តារាសម្តែងស្រីដ៏ល្បីឈ្មោះម្នាក់ ដែលមានរូបសម្រស់ស្រស់ស្អាត សិចស៊ីគួរអោយទាក់ទាញ មានមន្តស្នេហ៍ ដែលមានការគាំទ្រពីសំណាក់ពុកម៉ែបងប្អូនគ្រប់ស្រទាប់យុវវ័យមិនថា
រាជធានីភ្នំពេញ ៖ តារាសម្តែងស្រីដ៏ល្បីឈ្មោះម្នាក់ ដែលមានរូបសម្រស់ស្រស់ស្អាត សិចស៊ីគួរអោយទាក់ទាញ មានមន្តស្នេហ៍ ដែលមានការគាំទ្រពីសំណាក់ពុកម៉ែបងប្អូនគ្រប់ស្រទាប់យុវវ័យមិនថាក្មេង មិនថាចាស់ ដែលបានស្គាល់នាង មិនតែប៉ុណ្ណោះក៏មានកំលោះៗមិនតិចនាក់នោះទេ នាំគ្នាលង់ស្នេហ៍នឹងនាងមិនតិចនាក់នោះឡើយ ដោយតារាស្រីរូបនេះ ធ្លាប់ធ្វើឲ្យគ្រប់គ្នាដែលនិយមប្រើប្រាស់នៅក្នុងបណ្ដាញសង្គម នាំគ្នាផ្ទុះការចាប់អារម្មណ៍យ៉ាងខ្លាំង ពាសពេញហ្វេសប៊ុកតែម្ដង មិនថា ការសម្ដែង ច្រៀង រាំ អ្វីនោះទេ នាងអាចធ្វើបានគ្រប់យ៉ាងទាំងអស់នោះគឺ កញ្ញា ហាស់ វីរ៉ាស្រីរ័ត្ន ហៅអាណារ៉ូស (Rose) ។
ថ្មីៗនេះផងដែរ ក៏បានលេចចេញនៅព័ត៌មានតៗគ្នាមិនឈប់ រឿងគេហៅថតម្តងៗ តម្លៃខ្លួនគឺចាប់ពី៥០០ដុល្លារឡើងទៅ មិនតែប៉ុណ្ណោះតារាស្រីរូបនេះថតពាណិជ្ជកម្មដោយប្រើរយៈពេលកន្លះថ្ងៃ ១០០០ដុល្លារ និងថតស្ពតផ្ទះល្វែង៣០០០ដុល្លារ ហើយស្រីស្អាតរូបនេះក៏បានប្រាប់ចំៗទាំងគ្មានលាក់លៀមអំពីតម្លៃខ្លួនពេលចេញថតឲ្យផលិតផលមួយ គឺស៊ីថ្លៃរហូតដល់ទៅ១០ម៉ឺនដុល្លារក៏មានដែរ ។
ជាក់ស្ដែង អ្វីដែលធ្វើអោយពុកម៉ែបងប្អូនជាច្រើននាក់មានការភ្ញាក់ផ្អើលមិនស្ទើរទៅវិញនោះ ក្រោយពីមានមហាជននាំគ្នាផ្ទុះការរិះគន់គ្មានសំចៃមាត់ខ្លាំងពេក មានអី ស្រាប់តែនាវេលាម៉ោង៤ទៀបភ្លឺ ថ្ងៃទី៦ ខែសីហា ឆ្នាំ២០២២នេះ នៅលើស្ពានជ្រោយចង្វារ ខណ្ឌជ្រោយចង្វារ កញ្ញាដែលស្គាល់ឈ្មោះថា «Rose» បានយំគគ្រូកនៅលើស្ពានជ្រោយចង្វារ ព្រោះតែខូចចិត្តរឿងស្នេហា ដោយត្រូវប្រុសបោ.កចិត្ត និងចង់ស្រែកប្រាប់វេហាឲ្យដឹងថា ខ្លួនឈឺចាប់ប៉ុណ្ណា មនុស្សមិនដឹង ទេវតាដឹង ។
ហើយមានគណនីហ្វេសប៊ុកមួយដែលមានឈ្មោះថា «បងម៉េងអ្នកសារព័ត៍មាន» បានប្រាប់អោយដឹងថា «ROSE តូ.ចចិត្តតូចថ្លើម ព្រោះចូលសិល្បៈ៥ឆ្នាំហើយ គ្មានអ្នកស្រលាញ់គាំទ្រ មានតែគេជេរមើលងាយដៀលជាន់ពន្លិច ទើបបើករថយន្តមកឈប់លើស្ពានជ្រោយចង្វារ ស្រែកទ្រហោយំផ្អើលអ្នកសារព័ត៌មានចុះទៅ Live សួរនាំរកមូលហេតុ នាវេលាទៀបភ្លឺនេះ ROSE ផ្ដាំប្រុសមួយចំនួនថា បើស្រលាញ់នាងជានាងបានទេ កុំធ្វើឲ្យនាងដាក់ចិត្ត ដាក់កាយស្រលាញ់ហើយ បែរជាបោ.កប្រាស់ចិត្តចុះចោលនាងបាត់» ។
