ការលេបថ្នាំ ឬថ្នាំបំបាត់ការឈឺចាប់គឺជាវិធីដ៏សាមញ្ញមួយក្នុងការដោះស្រាយជំងឺឈឺប្រកាំងមួយចំហៀងក្បាល។ ទោះជាយ៉ាងណា ការប្រើប្រាស់ថ្នាំនាំមកជាមួយនូវផលប៉ះពាល់ដែលយើងមិនចង់បាន។ តាមការសិក្សាថ្មីមួយដែលចុះផ្សាយក្នុងព្រឹត្តិបត្រ Headache បានបង្ហាញថា ពីរភាគបីនៃអ្នកចូលរួមបានរាយការណ៍ថាមានរោគសញ្ញាដូចជាការងងុយគេង អស់កម្លាំង ចង្វាក់បេះដូងដើរលឿន និងពិបាកក្នុងការគិតបន្ទាប់ពីលេបថ្នាំតាមវេជ្ជបញ្ជា ដូច្នេះតើមានវិធីផ្សេងដែលមានប្រសិទ្ធភាពជាងការប្រើប្រាស់ថ្នាំដែរឬទេ ?
វិធីធម្មជាតិក្នុងការទប់ស្កាត់ជំងឺឈឺប្រកាំងមួយចំហៀងក្បាលចាប់ផ្តើមជាមួយនឹងរបបអាហាររបស់អ្នក។ ការរៀនពីរបៀបដើម្បីបំបាត់ជំងឺឈឺប្រកាំងមួយចំហៀងក្បាលតាមរយៈរបបអាហាររបស់អ្នក គឺទាក់ទងនឹងការយកចិត្តទុកដាក់ទៅនឹងអ្វីដែលអ្នកបរិភោគ និងធ្វើការផ្លាស់ប្តូររបៀបរស់នៅសាមញ្ញមួយចំនួន។
១-ប្រុងប្រយ័ត្នចំពោះអាហារដែលមានជាតិអ័រម៉ូន ៖ សូមប្រុងប្រយ័ត្នពេលជ្រើសរើសអាហារប្រភេទសាច់ជាពិសេសសាច់គោ និងផលិតផលទឹកដោះគោដែលមានផ្ទុកជាតិអ័រម៉ូន។ សូមព្យាយាមបរិភោគអាហារសរីរាង្គ សាច់ស្រស់ និងជៀសវាងអាហារប្រភេទផូស្វ័រប្រូតេអីុន ។ សារជាតិក្នុងទឹកដោះគោមានឈ្មោះថា « casein » ដែលមានជិត80ភាគរយនៃជាតិប្រូតេអីុនទាំងអស់ក្នុងទឹកដោះគោ វាជាភ្នាក់ងារបង្កឲ្យមានជំងឺឈឺប្រកាំងមួយចំហៀងក្បាលយ៉ាងសំខាន់។ ជាញឹកញាប់គ្រូពេទ្យព្យាយាមលុបបំបាត់ប្រភពនៃសារជាតិ casein ក្នុងរបបអាហាររបស់ជំងឺឈឺប្រកាំងមួយចំហៀងក្បាល។ វាត្រូវបានគេរាយឈ្មោះជាទូទៅថាជា sodium caseinate calcium caseinate ឬប្រូតេអីុនទឹកដោះគោ នៅលើស្លាកម្ហូបអាហារជាច្រើន ។
២-ជៀសវាងអាហារមានជាតិស្ករច្រើន ៖ ការកើនឡើងជាតិស្ករខ្លាំងក្នុងឈាមបន្ទាប់ពីអ្នកបរិភោគត្រូវបានគេចាត់ទុកថាជាមូលហេតុភាគច្រើនបំផុតនៃការឈឺប្រកាំងមួយចំហៀងក្បាល នេះបើយោងតាមCNNសុខភាព។ កាបូអីុដ្រាតធម្មតាដូចជាស្ករសនិង pasta ក្នុងបរិមាណច្រើនហួសហេតុ អាចបង្កឱ្យមានការឈឺប្រកាំងមួយចំហៀងក្បាល។ នៅពេលដែលអ្នកបរិភោគជាតិស្ករ ជាតិស្ករក្នុងឈាមនឹងកើនឡើងជាហេតុធ្វើឲ្យជាតិអាំងស៊ុយលីននៅក្នុងខ្លួនរបស់អ្នកកើនឡើងដើម្បីបំបែកជាតិស្ករទាំងនោះ។ វាបណ្តាលឲ្យកម្រិតជាតិស្ករក្នុងឈាមរបស់អ្នកធ្លាក់ចុះយ៉ាងខ្លាំង។ ការកើនឡើង និងការធ្លាក់ចុះជាតិស្ករក្នុងឈាមភ្លាមៗបែបនេះអាចនាំឱ្យមានការឈឺក្បាល ។
៣-ទទួលទានទឹកឲ្យបានច្រើនតែជៀសវាងភេសជ្ជៈ ៖ យើងបានដឹងហើយថា ការខ្វះជាតិទឹកអាចបង្កឱ្យមានការឈឺក្បាល ហើយនៅពេលស្ថានភាពនេះកាន់តែអាក្រក់ វានឹងបណ្តាលឲ្យអ្នកមានជំងឺឈឺប្រកាំងមួយចំហៀងក្បាល។ គ្រូពេទ្យជាច្រើនបានណែនាំថា អ្នកគួរតែទទួលទានទឹកឲ្យបានច្រើន និងកំណត់បរិមាណជាតិអាល់កុលដែលអ្នកទទួលទាន។ ពួកគេក៏បានព្រមានថា អ្នកគួរតែជៀសវាងទទួលទានតែ កាហ្វេ សូដា និងភេសជ្ជៈផ្សេងទៀតដែលមានផ្ទុកបរិមាណជាតិស្ករ និងជាតិកាហ្វេអីុនច្រើន ដែលពួកវាអាចបង្កឲ្យកើតជំងឺឈឺប្រកាំងមួយចំហៀងក្បាល ។
៤-ទទួលទានអាហារនិងភេសជ្ជៈត្រជាក់យឺតៗ ៖ នៅពេលអ្នកទទួលទានអាហារ ឬភេសជ្ជៈត្រជាក់យ៉ាងលឿន អ្នកនឹងមានអារម្មណ៍ថាត្រជាក់ដល់ខួរក្បាល។ តែវាគឺជាលក្ខខណ្ឌវេជ្ជសាស្ត្រមួយដែលមានឈ្មោះថា ភាពត្រជាក់ជំរុញការឈឺក្បាល ។ វាត្រូវបានគេកំណត់ដោយ ការឈឺចាប់នៅកណ្តាលថ្ងាស ឬនៅពីក្រោយភ្នែក និងច្រមុះដែលមានរយៈពេលតិចជាងប្រាំនាទីបន្ទាប់ពីការទទួលទានអាហារ ឬភេសជ្ជៈត្រជាក់យ៉ាងលឿន។ អ្វីដែលគួរឱ្យភ្ញាក់ផ្អើល គឺក្រុមអ្នកស្រាវជ្រាវមួយចំនួនជឿថា បាតុភូតនេះអាចបង្កឱ្យមានជំងឺឈឺប្រកាំងមួយចំហៀងក្បាល ដូច្នេះសូមព្យាយាមទទួលទានអាហារត្រជាក់យឺតៗ ឬទទួលទានភេសជ្ជៈដោយបន្ថែមទឹកកកតិច ៕
ចែករំលែកព័តមាននេះ