កំពុងបើករថយន្តសុខៗ ស្រាប់តែឆ្លងចរន្តឆេះសន្ធោសន្ធៅ
រាជធានីភ្នំពេញ ៖ បុរសជនជាតិចិនម្នាក់ខណៈបើករថយន្តសុខៗ ស្រាប់តែឆ្លងចរន្តភ្លើងឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលកាលពីវេលាម៉ោង៨ និង២០នាទីយប់ …
រាជធានីភ្នំពេញ ៖ បុរសជនជាតិចិនម្នាក់ខណៈបើករថយន្តសុខៗ ស្រាប់តែឆ្លងចរន្តភ្លើងឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលកាលពីវេលាម៉ោង៨ និង២០នាទីយប់ …
រាជធានីភ្នំពេញ ៖ បុរសជនជាតិចិនម្នាក់ខណៈបើករថយន្តសុខៗ ស្រាប់តែឆ្លងចរន្តភ្លើងឆាបឆេះយ៉ាងសន្ធោសន្ធៅបង្កឲ្យមានការភ្ញាក់ផ្អើលកាលពីវេលាម៉ោង៨ និង២០នាទីយប់ ថ្ងៃទី០៨ ខែមករា ឆ្នាំ២០១៧ នៅលើកំណាត់ផ្លូវវេងស្រេង ទល់មុខរោងចក្រដំឡើងម៉ូតូហុងដា ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
រថយន្តខាងលើម៉ាកប៉ាហ្សេរ៉ូ (Pajero) ពណ៌ទឹកប៊ិច ពាក់ស្លាកលេខភ្នំពេញ 2C-7353 បើកបរដោយបុរសជនជាតិចិន ក្រោយកើតហេតុគេចខ្លួនទៅបាត់ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេឃើញរថយន្តប៉ាហ្សេរ៉ូ១គ្រឿងបើកបរដោយបុរសជនជាតិចិនតាមផ្លូវវេងស្រេងក្នុងទិសដៅពីលិចទៅកើត ខណៈបើកមកដល់មុខផ្សារកាណាស៊ីធី ស្រាប់តែឃើញមានហុយផ្សែងចេញពីម៉ាស៊ីននៅផ្នែកខាងមុខ លុះពេលបើកទៅមុខបានជាង១០០ម៉ែត្រ ដល់មុខក្រុមហ៊ុនហុងដា អ្នកបើករថយន្តបានឈប់ហើយយកក្រណាត់គម្របរថយន្តទៅគ្របលើរថយន្តដើម្បីឲ្យអណ្តាតភ្លើងរលត់ តែភ្លើងមិនព្រមរលត់ទេ ពេលនោះប្រជាពលរដ្ឋដែលនៅក្បែរកន្លែងកើតហេតុបាននាំគ្នាយកបំពង់ពន្លត់អគ្គិភ័យបាញ់អស់២បំពង់នៅតែមិនរលត់ ហើយអណ្តាតភ្លើងកាន់តែឆាបឆេះសន្ធោសន្ធៅ ភ្លាមៗនោះអ្នកបើករថយន្តបានឡើងជិះរ៉ឺម៉កម៉ូតូគេចខ្លួនបាត់ បន្សល់ទុករថយន្តកំពុងតែឆាបឆេះសន្ធោសន្ធៅនៅកណ្តាលផ្លូវបង្កឲ្យផ្អើលដល់សមត្ថកិច្ចហៅរថយន្តពន្លត់អគ្គិភ័យរបស់ស្នងការដ្ឋាននគរបាលរាជធានីភ្នំពេញ១គ្រឿងមកបាញ់ទឹកពន្លត់ទើបរលត់អស់ទាំងស្រុង ។
ក្រោយពេលកើតហេតុ រថយន្តឆេះនៅសល់តែគ្រោងឆ្អឹង ចំណែកម្ចាស់រថយន្តរត់គេចខ្លួនបាត់ ។ ហើយរថយន្តដែលឆាបឆេះនោះមិនត្រូវបានសមត្ថកិច្ចស្ទួចយកទៅ រក្សាទុកទេ រង់ចាំម្ចាស់មកស្ទួចយកទៅរក្សាទុកកាប់សាច់លក់ ៕
ចែករំលែកព័តមាននេះ