ខេត្តស្ទឹងត្រែង ៖ ស្ទឹងត្រែង ជាខេត្តមួយជាប់នឹងព្រំប្រទល់ខេត្ត៣ផ្សេងទៀតដែលមានខេត្តរតនគិរីផ្លូវជាតិលេខ៧៨ ខេត្តក្រចេះផ្លូវជាតិលេខ៧ និងខេត្តព្រះវិហាផ្លូវជាតិ៩ ។ ផ្លូវជាតិទាំង៣ខ្សែនេះ មានគោលដៅចរាចរណ៍ ដែលឈរជើងជាប់ជាប្រចាំ…
ខេត្តស្ទឹងត្រែង ៖ ស្ទឹងត្រែង ជាខេត្តមួយជាប់នឹងព្រំប្រទល់ខេត្ត៣ផ្សេងទៀតដែលមានខេត្តរតនគិរីផ្លូវជាតិលេខ៧៨ ខេត្តក្រចេះផ្លូវជាតិលេខ៧ និងខេត្តព្រះវិហាផ្លូវជាតិ៩ ។ ផ្លូវជាតិទាំង៣ខ្សែនេះ មានគោលដៅចរាចរណ៍ ដែលឈរជើងជាប់ជាប្រចាំ មួយខែទល់មួយខែ មួយឆ្នាំទល់មួយឆ្នាំ ទាំងយប់ទាំងថ្ងៃ អត់មានចេះធុញថប់ឡើយ ។ សង្ស័យជាចង្វាជួយចិញ្ចឹមឆ្តោ ។
ក្នុងនោះ៖ មានគោលដៅផ្លូវជាតិលេខ៧៨ ដាក់នៅចំណុចវាលរំពេរ៍ ភូមិកាតូត ឃុំកំភុន ស្រុកសេសាន ។ ផ្លូវជាតិលេខ៧ ដាក់នៅចំណុចអូរច្រឡង់ ភូមិអូរឫស្សីកណ្តាល ឃុំអូរឫស្សីកណ្តាល ស្រុកសៀមបូក ។ និងផ្លូវជាតិលេខ៩ ដាក់នៅភូមិស្រែឫស្សី ឃុំស្រែឫស្សី ស្រុកថាឡាបរិវ៉ាត់ ។
ដោយឡែកនិងពិសេសបំផុតនោះគឺគោលដៅក្រុមការងារត្រួត ពិនិត្យលក្ខណៈបច្ចេកទេសយានយន្ត គឺដាក់ក្បែរគោលដៅចរាចរណ៍ ខាងលើដោយចល័តរយៈពេល១០ថ្ងៃម្តង គ្រប់ផ្លូវជាតិទាំង៣ខ្សែ ដែលមានគោលដៅ៣កន្លែងសម្រាប់ប្រមូលលុយចែកគ្នា ។ ទាក់ទិនគោលដៅចរាចរណ៍ខាងលើមាន២គោលដៅ ដែលបំពាក់កាមេរ៉ាចាប់ល្បឿន គឺគោលដៅចរាចរណ៍ផ្លូវជាតិលេខ៧ និងគោលដៅផ្លូវជាតិលេខ៧៨ ។ កាមេរ៉ាចាប់ល្បឿននោះដាក់ជាប្រចាំ ដើម្បីចាប់រាល់យានយន្តឆ្លងកាត់ដោយមិនគិតពីថ្ងៃសេសឬថ្ងៃគូរនោះឡើយ ។ បើទោះនាយកដ្ឋានកណ្តាលសណ្តាប់ធ្នាប់សារធារណៈ ដាក់ចេញនូវកម្មវិធីត្រួតពិនិត្យល្បឿនយានយន្ត ដែលកំណត់នៅខេត្តស្ទឹងត្រែង ត្រូវត្រួតពិនិត្យល្បឿនយានយន្តតែថ្ងៃសេសប៉ុណ្ណោះក៏ដោយ ។ អាណិតតែម្ចាស់យានយន្តទេ ឱ្យលុយគេដាក់ហោប៉ៅហើយសំពះអង្វរគេទៀត លុះចេញផុតទើបជេរ និងដាក់បណ្តាសាតាមក្រោយ ។
