រាជធានីភ្នំពេញ ៖ រថយន្តម៉ាកព្រូស១គ្រឿងត្រូវបានម្ចាស់អះអាងថា គេចពីម៉ូតូកង់៣ ជ្រុលទៅបុករនាំងដែកពុះចែកទ្រូវផ្លូវបណ្តាលឲ្យបាក់អស់៥ផ្ទាំង ។ គ្រោះថ្នាក់នេះបាន …
រាជធានីភ្នំពេញ ៖ រថយន្តម៉ាកព្រូស១គ្រឿងត្រូវបានម្ចាស់អះអាងថា គេចពីម៉ូតូកង់៣ ជ្រុលទៅបុករនាំងដែកពុះចែកទ្រូវផ្លូវបណ្តាលឲ្យបាក់អស់៥ផ្ទាំង ។ គ្រោះថ្នាក់នេះបានកើតឡើងកាលពីវេលាម៉ោង៧ និង១៥នាទីព្រឹក ថ្ងៃទី០៨ ខែមករា នៅលើស្ពានអាកាស៧មករា ស្ថិតនៅក្នុងសង្កាត់ទឹកល្អក់ទី១ ខណ្ឌទួលគោក ។
រថយន្តដែលបើកបុករនាំងដែកពុះចែកទ្រូវផ្លូវត្រូវបានសមត្ថកិច្ចនគរបាលឲ្យដឹងថា ម៉ាកព្រូស ពណ៌ស ពាក់ស្លាកលេខ ភ្នំពេញ 2T-5284 បើកបរដោយបុរសម្នាក់ ត្រូវបាននគរបាលនាំខ្លួនទៅសាកសួរ ។
សាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តធ្វើដំណើរតាមមហាវិថីសហព័ន្ធរុស្សី ក្នុងទិសដៅពីកើតទៅលិច ហើយបានបើកឡើងស្ពានអាកាស៧មករា ខណៈឡើងស្ពានបានបន្តិចមិនទាន់ដល់ពាក់កណ្តាលស្ពានផង ស្រាប់តែរថយន្តបានរេចង្កូតទៅឆ្វេងដៃជ្រុលបុករនាំងដែកពុះចែកទ្រូវផ្លូវ បណ្តាលឲ្យបាក់វៀចដួលអស់៥ផ្ទាំងតែម្តង ។ ទោះបីជាយ៉ាងណានៅក្នុងគ្រោះថ្នាក់នេះពុំបណ្តាលឲ្យមនុស្សណាម្នាក់រងរបួសឡើយ ។
បើតាមអ្នកបើកបរបានឲ្យសមត្ថកិច្ចដឹងថា មូលហេតុដែលបណ្តាលឲ្យបុករនាំងដែកនេះ ដោយសារតែគេចពីម៉ូតូកង់៣ដែលនៅពីមុខ ។
ក្រោយពេលកើតហេតុ រថយន្តត្រូវបានសមត្ថកិច្ចស្ទួចបញ្ជូនទៅកាន់ការិយាល័យចរាចរណ៍ជើងគោគ នៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយសងការខូចខាតរនាំងដែក ។ នៅព្រឹកនេះដែរ រនាំងដែកត្រូវបានមន្ទីរសារធារណការចុះទៅជួសជុលឡើងវិញផងដែរ ៕
ចែករំលែកព័តមាននេះ