ឈរផ្អែកសរសរចំមុខតំណខ្សែភ្លើងឆក់ស្លា.ប់
ខេត្តពោធិ៍សាត់ ៖ ក្មេងប្រុសម្នាក់បានស្លា.ប់ពេលយកដល់មន្ទីរពេទ្យ ដោយសារឈរផ្អែកសរសរប៉ះចំតំណខ្សែភ្លើងបណ្ដាលឲ្យឆក់ ។ ហេតុការណ៍នេះបានកើតឡើងកាលពី …
ខេត្តពោធិ៍សាត់ ៖ ក្មេងប្រុសម្នាក់បានស្លាប់ពេលយកដល់មន្ទីរពេទ្យ ដោយសារឈរផ្អែកសរសរប៉ះចំតំណខ្សែភ្លើងបណ្ដាលឲ្យឆក់ ។ ហេតុការណ៍នេះបានកើតឡើងកាលពីវេលាម៉ោង៦ និង៤៥នាទីល្ងាច ថ្ងៃទី០៤ ខែមករា ឆ្នាំ២០១៧ នៅផ្ទះជនរងគ្រោះដែលស្ថិតនៅភូមិផ្សារ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
សមត្ថកិច្ចឲ្យដឹងថា ជនរងគ្រោះឈ្មោះ អេង ស៊ីឡាង ភេទប្រុស អាយុ១៤ឆ្នាំ រស់នៅក្នុងបន្ទុកឪពុកម្ដាយ និងជាសិស្សរៀននៅអនុវិទ្យាល័យក្រគរ ។ នៅល្ងាចកើតហេតុក្មេងប្រុសរងគ្រោះមិនបានដឹងថា ខ្សែភ្លើងនៅកន្លែងសរសរផ្ទះមានមុខតំណទេ ហើយបានដើរទៅផ្អែកយ៉ាងពេញទំហឹង ខណះនោះក៏ស្រាប់តែឆ្លងចរន្ដឆក់តែម្ដង ពេលដែលឆក់ភ្លាមៗក្រុមគ្រួសារបានយកទៅព្យាបាលនៅមន្ទីរពេទ្យដែរ ប៉ុន្តែទើបតែយកទៅដល់ក៏ក្មេងប្រុសរងគ្រោះបានស្លាប់បាត់ទៅហើយ ។
សមត្ថកិច្ចត្រួតពិនិត្យសាកសពបង្ហាញថា ជនរងគ្រោះពិតជាស្លាប់ដោយករណីឆក់ខ្សែភ្លើងប្រាកដមែន ។ នេះជាមេរៀនមួយដល់គ្រួសារដទៃទៀតឲ្យមានការប្រុងប្រយ័ត្ន កុំឲ្យតខ្សែភ្លើងរញ៉េរញ៉ៃក្នុងផ្ទះ ព្រោះវាអាចឆ្លងចរន្ដបណ្ដាលឲ្យឆក់ស្លាប់ ឬអាចទុស្សេខ្សែភ្លើងបង្កជាអគ្គិភ័យឆេះផ្ទះសម្បែងជាយថាហេតុ ៕
ចែករំលែកព័តមាននេះ