ប្រភពព័ត៌មានឱ្យដឹងថា នៅគោលដៅចរាចរណ៍ទាំង៣កន្លែងនោះត្រូវបានលោកស្នងការបែងចែកឱ្យមានប្រធាន និងអនុប្រធាន៣ក្រុម ។ ប៉ុណ្ណឹងហើយមិនគ្រប់ទៀតគឺនៅមានប្រធានក្តាប់រួម លើគោលដៅចរាចរណ៍ទាំង៣គោលដៅនោះម្នាក់ទៀត គឺលោក សុវណ្ណវិរៈ ដែលលោក អូត ស៊ីវុត្ថា ស្នងការនគរបាលខេត្ត អូសយកមកពីកម្លាំងរបស់នគរបាលវរៈការពារព្រំដែន មិនមែនជាមន្ត្រីក្របខណ្ឌចរាចរណ៍ជើងគោកនោះទេ តែមកឱ្យគ្រប់គ្រងលើនគរបាលចរាចរណ៍ ព្រោះទីនេះលុយធំណាស់ ។
ដោយឡែកងាកទៅមើល ក្រុមការងារត្រួតពិនិត្យលក្ខណៈបច្ចេកទេសយានយន្ត ត្រូវបានក្រុមរថយន្តធុនធំទាំងអស់ប្រាប់កោះសន្តិភាព ។ រិះគន់ថា បានយកលុយ៤ម៉ឺនទៅ៥ម៉ឺនរៀលក្នុងរថយន្តធុនធំមួយគ្រឿងៗ ហើយក្នុងមួយថ្ងៃៗមានរថយន្តឆ្លងកាត់រាប់រយគ្រឿង ។
លោក ដួង សំអុល ប្រធានការិយាល័យសេដ្ឋកិច្ចនៃមន្ទីរសាធារណការ និងដឹកជញ្ជូនខេត្តស្ទឹងត្រែងបានបញ្ជាក់ថា ក្រុមការងារត្រួតពនិត្យលក្ខណៈបច្ចេកទេសយានយន្ត គឺបានធ្វើទៅតាមច្បាប់ ដោយអនុវត្តទៅលើយានយន្ត ដែលកែច្នៃខុសបច្ចេកទេស ដូចជារថយន្តដឹកសំពីងសំពោង តភ្លើងថែមលើសបច្ចេកទេស តទ្រុងខុសបច្ចេកទេស សម្បកកង់សឹករិចរិល ត្រួតពិនិត្យឯកសារដែលខ្វះជាដើម ។
លោកបន្តថា ការត្រួតពិនិត្យប្រសិនជាខ្វះឯកសារហើយ អប់រំចំនួន២ដង ហើយនៅលើកទី៣ បើនៅតែល្មើស គណៈកម្មការនិងត្រូវផាកពិន័យដោយអនុវត្តតាមអនុក្រឹត្យលេខ៣៩ ស្តីពីច្បាប់ចរាចរណ៍ផ្លូវគោក ។
ជាក់ស្តែងក្រុមម្ចាស់រថយន្តដែលឆ្លងកាត់គោលដៅត្រួតពិនិត្យយានយន្តនោះបានចូលទៅហុចលុយដាក់លើតុ រួចបន្តដំណើរទៅមុខទៀតក្រោយពីពិនិត្យរថយន្តនិងឯកសារ គឺអត់មានអប់រំទេ មានតែការតថ្លៃគ្នាយកប្រាក់តែប៉ុណ្ណោះ បើពុំដូច្នោះទេ មានប្រាក់ឯណាច្រកបាវយកមកទុកចែកគ្នីគ្នាយ៉ាងត្រជាក់ពងបែបនេះ ។
នៅក្នុងតារាង បញ្ជីបែកចែកប្រាក់៧០%ដល់ក្រុមការងារដែលបានអនុវត្តការងារប្រចាំថ្ងៃ បានរាយនាមនូវចំនួនទឹកប្រាក់ដែលបានបែកចែកក្នុងម្នាក់ៗ ប្រចាំថ្ងៃ ។ ឧទាហរណ៍នៅស្រុកថាឡាបរិវ៉ាត់ ផ្លូវជាតិលេខ៩ នាថ្ងៃទី២៣ ខែកក្កដា ២០២២ ចំណូលទឹកប្រាក់ប្រចាំថ្ងៃបានសរុបចំនួន៦២៥.០០០រៀល ត្រូវដក៧០%នៃចំណូលទឹកលុយសរុប បែងចែកទៅក្រុមការងារ ដូចមានតារាងស្របតាមច្បាប់ចែកគ្នារស់ឱ្យត្រជាក់មេជើងដូចខាងក្រោម ចង់អ្នកណាត្រូវគេជាន់កលៀនអណ្តាត លៀនទៅធ្វើម៉េចច្បាបតម្រូវ់ ៖
