ប្រភពព័ត៌មានមន្ទីរពេទ្យ និងប៉ូលិសអីុស្រាអែលរាយការណ៍ថា រថយន្តកាំមីញ៉ុងមួយគ្រឿងកាលពីថ្ងៃទី៨ មករា នៅក្រុងហ្សេរុយសាឡឹមបានបុករះកងទាហានអីុស្រាអែលមួយក្រុមបណ្តាលឱ្យស្លា.ប់៤នាក់ ។
ប្រភពព័ត៌មានមន្ទីរពេទ្យ និងប៉ូលិសអីុស្រាអែលរាយការណ៍ថា រថយន្តកាំមីញ៉ុងមួយគ្រឿងកាលពីថ្ងៃទី៨ មករា នៅក្រុងហ្សេរុយសាឡឹមបានបុករះកងទាហានអីុស្រាអែលមួយក្រុមបណ្តាលឱ្យស្លាប់៤នាក់ ។
ប៉ូលិសផ្តោតថា ការវាយប្រហារនេះជាការវាយប្រហារភេរវកម្មមួយ ។ ពួកអ្នកសង្គ្រោះអីុស្រាអែលអះអាងថា ទាហានអីុស្រាអែល១៥នាក់ក៏រងរបួសដែរ ក្នុងនោះម្នាក់របួសធ្ងន់ ។
យោងតាមគ្រូពេទ្យម្នាក់នៅកន្លែងកើតហេតុថា អ្នកបើករថយន្តបំបុកមនុស្សនេះក៏ត្រូវស្លាប់ដែរ ដោយអត្តសញ្ញាណរបស់គេពុំទាន់លាតត្រដាងនៅឡើយ ។ តាមបណ្តាអ្នកទទួលខុសត្រូវខាងសន្តិសុខប៉ាឡេស្ទីននេះថា អ្នកបើករថយន្តជាជនប៉ាឡេស្ទីនម្នាក់រស់នៅសង្កាត់ JABAL MOUKABER ក្រុងហ្សេរុយសាឡឹមខាងកើត ក្បែរកន្លែងវាយប្រហារ ។ យោងតាមប្រភពដដែលនេះថា ក្នុងចំណោមទាហានអីុស្រាអែលដែលស្លាប់មានយុវនារី៣នាក់ និងបុរសម្នាក់មានវ័យ២០ឆ្នាំ ។
នាយករដ្ឋមន្ត្រីអីុស្រាអែល លោកបេនចាមីន នេតាន់យ៉ាហ៊ូ ថ្លែងថា អ្នកវាយប្រហារជាមនុស្សម្នាក់ដែលមានសមានចិត្តចំពោះក្រុមរដ្ឋអ៊ិស្លាម ។ លោកបន្តថា យើងដឹងថា ការវាយប្រហារភេរវកម្មបែបនេះចម្លងតាមការវាយប្រហារនៅប្រទេសបារាំង និងនៅក្រុងប៊ែរឡាំង ហើយឥឡូវដល់ក្រុងហ្សេរុយសាឡឹម ហើយវាអាចមានទំនាក់ទំនងជាមួយគ្នា ។
ការវាយប្រហារធ្វើឡើងនាវេលារសៀលនៅកន្លែងដើរលេងកម្សាន្តមួយ ។ ទាហានអីុស្រាអែលមួយក្រុមបានចុះពីរថយន្តបឺសដើម្បីធ្វើទស្សនកិច្ចមួយស្រាប់តែគេបើករថយន្តបុករះពួកគេ ។ រថយន្តកាំមីញ៉ុងនេះដែលដឹកទំនិញបានទៅឈប់លើស្មៅក្បែររថយន្តបឺសដឹកទាហាន ។ ស្នាមគ្រាប់កាំភ្លើងទាំងឡាយត្រូវបានគេឃើញខាងមុខរថយន្ត ៕
ចែករំលែកព័តមាននេះ