អាមេរិក ៖ តាមប្រភពពី Metro ឱ្យដឹងថា បុរសម្នាក់ត្រូវប៉ូលិសចាប់ខ្លួនដាក់គុក៣ថ្ងៃ ព្រោះតែមានម៉ាទឹកកកនៅក្នុងរថយន្ត តែអ្វីដែលប៉ូលិសគិតថា ជាម៉ាទឹកកកនោះ ការពិតជាខ្សាច់ សម្រាប់ឱ្យឆ្មាជុះអាចម៍តែប៉ុណ្ណោះ ។
លោក Ross Lebeau អាយុ២៤ឆ្នាំ មកពីរដ្ឋតិចសាស់ ត្រូវបានប៉ូលិសចាប់ពីបទរក្សាទុកគ្រឿងញៀនខុសច្បាប់ ។ ប៉ូលិសបានឃាត់រថយន្តរបស់គាត់ កាលពីខែធ្នូ ហើយឆែកឃើញកញ្ចប់ខ្សាច់ ស្មានតែម៉ាទឹកកក ។ មូលហេតុ ដែលលោក Ross រក្សាទុកកញ្ចប់ខ្សាច់នៅក្នុងឡាន គឹមកពីលោកចង់ឱ្យខ្សាច់ស្រូប យកជាតិទឹកពីក្នុងឡាន ការពារកុំឲ្យមានទឹកជាប់កញ្ចក់ឡានពិបាកមើលផ្លូវ ។
ដោយសារតែចាប់ខ្លួនច្រឡំនោះ លោកត្រូវដេកគុកអស់រយៈពេល៣ថ្ងៃ ដោយខ្លួនមិនមានទោសសោះ ។ លោកបានប្រាប់នៅក្នុងកិច្ចសម្ភាស ABC ថា «ខ្ញុំចង់បានការសុំទោសជាផ្លូវការណ»មួយ ។ ខ្ញុំត្រូវបានប៉ូលិសចាប់ ដោយគ្មានទោសអ្វីទាល់តែសោះ ។ វាបានធ្វើឲ្យខ្ញុំខូចឈ្មោះ ខូចកិត្តិយសគ្រួសារថែមទៀតផង ខ្ញុំចង់លាងវាឱ្យស្អាតឡើងវិញ » ។
ចែករំលែកព័តមាននេះ