រាជធានីភ្នំពេញ ៖ Caltex បានរៀបចំកម្មវិធីប្រគល់រង្វាន់ទូរស័ព្ទដៃ និងម៉ូតូ និងចាប់រង្វាន់វគ្គផ្តាច់ព្រ័ត្រនៃកម្មវិធី «ចាក់សោសំណាង» កាលពីថ្ងៃទី៨ ខែមករា ឆ្នាំ២០១៧ ហើយបានរកឃើញអតិថិជនមានសំណាងចំនួន២៧រូប នៅក្នុងកម្មវិធីប្រគំតន្ត្រី A1 Concert របស់ស្ថានីយទូរទស្សន៍ MYTV ។
លោក Daniel Hwang នាយកគ្រប់គ្រងប្រូដាកខេមបូឌា របស់ក្រុមហ៊ុន ឈេហ្វរ៉ុន បានឱ្យដឹងថា «យើងមានសេចក្តីរីករាយណាស់ ចំពោះការចូលរួមដ៏ច្រើនលើសលុបរបស់អតិថិជននៅក្នុងឆ្នាំនេះដែលជាឆ្នាំគម្រប់ខួបទី២០ឆ្នាំ របស់យើងនៅកម្ពុជា។ កម្មវិធី «ចាក់សោសំណាង» គឺជាកិច្ចថ្លែងអំណរគុណដល់អតិថិជនដែលបានគាំទ្រអស់រយៈពេល២០ឆ្នាំកន្លងទៅនេះ ហើយយើងសង្ឃឹមថា រាល់ការអញ្ជើញទៅកាន់ស្ថានីយ Caltex អតិថិជននឹងទទួលបាននូវរង្វាន់ពិតប្រាកដពីប្រេងឥន្ធនៈ Caltex ជាមួយ Techrom ថ្មី និងល្អជាងមុន ព្រមទាំងមានឱកាសឈ្នះរង្វាន់ធំៗជាច្រើនទៀត»។
ចែករំលែកព័តមាននេះ