សារព័ត៌មានបរទេស កាលពីថ្ងៃទី៥ មករា២០១៧ ផ្សាយថា«Tsukiji»ជាផ្សារលក់ត្រីធំបំផុតនៅលើពិភពលោកស្ថិតនៅជាយក្រុងតូក្យូបានដាក់ដេញថ្លៃត្រីធូណាយក្ស ស្វាគមន៍ឆ្នាំថ្មី កាលពីថ្ងៃទី៥ មករា និងជាទំនៀមទម្លាប់
សារព័ត៌មានបរទេស កាលពីថ្ងៃទី៥ មករា២០១៧ ផ្សាយថា«Tsukiji»ជាផ្សារលក់ត្រីធំបំផុតនៅលើពិភពលោកស្ថិតនៅជាយក្រុងតូក្យូបានដាក់ដេញថ្លៃត្រីធូណាយក្ស ស្វាគមន៍ឆ្នាំថ្មី កាលពីថ្ងៃទី៥ មករា និងជាទំនៀមទម្លាប់ដែលប្រតិបត្តិជាប្រចាំក្នុងរយៈពេលយូរលង់មកហើយ ។ ចំពោះធូណាដែលលក់ក្នុងឆ្នាំនេះជាត្រីធូណាមានព្រុយពណ៌ខៀវទម្ងន់២១២គីឡូក្រាមលក់បានតម្លៃ៧៤,២លានយ៉េន ឬប្រហែល៦២៨.០០០ដុល្លារ ។
លោក Kiyoshi Kimura ប្រធានសាខាហាងស៊ូស៊ី«សាន់មៃ»អាចបង្កើតឯតទគ្គកម្មជាអ្នកឈ្នះ ដើម្បីស្វាគមន៍ឆ្នាំថ្មីរបស់ទីផ្សារ«Tsukiji»ជាឆ្នាំទី៦បន្តបន្ទាប់គ្នាហើយថ្លៃទិញក្នុងឆ្នាំនេះនៅតែខ្ពស់ ។
ថ្លៃទិញត្រីធូណាក្នុងឆ្នាំនេះមិនអាចបំបែកឯតទគ្គកម្មកាលពីឆ្នាំ២០១៣ ដែលលោកបានចំណាយប្រាក់ចំនួន១៥៤លានយ៉េន ឬ១,៨លានដុល្លារ យកឈ្នះគូប្រជែងពីហុងកុងក្នុងការដេញថ្លៃត្រីធូណាដ៏ល្អមានទម្ងន់២២២គីឡូក្រាម ៕
ចែករំលែកព័តមាននេះ