រន្ធត់ ! ផ្ទុះខួរស្លា.ប់យ៉ាងអាណោចអាធ័ម
ខេត្តកំពង់ធំ ៖ បុរសម្នាក់ខណៈជិះម៉ូតូទៅប៉ះបង្កាន់ដៃស្ពានដួលបោកទៅលើថ្នល់ ស្រាប់តែរថយន្តបើកមកពីក្រោយជាន់ហ្វ្រាំងមិនទាន់កិនចំក្បាលផ្ទុះខួរស្លា.ប់យ៉ាង …
ខេត្តកំពង់ធំ ៖ បុរសម្នាក់ខណៈជិះម៉ូតូទៅប៉ះបង្កាន់ដៃស្ពានដួលបោកទៅលើថ្នល់ ស្រាប់តែរថយន្តបើកមកពីក្រោយជាន់ហ្វ្រាំងមិនទាន់កិនចំក្បាលផ្ទុះខួរស្លា.ប់យ៉ាង …
ខេត្តកំពង់ធំ ៖ បុរសម្នាក់ខណៈជិះម៉ូតូទៅប៉ះបង្កាន់ដៃស្ពានដួលបោកទៅលើថ្នល់ ស្រាប់តែរថយន្តបើកមកពីក្រោយជាន់ហ្វ្រាំងមិនទាន់កិនចំក្បាលផ្ទុះខួរស្លាប់យ៉ាងអាណោចអាធ័ម ដែលហេតុការណ៍ដ៏រន្ធត់នេះកើតឡើងកាលពីវេលាម៉ោង៧ និង៣០នាទីព្រឹក ថ្ងៃទី៩ ខែមករា ឆ្នាំ២០១៧ នៅចំណុចភូមិក្រវ៉ា ឃុំក្រវ៉ា ស្រុកបារាយណ៍ ខេត្តកំពង់ធំ ។
ប្រភពព័ត៌ពីសមត្ថកិច្ចចរាចរណ៍បានឲ្យដឹងថា ជនរងគ្រោះអ្នកបើកម៉ូតូឈ្មោះ ស៊ុន ឈឿន ភេទប្រុស អាយុ៣៩ឆ្នាំ រស់នៅភូមិសំពៅលូន ឃុំជើងដើង ស្រុកបារាយណ៍ ខេត្តកំពង់ធំ (ស្លាប់) និងអ្នករួមដំណើរជាមួយម្នាក់ទៀតឈ្មោះ នៅ សុខគីន ភេទស្រី អាយុ១៨ឆ្នាំ រស់នៅភូមិទួលឃ្លាំង ឃុំព្រះធាតុ ស្រុកអូររាំងឪ ខេត្តត្បូងឃ្មុំ របួសស្រាល ។ ចំណែកអ្នកបើកបររថយន្តបង្កឈ្មោះ កែប សែម ភេទប្រុស អាយុ៥១ឆ្នាំ រស់នៅភូមិព្រែកស្ពឺ ស្រុកស្នួល ខេត្តក្រចេះ ។
ប្រភពបានឲ្យដឹងទៀតថា មុនពេលកើតហេតុជនរងគ្រោះជិះម៉ូតូវ៉េវ គ្មានស្លាកលេខ១គ្រឿងតាមបណ្ដោយផ្លូវរុក្ខតេជោ ខណៈដល់ចំណុចកើតហេតុស្រាប់តែម៉ូតូបានរេចង្កូតទៅប៉ះបង្កាន់ដៃស្ពានដួលបោកមកលើថ្នល់ ស្របពេលនោះរថយន្តហ៊ីយ៉ាន់ដាយ មានក្បាលពណ៌ស កន្ទុយពណ៌ត្រេអ៊ី ពាក់ស្លាកលេខ ភ្នំពេញ 3D-2294 បើកពីក្រោយមកដល់ល្មម ហើយប្រហែលជាជាន់ហ្វ្រាំងមិនទាន់ក៏កិនជនរងគ្រោះដែលជាអ្នកបើកម៉ូតូចំក្បាលបណ្ដាលឲ្យផ្ទុះខួរស្លាប់ភ្លាមៗតែម្តង ។
ក្រោយពេលកើតហេតុ អ្នកបើកបររថយន្តត្រូវបានសមត្ថកិច្ចឃាត់ខ្លួន រួចបញ្ជូនទាំងរថយន្ត និងម៉ូតូ ទៅអធិការដ្ឋាននគរបាលស្រុក រង់ចាំដោះស្រាយនៅពេលក្រោយ ចំណែកសពជនរងគ្រោះត្រូវបានប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕
ចែករំលែកព័តមាននេះ