១-លោក ជា ថាវរិទ្ធ អភិបាលរងខេត្តចំនួន៣៣.០០០រៀល ។
២-លោក សរ គឹមណាត ប្រធានមន្ទីរសាធារណការនិងដឹកជញ្ជូន ៣៣.០០០រៀល ។
៣-លោក ហុង យូ ស្នងការរងទទួលផែនចរាចរណ៍ជើងគោក៣៣.០០០រៀល ។
៤-លោក ប្រាក់ សុភ័ណ្ឌ អនុប្រធានមន្ទីរសាធារណការនិងដឹកជញ្ជូននិងជាប្រធានក្រុមការងារត្រួតពិនិត្យលក្ខណៈបច្ចេកទេសយានយន្តបានច្រើនជាងគេ៤១.៥០០រៀល ។
៥-លោក ដួង សំអុល ប្រធានការិយាល័យសេដ្ឋកិច្ចមន្ទីរសាធារណការ ៣៣.០០០រៀល ។
៦-លោក រស់ អក្ខរ៉ា អនុប្រធានការិយាល័យ ដ.ជ ៣៣០០០រៀល ។
៧-លោក សេង សំអាន មេបញ្ជាការកងរាជអាវុធហត្ថស្រុកថាឡាបរិវ៉ាត់ ៣៣.០០០រៀល ។
៨-លោក ប្រាក់ សុភា មេបញ្ជាការរងកងរាជអាវុធហត្ថស្រុកថាឡាបរិវ៉ាត់ ៣៣.០០០រៀល ។
៩-លោក ពក គឹមហង្ស អធិការងស្រុកថាឡាបរិវ៉ាត់ ៣៣០០០រៀល ។
១០-លោក លី សុទ្ធិ ប្រធានការិយាល័យសេដ្ឋកិច្ច ៣៣០០០រៀល ។
១១-លោក កែវ សុទ្ធី អនុប្រធានការិយាល័យ ដ.ជ ៣៣០០០រៀល ។
១២-លោក ប្រាក់ ភិរម្យ នាយរងផ្នែកចរាចណ៍ ៣៣០០០រៀល ។
១៣-លោក ខែក សារី នាយផ្នែកចរាចរណ៍ ៣៣០០០រៀល ។
នេះគ្រាន់តែចំនួនទឹកប្រាក់បានមកពីចំណូលមួយកន្លែង ពីគោលដៅត្រួតពិនិត្យបច្ចេកទេសដែលត្រូវបែងចែកក្នុងមួយថ្ងៃប៉ុណ្ណោះ ។ នៅចំណូល៣គោលដៅទៀត មិនដឹងប៉ុន្មានទេ ដែលសង្ស័យអាចរកបានចែកគ្នាសម្រាប់ស្នងការដែលបានដាក់ អត់មានក្នុងតារាងសម្រាប់ចែកទេ ។ ចំណែកតារាងបែងចែកនេះសម្រាប់តែគណៈកម្មការរបស់សាធារណការមួយគោលដៅ ។ ម្ល៉ោះហើយប្រឹងរកប្រាក់ពីញើសឈាមអ្នកបើកបរ មិនបាច់ដេកពួនទេ ហើយក៏មិនបាច់ឈឺដែរ គឺពួនស្ទាក់ពេញ២៤ម៉ោង លើសពីហាត់ប្រាណ តើមានអីឈឺ ?
ការជាន់កម្ចាស់រថយន្តដឹកជញ្ជូនយកប្រាក់មកចែកគ្នាដោយស្របច្បាប់បែបនេះ ពិតជាបានលើកទឹកចិត្តឱ្យអ្នកជាន់កគេ កាន់តែពូកែជាន់គ្មានមេត្តា…ឯអ្នកដែលត្រូវគេជាន់ក ចាំតែលៀនអណ្តាតទៅ…ណ្ហើយថ្លែងខ្លីប៉ុណ្ណឹងទៅចុះ…គ្មានវាចានឹងថ្លែងទៀតឡើយ…ហេ ! ហេ ! ៕
ចែករំលែកព័តមាននេះ