សមត្ថកិច្ចឃាត់ខ្លួនជនសង្ស័យម្នាក់ពីបទជូញដូរ-ប្រើប្រាស់គ្រឿងញៀ.ន
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀ.នសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប្រជាការពារភូមិ បានចុះបង្ក្រាប …
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀ.នសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប្រជាការពារភូមិ បានចុះបង្ក្រាប …
ខេត្តសៀមរាប ៖ កម្លាំងការិយាល័យនគរបាលប្រឆាំងគ្រឿងញៀនសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក និងកម្លាំងប្រជាការពារភូមិ បានចុះបង្ក្រាបករណីជួញដូរដោយខុសច្បាប់នូវសារធាតុញៀន នៅបន្ទប់ជួលមួយកន្លែងក្នុងក្រុងសៀមរាប រួចយកមកធ្វើការសួរនាំនៅការិយាល័យជំនាញ និងបញ្ជូនបន្តទៅតុលាការខេត្ត ។
ហេតុការណ៍ឃាត់ខ្លួនជនសង្ស័យជួញដូរគ្រឿងញៀននេះធ្វើឡើងកាលពីវេលាម៉ោង១០ និង៤០នាទី យប់ ថ្ងៃទី០៥ ខែមករា ឆ្នាំ២០១៧ ស្ថិតក្នុងក្រុមទី០៨ ភូមិទក្សិណត្បូង សង្កាត់គោកចក ក្រុងសៀមរាប ។
ប្រភពពីសមត្ថកិច្ចនគរបាលប្រឆាំងគ្រឿងញៀនបានឲ្យដឹងថា ជនសង្ស័យឈ្មោះ លេ ទី ភេទប្រុស អាយុ២៦ឆ្នាំ ទីលំនៅភូមិស្ទឹងថ្មី សង្កាត់ស្វាយដង្គំ ក្រុងសៀមរាប សព្វថ្ងៃស្នាក់នៅបន្ទប់ជួល ភូមិឃុំកើតហេតុខាងលើ ត្រូវបានសមត្ថកិច្ចចាប់ខ្លួនពីបទជួញដូរគ្រឿងញៀន ព្រមទាំងដកហូតបាន ម្សៅមេតំហ្វេតាមីន(ម៉ាទឹកកក)២កញ្ចប់ធំ មានទម្ងន់១០,៥ក្រាមទាំងសំបក, ទូរស័ព្ទដៃ២គ្រឿង និងសម្ភារវេចខ្ចប់ រួមទាំងឧបករណ៍ប្រើប្រាស់ថ្នាំញៀនមួយចំនួនទៀត ។
បច្ចុប្បន្ន ជនសង្ស័យ និងវត្ថុតាង ត្រូវបានកម្លាំងនគរបាលប្រឆាំងគ្រឿងញៀនបញ្ជូនទៅសាលាដំបូងខេត្តសៀមរាប ដើម្បីចាត់ការតាមនីតិវិធីច្បាប់ ៕
ចែករំលែកព័តមាននេះ