រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានគូសបញ្ជាក់ថា មានពីរចំណុចនៃការវិសោធនកម្មរដ្ឋធម្មនុញ្ញនាំឲ្យមានគ្រោះថ្នាក់ បើមិនគិតគូរពីឥលូវទៅ ។ ថ្លែងក្នុងពិធីអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ពីសាកលវិទ្យាល័យភូមិន្ទភ្នំពេញ នាថ្ងៃទី៥…
រាជធានីភ្នំពេញ ៖ សម្តេចតេជោហ៊ុន សែន នាយករដ្ឋមន្ត្រីបានគូសបញ្ជាក់ថា មានពីរចំណុចនៃការវិសោធនកម្មរដ្ឋធម្មនុញ្ញនាំឲ្យមានគ្រោះថ្នាក់ បើមិនគិតគូរពីឥលូវទៅ ។
ថ្លែងក្នុងពិធីអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ពីសាកលវិទ្យាល័យភូមិន្ទភ្នំពេញ នាថ្ងៃទី៥ ខែសីហានេះ សម្តេចតេជោ ហ៊ុនសែន បានលើកឡើងពីរចំណុចនៃការធ្វើវិសោធនកម្មរដ្ឋធម្មនុញ្ញដែលអាចនាំឲ្យមានគ្រោះថ្នាក់ បើមិនគិតពីឥលូវនោះត្រង់ពាក្យថា«នៅពេលដំណែងនាយករដ្ឋមន្ត្រីនៅទំនេរជាស្ថាពរគណៈរដ្ឋមន្ត្រីមួយត្រូវរៀបចំឡើងវិញ ។
ចំណុចត្រង់នេះបូកជាមួយរដ្ឋាភិបាលត្រូវទំលាក់គ្មានការចែងនៅកន្លែងណាមួយទាល់តែសោះថា នាយករដ្ឋមន្ត្រីស្លា.ប់ភ្លាមរដ្ឋាភិបាលរលាយតែម្តង តើយើងគួរដាក់បម្រុងទុកឬទេ?» ។
សម្តេចក៏បានលើកឡើងថា នៅកថាខណ្ឌមួយក្នុងសេចក្តីព្រាងវិសោធនកម្មរដ្ឋធម្មនុញ្ញនិយាយថា ៖«រដ្ឋាភិបាលត្រូវទម្លាក់»ដែលនៅកឋាខណ្ឌនោះមាត្រានោះអត់បាននិយាយ ៖ អ្នកត្រូវទម្លាក់ចេញពីតំណែងហើយ តើអ្នកណាអ្នកទទួលខុសត្រូវ? អីញ្ចឹងឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រីទាំងអស់ត្រូវទម្លាក់ចេញ តើអ្នកណាគ្រប់គ្រងប្រទេស? អីញ្ចឹងបានជាយើងដាក់ ក្នុងរដ្ឋធម្មនុញ្ញថា គណៈរដ្ឋមន្ត្រីដែលត្រូវចេញពីតំណែងនេះត្រូវធ្វើការងារប្រចាំថ្ងៃរហូតដល់គណៈរដ្ឋមន្ត្រីមួយត្រូវបានបង្កើត ។
សម្តេចតេជោ បានបន្តថា នៅក្នុងរដ្ឋធម្មនុញ្ញកន្លងមកមិនមែនការចែងពីទម្លាក់គណៈរដ្ឋមន្ត្រីនោះទេ ហើយពេលនេះនិយាយពីនាយករដ្ឋមន្ត្រីនៅទំនេរជាស្ថាពរដែលចំណុចនេះមាន ស្ថានភាពចំនួនពីរ២បែប គឺ៖ ១.ស្ថានភាពនាយករដ្ឋមន្ត្រីស្លា.ប់តែម្តង ។ ចំពោះការចែងថា នាយករដ្ឋទំនេរជាស្ថាពរ គឺជាមានគ្រោះថ្នាក់ខ្លាំងណាស់ក្នុងរដ្ឋធម្មនុញ្ញដែលមិនទាន់បានបំពេញបន្ថែម អាចបង្កើតឡើងឲ្យមានភាពច្របូកច្របល់គ្មានរដ្ឋាភិបាល ។ ពីព្រោះថា បើគ្រាន់តែនិយាយដំណែងនាយករដ្ឋមន្ត្រីនៅទំនេរជាស្ថាពរគណៈរដ្ឋមន្ត្រីមួយនឹងត្រូវរៀបចំឡើងវិញ ។ សួរថា តើអ្នកណាទទួលបន្ទុករៀបចំ? អត់ទេ អីញ្ចឹងនៅត្រង់ចំណុចនឹងចែងចែកថា ប្រសិនបើនាយករដ្ឋមន្ត្រីស្លា.ប់ ឧបនាយករដ្ឋមន្ត្រីដែលបានទទួលការតែងតាំងឲ្យធ្វើជានាយករដ្ឋមន្ត្រីស្តីទីត្រូវទទួលខុសដឹកនាំការងារប្រចាំថ្ងៃ មុនពេលរាជរដ្ឋាភិបាលថ្មីមកចូលកាន់តំណែង ។
២. ចំពោះដំណែងនាយករដ្ឋមន្ត្រីនៅទំនេរជាស្ថាពរករណីនាយករដ្ឋមន្ត្រីលាលែងពីដំណែង ។ នាយករដ្ឋមន្ត្រីលាលែងពីដំណែងអត់មានចែងក្នុងរដ្ឋធម្មនុញ្ញនោះទេ ។
សម្តេចបញ្ជាក់ថា ៖ និយាយរួមដំណែងនាយករដ្ឋមន្ត្រីនៅទំនេរជាស្ថាពរទាំងស្លា.ប់ និងលាលែងអត់មានចែងទាល់តែសោះ។ មានអ្នកលើកឡើងថា នាយករដ្ឋមន្ត្រីលាលែងពីតំណែងដាក់ទៅព្រះមហាក្សត្រ និងប្រធានរដ្ឋសភាដែលចង់អនុវត្តសភានិយម ប៉ុន្តែអ្នកត្រូវកុំភ្លេចព្រះមហាក្សត្រ គឺព្រះប្រមុខរដ្ឋ បើមិនប្រមុខអ្នកតែងតាំង គឺត្រូវដាក់សំណើរទៅព្រះមហាក្សត្រ ហើយចម្លងទៅសភា ។ សម្តេចតេជោលើកឡើងថា ការស្នើព្រះមហាក្សត្រដែលប្រមុខរដ្ឋមិនបានធ្វើឲ្យរដ្ឋសភាបាត់បង់អ្វីនោះទេ ៕
ចែករំលែកព័តមាននេះ