រដ្ឋបាលខេត្តនឹងចុះបញ្ជីដីធ្លីជាប្រព័ន្ធជូន ពលរដ្ឋស្រុកកៀនស្វាយនិងស្រុកស្អាង
ខេត្តកណ្តាល ៖ តាមសេចក្តីប្រកាសរបស់រដ្ឋបាលខេត្តកណ្តាលបានឱ្យដឹងថា នៅថ្ងៃទី៩និង១០ មករានេះ គណៈកម្មការរដ្ឋបាលខេត្ត
ខេត្តកណ្តាល ៖ តាមសេចក្តីប្រកាសរបស់រដ្ឋបាលខេត្តកណ្តាលបានឱ្យដឹងថា នៅថ្ងៃទី៩និង១០ មករានេះ គណៈកម្មការរដ្ឋបាលខេត្ត នឹងចុះធ្វើការផ្សព្វផ្សាយប្រកាសអំពីការកំណត់តំបន់វិនិច្ឆ័យនៅលើភូមិសាស្ត្រដីតាមភូមិឃុំមួយចំនួនក្នុងស្រុកកៀនស្វាយ និងស្រុកស្អាងដើម្បីធ្វើការចុះបញ្ជីដីធ្លីជាប្រព័ន្ធជូនប្រជាពលរដ្ឋ ដែលមានវិវាទជាមួយលោកឧកញ៉ា ឡោក ហ៊ួរ ដែលត្រូវបានរាជរដ្ឋាភិបាលសម្រេចដោះស្រាយរួចរាល់ដោយសម្រេចឲ្យលោកឧកញ៉ា ឡោក ហ៊ួរ កាត់ដីជូនប្រជាពលរដ្ឋវិញ ។
តំបន់ដីដែលគណៈកម្មការរដ្ឋបាលខេត្តធ្វើការផ្សព្វផ្សាយសេចក្តីប្រកាសអំពីការកំណត់តំបន់វិនិច្ឆ័យ ដើម្បីធ្វើការចុះបញ្ជីដីធ្លីជាប្រព័ន្ធជូនប្រជាពលរដ្ឋ ស្របតាមសេចក្តីសម្រេចរបស់រាជរដ្ឋាភិបាលនេះ ទីតាំងទី១-នៅត្រង់ចំណុចដីបឹងភូមិលេខ៥ និងភូមិឫស្សី ឃុំប្រាសាទ ស្រុកស្អាង ។
ទីតាំងទី២-ដីបឹងចំណុចភូមិគគីរធំ ភូមិពោធិ៍មៀវ ភូមិរាំងដេក ឃុំគគីរធំ ស្រុកកៀនស្វាយ ។ ទីតាំងទី៣-ដីបឹងចំណុចភូមិជ័យឧត្តម ភូមិព្រែកតាកែវ ភូមិជ្រោយដង ភូមិស្ទឹង ភូមិព្រែកត្រែង ភូមិសំរោងធំ ឃុំសំរោងធំ ស្រុកកៀនស្វាយ និងទីតាំងទី៤-ដីបឹងចំណុចភូមិកណ្តាលក្រោម ភូមិកណ្តាលលើ ភូមិព្រែកប៉ុល ឃុំបន្ទាយដែក ស្រុកកៀនស្វាយ ។
សូមបញ្ជាក់ថា ទីតាំងដីចំណុចខាងលើនេះរដ្ឋបាលខេត្ត នឹងចុះធ្វើការផ្សព្វផ្សាយចាប់ពីថ្ងៃទី៩ និងថ្ងៃទី១០ ខែមករា ឆ្នាំ២០១៧នេះ ។
យោងតាមលិខិតក្រសួងរៀបចំដែនដី នគរូបនីយកម្ម និងសំណង់ បានឱ្យដឹងថា ក្រសួងនឹងចាត់ក្រុមការងារចុះវាស់វែងប្រមូលទិន្នន័យដើម្បីចុះបញ្ជីដីមានលក្ខណៈជាប្រព័ន្ធជូនប្រជាពលរដ្ឋដែលមានវិវាទដីធ្លីជាមួយលោក ឡោក ហួរ ដែលទើបត្រូវបានរាជរដ្ឋាភិបាលដោះស្រាយរួច ស្ថិតនៅក្នុងស្រុកកៀនស្វាយ ក្នុងភូមិកណ្តាលក្រោម ភូមិកណ្តាលលើ ភូមិព្រែកពុល ឃុំបន្ទាយដែក ភូមិជ័យឧត្តម ភូមិព្រែកតាកែវ ភូមិជ្រោយដង ភូមិស្ទឹង ភូមិព្រែកត្រែង ភូមិសំរោងក្អែរ ឃុំសំរោងធំ ភូមិគគីរធំ ភូមិពោធិ៍មៀវ ភូមិវាំងដេក ឃុំគគីរធំ និងស្រុកស្អាង ក្នុងភូមិលេខ៤ ភូមិលេង៥ និងភូមិជ្រោយឫស្សី ឃុំប្រាសាទ ខេត្តកណ្តាល ៕
ចែករំលែកព័តមាននេះ