មន្ត្រីយោធាជាន់ខ្ពស់រុស្ស៊ីជាស្ត្រីដំបូងគេត្រូវសម្លា.ប់ក្នុងសង្គ្រាមឈ្លានពានអ៊ុយក្រែន
រុស្ស៊ី ៖ យោងតាមប្រភពពីសារព័ត៌មាន Telegraph របស់ចក្រភពអង់គ្លេស កាលពីថ្ងៃទី៤ ខែសីហា
រុស្ស៊ី ៖ យោងតាមប្រភពពីសារព័ត៌មាន Telegraph របស់ចក្រភពអង់គ្លេស កាលពីថ្ងៃទី៤ ខែសីហា កន្លងទៅ បានរាយការណ៍ថា មេបញ្ជាការជាស្ត្រីម្នាក់ ដែលធ្លាប់អួតអាងអំពីរបៀបដែលនាងចូលចិត្តសម្លា.ប់ជនជាតិអ៊ុយក្រែននោះ បានក្លាយជាមន្ត្រីយោធាជាន់ខ្ពស់ស្ត្រីដំបូងគេរបស់វិមានក្រឹមឡាំង ដែលត្រូវបានសម្លា.ប់នៅក្នុងការវា.យប្រហារដោយគ្រាប់មីស៊ីល។
វរសេនីយ៍ឯក Olga Kachura អាយុ៥២ឆ្នាំ ត្រូវបានរាយការណ៍ថា បានស្លា.ប់ភ្លាមៗ បន្ទាប់ពីមីស៊ីលកងកម្លាំងអ៊ុយក្រែនវា.យប្រហារចំរថយន្តរបស់នាង នៅពេលកំពុងបើកបរនៅក្នុងទីក្រុង Horlivka នៃតំបន់ Donetsk ប្រទេសអ៊ុយក្រែន ដែលជាតំបន់បំបែកខ្លួន។
Kachura ដែលជាមន្ត្រីជាន់ខ្ពស់ស្រីដំបូងគេរបស់រុស្ស៊ី ដែលបានស្លា.ប់ក្នុងសង្គ្រាមនៅអ៊ុយក្រែន គឺជាវរសេនីយ៍ឯកនៃកងពលកាំភ្លើ.ងធំ ដែលបានបា.ញ់ផ្លោងសម្លា.ប់ជនស៊ីវិលនៅក្នុងសាធារណរដ្ឋប្រជាមានិត Donetsk ។
Kachura បានធ្វើការស្ទើរពេញមួយជីវិតរបស់នាង នៅក្នុងកងកម្លាំងប៉ូលិសក្នុងទីក្រុង Donetsk មុនពេលលាលែងពីតំណែង ដើម្បីចូលបម្រើនៅអង្គភាពសន្តិសុខឯកជនមួយរយៈពេលខ្លី។ រហូតដល់ឆ្នាំ ២០១៤ នៅពេលយុទ្ធជនដែលគាំទ្រដោយរុស្ស៊ី បានដណ្តើមកាន់កាប់តំបន់ភាគខាងកើតអ៊ុយក្រែន Kachura បានសម្រេចចិត្តចូលរួមជាមួយកងវរសេនាតូចរបស់មេទ័ពរុស្ស៊ីដ៏ល្បីឈ្មោះ Igor Bezler ។ ហើយដោយបានឆ្លងកាត់ការបណ្តុះបណ្តាលកម្មវិធីសិក្សាប្រព័ន្ធមីស៊ីល Kachura ត្រូវបានផ្តល់សេចក្តីទុកចិត្តឱ្យដឹកនាំអង្គភាពកាំភ្លើ.ងធំមួយ។
លុះដល់ខែមករា ឆ្នាំ២០២២ តុលាការនៅភាគខាងលិចអ៊ុយក្រែនបានរកឃើញថា Kachura ដែលត្រូវបានគេស្គាល់ឈ្មោះហៅក្រៅថា «Kursa» មានពិរុទ្ធពីបទចូលរួមក្នុងអង្គការភេរវករ ហើយបានកាត់ទោសឱ្យជាប់គុ.ក១២ឆ្នាំ ដោយកំបាំងមុខ។
គេនៅតែចង់ចាំសម្តីរបស់ Kachura ដែលថ្លែងនៅក្នុងបទសម្ភាសន៍ជាមួយទូរទស្សន៍រុស្ស៊ី ដោយនាងនិយាយទាំងរីករាយក្នុងការប្រយុទ្ធជាមួយអ៊ុយក្រែនថា «ខ្ញុំរីករាយណាស់ រាល់ពេលដែលខ្ញុំបានបា.ញ់ប្រហារលើជនជាតិអ៊ុយក្រែន»៕
ចែករំលែកព័តមាននេះ