រាជធានីភ្នំពេញ ៖ អ្នកនាងគង់ សុជាតិ ពិធីការិនីដ៏ល្បីនៅព្រះរាជាណាចក្រកម្ពុជាដែលទើបសម្រាលបានកូនស្រីកាលពីថ្ងៃទី៤
មករា ២០១៧ ជាចំណងដៃអាពាហ៍ពិពាហ៍ជាមួយពិធីករលោកជា វិបុល តាមរយៈការទទួលសេវាបង្កកំណើតកូនក្នុងកែវនៅមន្ទីរសម្រាកព្យាបាលកម្ពុជា ដោយមិនចាំបាច់ធ្វើដំណើរទៅប្រទេសក្រៅដែលត្រូវចំណាយលុយច្រើននោះទេ ។
រាជធានីភ្នំពេញ ៖ អ្នកនាងគង់ សុជាតិ ពិធីការិនីដ៏ល្បីនៅព្រះរាជាណាចក្រកម្ពុជា ដែលទើបសម្រាលបានកូនស្រីកាលពីថ្ងៃទី៤
មករា ២០១៧ ជាចំណងដៃអាពាហ៍ពិពាហ៍ជាមួយពិធីករលោកជា វិបុល តាមរយៈការទទួលសេវាបង្កកំណើតកូនក្នុងកែវនៅមន្ទីរសម្រាកព្យាបាលកម្ពុជា ដោយមិនចាំបាច់ធ្វើដំណើរទៅប្រទេសក្រៅដែលត្រូវចំណាយលុយច្រើននោះទេ ។
នៅរសៀលថ្ងៃទី៥ មករា ២០១៧ នាយិកាបច្ចេកទេស និងនាយកគ្រប់គ្រងទូទៅនៃមន្ទីរសម្រាកព្យាបាលកម្ពុជា បានអញ្ជើញសួរសុខទុក្ខ និងអបអរសាទរដល់អ្នកនាងគង់ សុជាតិ និងលោកជា វិបុល នាឱកាសដែលអ្នកនាងគង់ សុជាតិ សម្រាលបានបុត្រីកាលពីថ្ងៃទី៤ មករា២០១៧ ក៏ដូចជាជូនពរដល់គូស្វាមីភរិយា ក្នុងឱកាសឆ្នាំថ្មី ដែលបានបុត្រីដ៏ស្រស់ស្អាតជាចំណងដៃដ៏ពិសិដ្ឋ ញុាំងឱ្យក្រុមគ្រួសារកាន់តែមានភាពសប្បាយរីករាយ និងសុភមង្គលថែមទៀតដែលជាសេចក្តីប៉ងប្រាថ្នារបស់គ្រួសារគ្រប់ៗរូប ។
អ្នកនាងគង់ សុជាតិ និង លោក ជា វិបុល ក៏បានថ្លែងអំណរគុណដល់លោកស្រីវេជ្ជបណ្ឌិត ស៊ាន សុខទៀង នាយិកាបច្ចេកទេសក៏ដូចជាលោក វ៉ា ម៉ូនីកា នាយកគ្រប់គ្រងទូទៅនៃមន្ទីរសម្រាកព្យាបាលកម្ពុជា ដែលបានឆ្លៀតពេលពីការបំពេញការងារមកសួរសុខទុក្ខអបអរសាទរ និងជូនពរឆ្នាំថ្មីដល់ក្រុមគ្រួសាររបស់អ្នកនាង ។
គួរបញ្ជាក់ថា អ្នកនាង គង់ សុជាតិ និងលោក ជា វិបុល ក៏ដូចជាគូស្វាមីដទៃទៀត ពិតជាមានសេចក្តីសោមនស្សរីករាយដែលមានឱកាសអាចមានបុត្រដូចបំណង តាមរយៈការមកពិគ្រោះយោបល់ជាមួយនឹងគ្រូពេទ្យឯកទេស ឬទទួលយកសេវាបង្កកំណើតកូនក្នុងកែវពីមន្ទីរសម្រាកព្យាបាលកម្ពុជា ដោយមិនចាំបាច់ធ្វើដំណើរទៅទទួលការព្យាបាលនៅឯក្រៅប្រទេស ដែលមិនត្រឹមតែត្រូវចំណាយពេលវេលាច្រើនប៉ុណ្ណោះទេ ថែមទាំងត្រូវចំណាយថវិកាច្រើន និងមានរបាំងភាសាទៀតផង ។
ជាមួយគ្នានេះផងដែរ លោកវ៉ា ម៉ូនីកា នាយកគ្រប់គ្រងទូទៅនៃមន្ទីរសម្រាកព្យាបាលកម្ពុជា បានឱ្យដឹងថា គណៈគ្រប់គ្រងនៃមន្ទីរសម្រាកព្យាបាលកម្ពុជា ប្តេជ្ញាខិតខំសម្រេចឱ្យបាននូវទស្សនវិស័យរបស់ខ្លួនក្នុងការជួយដល់ប្រជាពលរដ្ឋកម្ពុជា ក៏ដូចជាពលរដ្ឋដែលជាជនបរទេសដែលជួបបញ្ហាលំបាកមានកូនឱ្យមានសេចក្តីសង្ឃឹមឡើងវិញ តាមរយៈការប្រកាន់ខ្ជាប់នូវក្រមសីលធម៌គ្រូពេទ្យ គុណភាព សមត្ថភាពរបស់គ្រូពេទ្យឯកទេស និងបច្ចេកវិទ្យាវិទ្យាសាស្ត្រ ដើម្បីចូលរួមជាមួយនឹងក្រសួងសុខាភិបាលក្នុងការលើកកម្ពស់សុខុមាលភាព និងមុខមាត់ប្រទេសកម្ពុជានៅលើឆាកអន្តរជាតិ ។
ចែករំលែកព័តមាននេះ