នាងបញ្ជាក់ទៀតថា «ទោះជាយ៉ាងណា ក៏នាងមិនគិតខ្លីដែរ តែមកនេះនាងមិនមែនស្រវឹងទេចាស គ្រាន់តែមកស្រែកប្រាប់វេហា រៀបរាប់រឿងក្នុងចិត្តកុំឲ្យតឹងណែនក្នុងទ្រូងពេកប៉ុណ្ណោះ» នេះជាដំណឹងបឋមដែលខ្ញុំបាទ ម៉េង ទទួលបាន! ឃើញយំត្រហេបត្រហបពេកពូ Tep Pon យកអាវជូតទឹកភ្នែកឲ្យ ធ្វើឲ្យ ROSE សំឡឹងភ្នែកពូ Tep Top មួយសន្ទុះផងដែរ! ។ ពេលចប់ហើយក៏ឡើងឡានទំនើបទៅបាត់ ប្រិយមិត្តក៏លួចប្រាប់ស្ងាត់ៗថា «ចែ ROSE យប់មិញចូលក្លោបដែរតើ» ។
បន្ទាប់ពីបានឃើញគណនីហ្វេសប៊ុកខាងលើ បង្ហោះបែបនឹងភ្លាម ក៏បានធ្វើអោយអ្នកលេងនៅក្នុងបណ្ដាញសង្គមមួយចំនួនចូលទៅខមិនដាក់ទៅចំៗគ្មានទុកមុខអោយបែបនេះថា «គេជួលអោយមកសម្ដែង ដើម្បីបង្វែងរឿងភ្នំតាម៉ៅមែន? ឈប់ទៅ! កុំហាមាត់ធំជាងហ្នឹងអី» «ឆ្ងាញ់ត្រង់មានអ្នកជូតទឹកភ្នែកអោយទៀត ពូនិងទៅដល់ផ្ទះវិញប្រពន្ធវ៉ៃហើយ» «ហេតុអ្វីបានជាគេជាន់ពន្លិចអ្នក!? មនុស្សម្នាក់ៗសុទ្ធតែមានតម្លៃ តែបើអ្នកមិនអោយតម្លៃខ្លួនឯង តើអោយអ្នកណាមកអោយតម្លៃដល់អ្នក(អ្នកបំពុលសង្គមពេកហើយ)» «បង rose កុំអាលោ.តលូវគេកំពុងគិតរឿងភ្នំតាម៉ៅ គ្មានពេលតាមដានបងទេ» «បើយើងធ្វើត្រឹមត្រូវគ្មានពីណាជេរនោះទេ មើលសិល្បៈមួយចំនួន គេជាអ្នកសិល្បៈ គេធ្វើត្រឹមត្រូវ ចរិតគេត្រឹមត្រូវ គេមិនដែលធ្វើអ្វីប៉ះពាល់ដល់មហាជន ឬសង្គមនោះទេ» «គេកំពុងខ្វល់រឿងភ្នំតាម៉ៅ ឯងនេះមកយំរហាមស្អីទេចែរ៉ូស»។
ហើយក៏មានមួយចំនួនតូចទៀត ចូលទៅបញ្ចេញមតិកាន់ជើងរ៉ូសថា «កុំយកមនុស្សម្នាក់មកធ្វើជាប្រធានបទសប្បាយរបស់អ្នក អ្នកគួរតែរៀនយល់ គេជាមនុស្សយើងក៏ជាមនុស្ស មានចិត្តដូចគ្នា ចេះគិតច្រើន ចេះអន់ចិត្ត ចេះយំដូចគ្នា អ្វីដែលសំខាន់គឺជំងឺបាក់ទឹកចិត្ត វាអាចសម្លា.ប់មនុស្សបានក្នុងមួយប៉ប្រិចភ្នែក» «មនុស្សដូចគ្នាសោះ បើមិនចូលចិត្តចាំបាច់ស្អប់គេធ្វើអី គេមិនដែលអូស.កយើងឲ្យចូលចិត្តស្រលាញ់គេឯណា ល្បីព្រោះរឿងល្អ ល្បីព្រោះគេជេរ រឿងទាំងអស់កើតឡើងដោយសារតែមនុស្សប្រើបណ្ដាញសង្គម like, share» «ម្នាក់ៗដូចសប្បាយអរហាស ពេលឃើញគេមានទុក្ខចឹងហើយប៉ិន អាខាងជាន់ពន្លិចនឹងហ្មង គាត់បានធ្វើអីខុសបានជេរបានសើចគ្នាចឹង» «មិចបានសើចគាត់ ពួកអ្នកដែរពិបាកចិត្តទេ? ម៉ែស្តីឲ្យតិចតួចអ្នកនៅខូចចិត្ត ចុះខ្លួនគាត់ម្នាក់ទទួលពាក្យខមិនជេរមួយប្រទេស ជេររាល់ថ្ងៃគាត់មនុស្សយន្តមែន?» ៕
ចែករំលែកព័តមាននេះ