សម្រាប់ការព្យាបាលកាបែកញើសបាតដៃនិងបាតជើង ៖
១-ទឹកក្រូចឆ្មារ
ក្រូចឆ្មារគឺមធ្យោបាយធម្មជាតិ និងអាចរកបានយ៉ាងងាយស្រួលសម្រាប់ការព្យាបាលបញ្ហាបែកញើសបាតដៃនិងបាតជើង។ វាមានតួនាទីជាអ្នកកម្ចាត់ក្លិនពីធម្មជាតិ។ លើសពីនេះ ក្រូចឆ្មារអាចជួយកម្ចាត់បាក់តេរី និងធ្វើឲ្យអ្នកមានក្លិនស្រស់ស្អាត។
• លាយទឹកក្រូចឆ្មារស្រស់ជាមួយម្សៅដុតនំ baking soda ១ស្លាបព្រាកាហ្វេរហូតបានជាល្បាយស្មើសាច់ ។ លាបវានៅលើកន្លែងដែលលោកអ្នកបែកញើសច្រើនជាងគេ។ រង់ចាំ១០នាទីបន្ទាប់មកលាងវាចេញ។ ធ្វើម្តងជារៀងរាល់ថ្ងៃ។
២-ម្សៅពោត
វិធីដ៏មានប្រសិទ្ធភាពមួយទៀតក្នុងការព្យាបាលការបែកញើសច្រើនគឺម្សៅពោត ។ វាមានតួនាទីជាអ្នកកម្ចាត់ក្លិនអាក្រក់ពីធម្មជាតិ ដែលអាចជួយស្រូបយកសំណើម និងកម្ចាត់ក្លិនមិនល្អ។
• លាយម្សៅពោត និងម្សៅដុតនំ baking soda ក្នុងកម្រិតស្មើគ្នា និងទុកវានៅក្នុងដបម្សៅចាស់ៗដែលអ្នកមាន។
• ប្រើក្រដាស ឬកន្សែងជូតញើសចេញពីកន្លែងដែលបែកញើសនោះ។
• ចាក់ល្បាយម្សៅដែលលាយហើយខាងលើ ទៅលើកន្លែងដែលជូតញើសរួច។
• ប្រើល្បាយម្សៅតាមការចាំបាច់។
៣-ប៉េងប៉ោះ
លក្ខណសម្បត្តិនៃភាពត្រជាក់និងអាចកម្ចាត់ខ្លាញ់របស់ប៉េងប៉ោះ ជួយគ្រប់គ្រងបញ្ហានៃការបែកញើសដៃនិងបាតដៃ។
ប៉េងប៉ោះជួយកាត់បន្ថយបញ្ហារន្ធញើសធំ និងរារាំងបំពង់ដែលបញ្ចេញញើស ។ ការទទួល ទានទឹកប៉េងប៉ោះអាចជួយបញ្ចុះសីតុណ្ហភាពរាងកាយ ដែលអាចកាត់បន្ថយការបែកញើសបាន។
• គ្រាន់តែកាត់ប៉េងប៉ោះមួយចំណិត និងត្រដុសវានៅលើកន្លែងដែលបែកញើសច្រើន នោះលោកអ្នកនឹងឃើញពីប្រសិទ្ធភាពមិនគួរឲ្យជឿនៃប៉េងប៉ោះ ។
៤-ថ្នាំធ្យូង
លោកអ្នកអាចប្រើថ្នាំធ្យូងដើម្បីដោះស្រាយបញ្ហានៃការបែកញើសបាតដៃនិងបាតជើង។ ថ្នាំធ្យូងមានសកម្មភាពអាចស្រូបយកសំណើមពីរាងកាយ ដូច្នេះវាក៏អាចការពារការបែកញើសច្រើនផងដែរ។
លោកអ្នកគ្រាន់តែលាយម្សៅថ្នាំធ្យូង១ស្លាបព្រាកាហ្វេជាមួយទឹកក្តៅឧណ្ណៗមួយកែវ និងទទួល ទាននៅពេលព្រឹកពេលពោះទទេ ។
ប្រសិនបើលោកអ្នកមានការឈឺចាប់ និងក្អួតចង្អោរបន្ទាប់ពីទទួលទានថ្នាំធ្យូង នៅពេលពោះទទេ លោកអ្នកអាចសាកល្បងទទួលទានវាបន្ទាប់ពីហូបអាហារពេលល្ងាចរួច។
៥-តែខ្មៅ
តែខ្មៅ ដែលលោកអ្នកឧស្សាហ៍ទទួលទាននៅពេលព្រឹក គឺជាវិធីដ៏មានប្រសិទ្ធភាពសម្រាប់ព្យាបាលជំងឺ hyperhidrosis ។
តែខ្មៅ សម្បូរទៅដោយជាតិ tannins ដែលមានលក្ខណសម្បត្ដិជាអ្នកកម្ចាត់ជាតិខ្លាញ់ វាអាចទប់ស្កាត់ការបែកញើសលើសច្រើន។
លើសពីនេះទៀត tannins ជួយបញ្ចុះសីតុណ្ហភាពក្នុងរាងកាយ ដូច្នេះវាអាចកាត់បន្ថយឱកាសនៃការបែកញើសច្រើនហួសហេតុ ៕
ចែករំលែកព័តមាននេះ