ឃាត់ខ្លួនជនសង្ស័យម្នាក់ លួចយកម៉ាញ៉េរថយន្តចេញពីឃ្លាំង
រាជធានីភ្នំពេញ ៖ បុរសម្នាក់ត្រូវបានម្ចាស់រថយន្តឃាត់ខ្លួន កាលពីម៉ោង២រសៀល ថ្ងៃទី០៦ខែមករា ឆ្នាំ២០១៧ បន្ទាប់ពីធ្វើសកម្មភាពលួចម៉ាញ៉េរថយន្តនៅក្នុងឃ្លាំងកា.ប់សាច់
រាជធានីភ្នំពេញ ៖ បុរសម្នាក់ត្រូវបានម្ចាស់រថយន្តឃាត់ខ្លួន កាលពីម៉ោង២រសៀល ថ្ងៃទី០៦ខែមករា ឆ្នាំ២០១៧ បន្ទាប់ពីធ្វើសកម្មភាពលួចម៉ាញ៉េរថយន្តនៅក្នុងឃ្លាំងកាប់សាច់ ដែលស្ថិតនៅចំណុចផ្លូវ១៩៧៤ ភូមិពោងពាយ សង្កាត់ភ្នំពេញថ្មី ខណ្ឌសែនសុខ។ ជនសង្ស័យ រូបនោះឈ្មោះ ស ដារ៉ា អាយុ៣៥ឆ្នាំ មុខរបរមិនពិតប្រាកដ ស្នាក់នៅភូមិម័រ សង្កាត់ដង្កោ ខណ្ឌដង្កោ។
ចំណែកដើមបណ្តឹងឈ្មោះ គីម ជរ ភេទប្រុស អាយុ៣៧ឆ្នាំ មុខរបរលក់គ្រឿងរថយន្តកាប់សាច់ ស្នាក់នៅផ្ទះលេខ០៧បេ ផ្លូវ១៦២ សង្កាត់ផ្សារដេប៉ូ១ ខណ្ឌទួលគោក។ប្រភពព័ត៌មានពីដើមបណ្តឹងបានឲ្យដឹងថា មុនពេលឃាត់ខ្លួន ជនសង្ស័យបានលួចចូលទៅក្នុងឃ្លាំងសម្ងំលួចដោះយកម៉ាញ៉េរថយន្តចេញពីកាប៊ីនរថយន្ត ខណៈនោះត្រូវបានជាងរថយន្តឃើញ។ ភ្លាមៗនោះជនសង្ស័យបានរត់ផ្លោះរបងចេញក្រៅក៏ត្រូវបានជាងៗនាំគ្នាដេញឃាត់ខ្លួន រួចប្រគល់ឲ្យសមត្ថកិច្ចនគរបាលប៉ុស្តិ៍ ដើម្បីសាកសួរ និងចាត់ការទៅតាមផ្លូវច្បាប់៕
ចែករំលែកព័តមាននេះ