អាហារដែលស្ត្រីមានផ្ទៃពោះបរិភោគពិតជាមានឥទ្ធិពលដល់ទារកក្នុងផ្ទៃ ។ ប្រភពជាច្រើនបានអះអាងថា ការទទួលទានអាហារមួយចំនួនពិតជាអាចជួយធ្វើឲ្យទារកមានភាពឆ្លាតវៃ និងមានស្បែកស្អាត ។ ខាងក្រោមនេះគឺជាអាហារខ្លះៗដែលស្ត្រីមានផ្ទៃពោះគួរទទួលទានដើម្បីទទួលបានលទ្ធផលខាងលើ ៖
-ទទួលទានអាស៊ីតហ្វូលិកមុនពេលសម្រាល ៖ អាស៊ីតហ្វូលិកមានតួនាទីសំខាន់ក្នុងការបង្កើតកោសិកាខួរក្បាលទារកក្នុងផ្ទៃ ដូច្នេះចូរកុំមើលរំលងអាស៊ីតហ្វូលិមុនពេលសម្រាលកូនរបស់អ្នក ។ អាហារដែលមានប្រភពពីធម្មជាតិមួយចំនួនរួមមានសាឡាដ spinach និងបន្លែបៃតងផ្សេងទៀត ។
-បន្លែនិងផ្លែឈើ ៖ ប្ល៊ូប៊ើរី ប៉េងប៉ោះ បន្លែបៃតង និងល្ហុងសុទ្ធតែមានផ្ទុកសារធាតុប្រឆាំងអុកស៊ីតកម្ម ដែលជួយប្រយុទ្ធប្រឆាំងនឹងរ៉ាឌីកាល់សេរី ដែលរាំងស្ទះដល់ការអភិវឌ្ឍខួរក្បាលរបស់ទារកក្នុងផ្ទៃ ។ ប៉ុន្តែត្រូវលាងបន្លែ និងផ្លែឈើទាំងនោះឲ្យបានស្អាតល្អមុនពេលបរិភោគ ។
-ជាតិដែក ៖ នៅពេលដែលស្ត្រីមានផ្ទៃពោះមានបញ្ហាកង្វះជាតិដែក ស្បូនរបស់ស្ត្រីនោះអាចនឹងមិនមានអុកស៊ីសែនគ្រប់គ្រាន់ដែលវាមានសារសំខាន់សម្រាប់ការអភិវឌ្ឍខួរក្បាលរបស់ទារក ។ ការទទួលទានបន្លែ សាច់មាន់ និងគ្រាប់ធញ្ញជាតិអាចជួយបំពេញជាតិដែកបាន ។
-ប្រូតេអីុន ៖ ប្រូតេអីុនមានតួនាទីយ៉ាងសំខាន់ក្នុងការអភិវឌ្ឍរបស់ទារក ។ វាគឺជាការល្អក្នុងការបង្កើនការទទួលទានប្រូតេអីុន១០ក្រាម ជារៀងរាល់ថ្ងៃ ។ ទឹកដោះគោជូរ សណ្តែក និងប៊័រចំរាញ់ពីសណ្ដែកដីក៏មានអត្ថប្រយោជន៍ដូចគ្នា ។
-ដើម្បីទារកមានស្បែកស្អាត ៖ សាច់ដូងស្ងួត ទឹកដោះគោលាយជាមួយរមៀត ទឹកដោះគោ ស៊ុត គ្រាប់អាល់ម៉ុង ម្នាស់ ក្រូច ត្រូវបានគេជឿថា អាចជួយបង្កើនសម្បុរស្បែករបស់ទារក នេះបើយោងតាមប្រភពមួយចំនួនបានបង្ហាញ ៕
ចែករំលែកព័តមាននេះ