រាជធានីភ្នំពេញ ៖ ខណៈដែលមានជម្លោះនៅតំបន់អឺរ៉ុបក៏បានប៉ះពាល់ដល់កម្ពុជា ក្នុងការរៀបចំធ្វើម្ចាស់កិច្ចប្រជុំ រដ្ឋមន្ត្រីការបរទេសអាស៊ានដែលកម្ពុជាធ្វើជាម្ចាស់ផងដែរ ។ នេះបើតាមការបញ្ជាក់របស់សម្តេចតេជោ ហ៊ុន សែន ។…
រាជធានីភ្នំពេញ ៖ ខណៈដែលមានជម្លោះនៅតំបន់អឺរ៉ុបក៏បានប៉ះពាល់ដល់កម្ពុជា ក្នុងការរៀបចំធ្វើម្ចាស់កិច្ចប្រជុំ រដ្ឋមន្ត្រីការបរទេសអាស៊ានដែលកម្ពុជាធ្វើជាម្ចាស់ផងដែរ ។ នេះបើតាមការបញ្ជាក់របស់សម្តេចតេជោ ហ៊ុន សែន ។
ថ្លែងក្នុងពិធីអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យាល័យភូមិន្ទភ្នំពេញ នាថ្ងៃទី៥ ខែសីហានេះ សម្តេចតេជោ ហ៊ុន សែន នាយករដ្ឋមន្ត្រីបានគូសបញ្ជាក់យ៉ាងដូច្នេះថា ៖«គ្រាន់ជម្លោះនៅអឺរ៉ុប និងនៅកន្លែងមួយចំនួនក៏មានការពិបាកដែរ ដូច្នេះរៀបកៅអីអង្គុយ គេមិនចង់អង្គុយជិតគ្នាក៏មាន ! មិនមែនជាការងាយស្រួលទេ ហើយការធ្វើសេចក្តីថ្លែងការណ៍ក៏មិនមែនការងាយស្រួលដែរ ។ ប៉ុន្តែសមត្ថភាពនៃការឆ្លើយតប និងការរបស់កម្ពុជាអាចធ្វើទៅបាន»។
សម្តេចតេជោ នៅក្នុងឆ្នាំនេះកម្ពុជាបានប្រជុំរួចហើយ ជាមួយអាមេរិកកាលពីខែឧសភា កន្លងទៅដែលប្រជុំវ៉ាស៊ីតោន ហើយកិច្ចប្រជុំនោះបានសម្រេចលើទំនាក់ទំនងអាស៊ានអាមេរិកឲ្យក្លាយទៅជាដៃគូយុទ្ធសាស្ត្រ ។ ចំណុចនេះ គឺអាស៊ានបានធ្វើរួចហើយ ប៉ុន្តែក្រៅពីការប្រជុំនៅទីក្រុងភ្នំពេញនៅខែវិច្ឆិការនៅសល់ការប្រជុំមួយទៀត ដែលកម្ពុជាត្រូវធ្វើសហប្រធាននោះ គឺអាស៊ានត្រូវទៅប្រុចស៊ែលទីស្នាក់ការបស់សហភាពអឺរ៉ុប ហើយកម្ពុជាក្នុងនាមជាសហប្រធាននៃអង្គប្រជុំជាមួយនឹងសហភាពអឺរ៉ុប ។ អឺរ៉ុបអាស៊ានត្រូវធ្វើការជាមួយគ្នា ប៉ុន្តែក្នុងឋានជាប្រធានអាស៊ានខ្ញុំបានទទួលការអញ្ជើញអំពីប្រទេសអភិវឌ្ឍន៍ផងដែរ ។
ជាមួយគ្នានោះដែរ សម្តេចតេជោ ក៏បានលើកឡើងថា ក្នុងនាមប្រធានអាស៊ានហើយធ្វើជាម្ចាស់ផ្ទះកិច្ចប្រជុំរដ្ឋមន្ត្រីការបរទេសអាស៊ាននឹងត្រូវខិតខំធ្វើការដោះស្រាយបញ្ហានានាក្នុងក្របខណ្ឌតំបន់របស់ឲ្យក្លាយទៅជាតំបន់មានការរីកលូតលាស់ ។
សម្តេចបញ្ជាក់ថា ៖«ក្នុងកិច្ចប្រជុំអាស៊ាននេះ កម្ពុជាមានមហិតាចង់ក្លាយទៅជាទីតាំងនៃលេខាធិការដ្ឋានអាសិបដែលមានប្រទេស១៥ ដែលមានអាស៊ាន១០ ជាមួយដៃគូ៥ដែលមាន ៖ ចិន ជប៉ុន កូរ៉េខាងត្បូង អូស្ត្រាលី និងណូវែលសេឡង់ ។ យើងចង់មានលេខាធិការដ្ឋានដោយឡែកមួយដោយយកភ្នំពេញជាទីតាំងតែម្តង ដូច្នេះយើងត្រូវធ្វើការជាមួយដៃគូអាស៊ាន និងដៃគូផ្សេងទៀត ហើយខ្ញុំក៏បានលើកសំណើរនេះជាមួយចិន អូស្ត្រាលី ហើយនឹងលើកសំណើរជាមួយជប៉ុន ព្រោះនៅមានរដ្ឋមន្ត្រីការបរទេស២រូបទៀត ដែលជួបពិភាក្សា គឺប៉ាហ្គី ស្ថាន» ។
ជាមួយគ្នានោះដែរ សម្ដេចតេជោ ហ៊ុន សែន បានលើកឡើងពីភាពជោគជ័យចំនួន២ដែលធ្វើឱ្យកម្ពុជាអាចរៀបចំកិច្ចប្រជុំអាស៊ានបាន បន្ទាប់ពីកិច្ចប្រជុំនេះមិនអាចធ្វើបានដោយពេញលេញ២ឆ្នាំមកហើយ ។
សម្ដេចបានមានប្រសាសន៍ថា អ្វីដែលអាចឱ្យកម្ពុជាអាចរៀបចំបាននោះ គឺកត្តាសន្ដិភាព និងការគ្រប់គ្រងជំងឺកូវីដ-១៩ បានល្អរបស់កម្ពុជា ។ កត្តាសន្ដិភាព គឺជារឿងសំខាន់ដែលនាំឱ្យថ្នាក់មន្ត្រីជាន់ខ្ពស់របស់ប្រទេសអាស៊ាន និងប្រទេសជាមិត្តអាចធ្វើដំណើរមកចូលរួមកិច្ចប្រជុំ និងកម្សាន្តបានយ៉ាងល្អគ្មានបញ្ហាកើតឡើង ។
សម្ដេចបន្ថែមថាបញ្ហាសំខាន់មួយទៀតដែលឱ្យកម្ពុជាអាចរៀបចំបាននោះគឺ ការគ្រប់គ្រងជំងឺកូវីដ-១៩ បានល្អដែលបានបើកសង្គមសេដ្ឋកិច្ច និងទេសចរណ៍ ជាពិសេសគឺគ្មានមនុស្សស្លា.ប់ ដោយសារជំងឺនេះ៕
ចែករំលែកព័តមាននេះ