បង្ហួរនោមដើរតួនាទីសំខាន់ណាស់សម្រាប់បញ្ចេញទឹកនោម និងបញ្ចេញទឹកកាម ហើយក៏មានប្រយោជន៍ផងដែរក្នុងការបង្ហូរទឹកនោមចេញតាមប្លោកនោម ជួយសម្រួលកុំឱ្យមានដក់នៅក្នុងតម្រងនោម ។ ប្រសិនបើបង្ហួរនោមមានបញ្ហាដោយសារអ្វីមួយដូចជា រួមតូចឬត្បៀត វានឹងបង្កឱ្យមានគ្រោះថ្នាក់ដល់អ្នកជំងឺដូចជា ៖
-កើតឡើងនៅក្រោយពេលដាក់សុងទឹកនោម ឬការលូកចូលនូវឧបករណ៍ថតឆ្លុះ ដែលបណ្តាលឲ្យរហែកភ្នាសខាងក្នុងនៃបំពង់បង្ហូរនោម
-ការរួមត្បៀតក្រោយការប៉ះទង្គិចខ្លាំងដែលបណ្តាលឲ្យរហែកបំពង់បង្ហូរទឹកនោម
-អាចបណ្ដាលមកពីការបង្ករោគក្នុងផ្លូវទឹកនោមដែលមានបាក់តេរីផ្សេងៗពិសេសអ្នកមានផ្ទុកមេរោគកាមរោគប្រមេះទឹកបាយ ។ មេរោគទាំងនោះគឺជាដើមហេតុដែលអាចបណ្ដាលឱ្យបង្ហួរនោមទទួលផលអវិជ្ជមាន និងងាយរលាក ។
កាលបើលោកអ្នកកើតមានជំងឺត្បៀតបង្ហួរនោម នឹងបង្ហាញនូវរោគសញ្ញាមួយចំនួនដូចជា ៖
-ពិបាកនោម
-ទឹកនោមហូរយឺត ហូរដាច់ៗ ឬស្រក់តត់ៗ
-ការពិបាកនោមអាចកើតឡើងភ្លាមៗរហូតដល់នោមលែងចេញ
-មានអារម្មណ៍ចុកឆ្អល់ត្រង់ក្រលៀន លើថ្ងាសបង្ហួរនោម
-មានសភាពស្លេកស្លាំង ពេលប្រឹងបាញ់នោមខ្លាំង ។ ជំងឺនេះគឺត្រូវប្រើវិធីព្យាបាលដោយថ្នាំ និងឈានទៅរកការវះកាត់ក្នុងករណីត្បៀតធ្ងន់ធ្ងរដោយតម្រូវឱ្យអ្នកជំងឺធ្វើការព្យាបាលឱ្យបានដិតដល់ ។ ដូច្នេះរាល់ពេលលោកអ្នកមានសញ្ញាដូចដែលបានរៀបរាប់ខាងលើសូមគិតទៅដល់បញ្ហាត្បៀតបង្ហួរនោម និងមិនត្រូវបណ្តោយទុកយូនោះទេ គួរតែប្រញាប់ទៅជួបជាមួយគ្រូពេទ្យជំនាញដើម្បីព្យាបាលឲ្យបានទាន់ពេលវេលាចៀសវាងកើតមានបញ្ហាធ្ងន់ធ្ងរដែលធ្វើឲ្យមានគ្រោះថ្នាក់ដល់អាយុជីវិត ៕
ចែករំលែកព័តមាននេះ