រាជធានីភ្នំពេញ ៖ មហោស្រពជាតិភាពយន្តខ្នាតខ្លីកម្ពុជាលើកទី១ឆ្នាំ២០១៦បានប្រកាសបើកជាផ្លូវការកាលពីរសៀលថ្ងៃទី៣ មករា ឆ្នាំ២០១៧ មានគោលដៅជំរុញនិងពង្រឹងឧស្សាហកម្មភាពយន្តកម្ពុជាធ្វើឱ្យទីផ្សារភាពយន្តមាន
រាជធានីភ្នំពេញ ៖ មហោស្រពជាតិភាពយន្តខ្នាតខ្លីកម្ពុជាលើកទី១ឆ្នាំ២០១៦បានប្រកាសបើកជាផ្លូវការកាលពីរសៀលថ្ងៃទី៣ មករា ឆ្នាំ២០១៧ មានគោលដៅជំរុញនិងពង្រឹងឧស្សាហកម្មភាពយន្តកម្ពុជាធ្វើឱ្យទីផ្សារភាពយន្តមានសកម្មភាពកាន់តែរស់រវើកបន្ថែមទៀត ។ក្នុងចំណោមស្នាដៃទាំង១៩រឿង រកឃើញស្នាដៃ ចំនួន៣ជាប់ជ័យលាភី គឺចំណាត់ថ្នាក់លេខ១រឿង«ទឹកក្រហម» ដឹកនាំរឿងដោយលោកលី ប៉ូលែន ។ លេខ២រឿង«២០ដុល្លារ» ដឹកនាំរឿងដោយលោកសាន ចន្ទវិសាល ។ លេខ៣រឿង«សីលធម៌» ដឹកនាំរឿងដោយលោកយឹមសុសត្យា ។
មហោស្រពភាពយន្តនេះរៀបចំធ្វើឡើងនៅសាលសន្និសីទចតុម្មុខរាជធានីភ្នំពេញ ចាប់ពីថ្ងៃទី៣ដល់ទី៧មករា ឆ្នាំ២០១៧ក្រោមប្រធានបទ«ភាពយន្តខ្នាតខ្លីជាជំហានឆ្ពោះទៅភាពយន្តខ្នាតវែង» ។ វាមិនត្រឹមតែជាការផ្តល់ឱកាសសម្រាប់យុវផលិតករវ័យក្មេងកម្ពុជាក្នុងការដកស្រង់បទពិសោធន៍ និងពង្រឹងសមត្ថភាពដើម្បីរួមចំណែកលើកកម្ពស់ឧស្សាហកម្មភាពយន្តកម្ពុជាឱ្យមានការវិវឌ្ឍរីកចម្រើនប៉ុណ្ណោះទេ ថែមទាំងជាព្រឹត្តិការណ៍វប្បធម៌ដ៏មានសារសំខាន់សម្រាប់ឆ្នាំ២០១៦ផងដែរ ។ បណ្តាស្នាដៃដែលបានបង្ហាញសម្រាប់វាយតម្លៃមានចំនួន១៩រឿង គឺរឿង«កាដូ» រឿង«២០ដុល្លារ» រឿង«វាលស្រែវាលស្រូវ» រឿង«កាបូបលុយ» រឿង«អាហារពេលល្ងាច រឿង«ហ្គង់ក្រហម» រឿង«លាហើយភ្នំពេញ» រឿង«ក្បូន» រឿង«អត្តឃាត» រឿង«ខ្មោចរោងកុន» រឿង«ម៉ែ» រឿង«មេទំពាំង» រឿង«សីលធម៌»រឿង«ស្ករកៅស៊ូ» រឿង«ប្រាថ្នា» រឿង«កង់រទេះ»
រឿង«លោកគ្រូ» រឿង«វាសនា និងរឿង«ស្នាមក្រហម» ។
លោកសោម សុគន្ឋ រដ្ឋលេខាធិការក្រសួងវប្បធម៌ និងវិចិត្រសិល្បៈ មានប្រសាសន៍ថាយោងទៅលើបរិមាណខ្សែភាពយន្តខ្មែរដែលដាក់បញ្ចាំងនៅរោងភាពយន្តទំនើបមានចំនួនកើនឡើង១៣%ប្រៀបធៀបឆ្នាំ២០១៥ការដាក់បញ្ចាំងរឿងភាគខ្មែរមានកំណើន ។ ប្រៀបធៀបឆ្នាំ២០១៥ចំនួនទស្សនិកជនចូលទស្សនាតាមរោងភាពយន្តក៏មានកំណើន១៥%ប្រៀបធៀបឆ្នាំ២០១៥ឃើញថាទីផ្សារភាពយន្តមានតម្រូវការផលិតផលភាពយន្តច្រើនទៀត ។ គួបផ្សំនូវការដាក់ចេញវិធានការកាត់បន្ថយការចាក់បញ្ចាំងភាពយន្តបរទេសលើផ្ទាំងសំពត់សនៃរោងកុន និងលើកញ្ចក់ទូរទស្សន៍ ការយកចិត្តទុកដាក់នៃការបង្កើនផលិតភាពនៃការផលិតគឺជាកត្តាចាំបាច់ ។ កង្វះធនធានមនុស្សប្រកបដោយសមត្ថភាពជំនាញក្នុងវិជ្ជាជីវៈគឺជាបញ្ហាប្រឈមមួយក្នុងឧស្សាហកម្មភាពយន្តរបស់យើង ។ ក្រសួងវប្បធម៌នឹងស្វះស្វែងរកដៃគូសហការបង្កើតថ្នាក់បណ្តុះបណ្តាលរយៈពេលខ្លីលើមុខជំនាញវិជ្ជាជីវៈ ដូចជាការតែងនិពន្ឋ អ្នកសម្តែង អ្នកដឹកនាំរឿង អ្នកថត អ្នកបច្ចេកទេស។ល។
កន្លងមកគួបផ្សំនឹងនយោបាយគាំទ្ររបស់រដ្ឋាភិបាលដែលបានជួយជ្រោមជ្រែងលើកទឹកចិត្តដោយប្រយោលដល់ផលិតករភាពយន្តមានន័យថាទាំងរដ្ឋ និងឯកជរួមគ្នាអភិវឌ្ឍ និងជំរុញឱ្យឧស្សាហកម្មភាពយន្តនៅកម្ពុជាធ្វើឱ្យមានការរីកចម្រើនប្រកបដោយចីរភាព ។
លោកសោម សុគន្ធ លើកទឹកចិត្ត និងវាយតម្លៃខ្ពស់ចំពោះការខិតខំប្រឹងប្រែងរបស់ផលិតករ អ្នកនិពន្ឋ អ្នកដឹកនាំរឿង សិល្បករ សិល្បការិនី អ្នកបច្ចេកទេសទាំងអស់ ដែលបានបំពេញតួនាទីយ៉ាងសំខាន់ និងសកម្មដើម្បីស្មារតីជួយវប្បធម៌ជាតិ ៕
ចែករំលែកព័តមាននេះ