ខេត្តប៉ៃលិន ៖ ប្រភពព័ត៌មានចេញពីពន្ធនាគារខេត្តប៉ៃលិន កាលពីរសៀលថ្ងៃទី០៨ មករា ថា ក្រោយពីមានរឿងមន្ត្រីស្រឡាញ់អ្នក ទោស រហូតមកដល់ឥឡូវនេះ មានរឿងអ្នកទោសស្រឡាញ់អ្នកទោសដូចគ្នា រហូតដល់មានកូន២ខែ ក៏ចាប់ផ្តើមលេបថ្នាំទម្លាក់ចោល ដោយសារតែលោកនៅ ធឿង ប្រធានពន្ធនាគារខេត្តប៉ៃលិន ដឹកនាំមានភាពធូររលុង និងអត្តនោមតិជ្រុលពេក ទើបធ្វើឱ្យ
ខេត្តប៉ៃលិន ៖ ប្រភពព័ត៌មានចេញពីពន្ធនាគារខេត្តប៉ៃលិន កាលពីរសៀលថ្ងៃទី០៨ មករា ថា ក្រោយពីមានរឿងមន្ត្រីស្រឡាញ់អ្នក ទោស រហូតមកដល់ឥឡូវនេះ មានរឿងអ្នកទោសស្រឡាញ់អ្នកទោសដូចគ្នា រហូតដល់មានកូន២ខែ ក៏ចាប់ផ្តើមលេបថ្នាំទម្លាក់ចោល ដោយសារតែលោកនៅ ធឿង ប្រធានពន្ធនាគារខេត្តប៉ៃលិន ដឹកនាំមានភាពធូររលុង និងអត្តនោមតិជ្រុលពេក ទើបធ្វើឱ្យអ្នកទោសប្រុសស្រីពីរនាក់ អាចរួមរ័កជាមួយគ្នារហូតដល់មានកូន ។ លុះដល់ពេលពោះកាន់តែធំទៅៗ លាក់មិនកំបាំង ក៏ប្រើឱ្យគេទិញថ្នាំយកទៅលេបទម្លាក់ចោលតែម្តង ។
ប្រភពបានឱ្យដឹងថា អ្នកទោសដែលប្រព្រឹត្តអំពើអសីលធម៌រួមរ័កជាមួយគ្នាលួចលាក់ មានឈ្មោះសំ ប៊ុល ភេទប្រុស (បទល្មើសគ្រឿងញៀន) និងឈ្មោះអៀង លំអង ភេទស្រី (បទល្មើសគ្រឿងញៀន) ត្រូវបានលោកប្រធានពន្ធនាគារខេត្តអនុញ្ញាតឱ្យអ្នកទាំងពីរ ចេញមកដាំបាយនៅខាងក្រៅពន្ធនាគារជារឿងរាល់ថ្ងៃ ។
លុះចប់កិច្ចការ លោកប្រធានពន្ធនាគារ មិនបានឱ្យអ្នកទោសទាំងនោះ ចូលទៅក្នុងបន្ទប់ឃុំឃាំងវិញនោះទេ ដោយទុកឱ្យនៅខាងក្រៅមានសេរីភាពយ៉ាងរំភើយ ។ ប្រភពបន្តថា ជាឱកាសល្អ ខណៈមន្ត្រីអនុរក្សពន្ធនាគារ ដល់ម៉ោងសម្រាកពីការងារ មិនបានចាំមើលពួកគេ ទើបអ្នកទាំងពីរខាងលើបានលួចរួមភេទជាមួយគ្នាជាច្រើនលើកច្រើនសារ ដោយលើកទី១-នៅក្នុងបន្ទប់ទឹក របស់លោក នៅ ធឿង ប្រធានពន្ធនាគារ ជាប់នឹងបន្ទប់ធ្វើការរដ្ឋបាល កាលពីប៉ុន្មានខែកន្លងមក លើកទី២-ពួកគេរួមរ័កជាមួយគ្នាកាលពីថ្ងៃទី២៩ វិច្ឆិកា នៅខាងក្រោយអាគារមន្ត្រីធ្វើការ ។
ប្រភពបញ្ជាក់ទៀតថា រហូតដល់ថ្ងៃទី០១ មករា ២០១៧ អ្នកទោសស្រី ឈ្មោះ អៀង លំអងខាងលើ បានទូរស័ព្ទឱ្យ ឈ្មោះ និត នី ដែលទើបនឹងចេញពីពន្ធនាគារ ថ្មីៗ ទិញថ្នាំលេបទម្លាក់កូនក្នុងផ្ទៃ ព្រោះដឹងថា ខ្លួនឯងមានកូនចំនួន២ទៅ៣ខែហើយ ។ ការលេបថ្នាំទម្លាក់កូននេះ អស់រយៈពេល៣ថ្ងៃគឺ ចាប់តាំងពីថ្ងៃទី១រហូតដល់ថ្ងៃទី៣ ទើបធ្លាក់បានសម្រេចតែម្តង ។
ប្រភពដដែលបានបញ្ជាក់ទៀតថា បច្ចុប្បន្នប្រធានពន្ធនាគារខេត្តមួយនេះ នៅបន្ត លាក់បាំងរឿងអាស្រូវមួយនេះ ដោយខ្លាចក្រែងបែកការណ៍ តែខាងអនុរក្សពន្ធនាគារប្រុស ស្រីបានដឹងរឿងនេះគ្រប់ៗគ្នា ហើយក៏បានរៀបចំធ្វើរបាយការណ៍ទុកផងដែរ ។ អនុរក្សពន្ធគារមួយចំនួនសុំឱ្យខាងថ្នាក់លើចុះទៅត្រួតពិនិត្យបំពោះបញ្ហា រញ៉េរញ៉ៃមួយនេះផងដែរ បើទុកឱ្យស្ងប់ស្ងាត់បែបនេះ នៅថ្ងៃខាងមុខនឹងមានបញ្ហាកាន់តែច្រើនជាក់ជាមិនខាន ។
ពាក់ព័ន្ធនឹងបញ្ហានេះ លោក ហេង ចាន់ដារ៉ា ប្រធានការិយាល័យអប់រំនៃពន្ធនាគារ ខេត្តប៉ៃលិន បានឱ្យដឹងថា រឿងរ៉ាវអ្នកទោសប្រុសស្រី ១គូបានរួមរ័កជាមួយគ្នា រហូតដល់មានកូននៅខាងក្រៅពន្ធនាគារ ពិតជាមានមែន ។ លោកបន្តទៀតថា បើចង់ដឹងច្បាស់ជាង នេះសូមឱ្យទាក់ទងសួរនាំទៅលោក នៅ ធឿង ប្រធានពន្ធនាគារខេត្ត ព្រោះមានការលាក់ បាំងមួយចំនួនផងដែរ ។
ចំណែកលោកនៅ ធឿង ប្រធានពន្ធនាគារខេត្តប៉ៃលិន ខាងភ្នាក់ងារយើងបានទាក់ទងជាច្រើនលើកច្រើនសារ ដោយទូរស័ព្ទចូលដែរ តែអត់មានអ្នកទទួលនោះឡើយ ។
ចែករំលែកព័តមាននេះ