ខេត្តក្រចេះ ៖ ដូចការសន្និដ្ឋានរបស់នគរបាលក៏ដូចប្រជាពលរដ្ឋថា ការបាត់ខ្លួនបុរសជាអ្នកនេសាទនិងកូនប្រុសអាយុ៤ឆ្នាំ់ ពិតជាត្រូវលង់ទឹកទន្លេស្លា.ប់ ព្រោះក្រោយការបាត់ខ្លួនគឺអ្នកភូមិនិងនគរបាលបានដើររកគ្រប់ច្រកល្ហកទាំងនៅលើគោកនិងលើកោះមិនប្រទះឃើញ ហើយជាចុងក្រោយក៏ឃើញសពអណ្តែតទឹកជាបន្តបន្ទាប់ ។
ខេត្តក្រចេះ ៖ ដូចការសន្និដ្ឋានរបស់នគរបាលក៏ដូចប្រជាពលរដ្ឋថា ការបាត់ខ្លួនបុរសជាអ្នកនេសាទនិងកូនប្រុសអាយុ៤ឆ្នាំ់ ពិតជាត្រូវលង់ទឹកទន្លេស្លាប់ ព្រោះក្រោយការបាត់ខ្លួន គឺអ្នកភូមិនិងនគរបាលបានដើររកគ្រប់ច្រកល្ហកទាំងនៅលើគោកនិងលើកោះមិនប្រទះឃើញ ហើយជាចុងក្រោយ ក៏ឃើញសពអណ្តែតទឹកជាបន្តបន្ទាប់ ។
នគរបាលស្រុកសំបូរបានឲ្យដឹងថា សពបុរសជាឪពុកឈ្មោះ ណុយ សុផា អាយុ៣៨ឆ្នាំ រស់នៅភូមិចារថ្នោល ឃុំសំបូរ ស្រុកសំបូរ ត្រូវបានគេប្រទះឃើញអណ្តែតទឹកកាលពីល្ងាចថ្ងៃទី៥ ខែមករា ចំណែកសពកូនប្រុសអាយុ៤ឆ្នាំ ត្រូវបានគេប្រទះឃើញអណ្តែតទឹកមុននេះ២ថ្ងៃ ។
អធិការរងនគរបាលស្រុកសំបូរ លោកវរសេនីយ៍ត្រី ណយ ស៊ីថាច បានឲ្យដឹងថា ជនរងគ្រោះ២នាក់ឪពុក-កូន បានបាត់ខ្លួនកាលពីថ្ងៃទី២ ខែមករា និងបង្កឲ្យមានការភា្ញក់ផ្អើលដល់អ្នកភូមិក៏ដូចជានគរបាល ក្រោយពីបុរសរូបនេះនាំកូនប្រុសតូចម្នាក់ទៅសាមងនៅកន្ទុយកោះ ហើយក៏បាត់ដំណឹងឃើញតែទូកអណ្តែតទឹក ។
លោកអធិការរងបញ្ជាក់ថា ក្រោយការបាត់ខ្លួនអ្នកទាំង២នាក់ នគរបាលក៏ដូចជាអ្នកភូមិបានសន្និដ្ឋានថា ពួកគេអាចជួបហេតុ ការណ៍លង់ទឹកទន្លេស្លាប់ដោយប្រការណាមួយ ព្រោះនៅគ្រប់ច្រកល្ហក ទាំងនៅលើកោះនិងនៅលើគោក ត្រូវបានរុករកអស់ហើយតែមិននប្រទះឃើញ ។ ចំពោះមូលហេតុនៃការលង់ទឹកស្លាប់ ក៏ត្រូវបានសន្និដ្ឋានថា ទំនងកូនតូចធ្លាក់ទឹក ហើយបុរសជាឪពុកបានចុះទៅតាមក៏បណ្តាលឲ្យលង់ស្លាប់ទាំងពីរនាក់ ព្រោះតំបន់កន្ទុយកោះ ដែលពួកគេទៅធ្វើនេសាទនោះសន្ធឹកទឹកទន្លេហូរខ្លាំង និងមានវិសាលភាពល្វឹងល្វើយ ។
បើតាមអ្នកភូមិនិយាយថា មូលហេតុដែលបុរសរូបនេះចេញទៅនេសាទនៅវេលាទៀបភ្លឺ និងយកកូនតូចទៅជាមួយរហូតជួបគ្រោះអកុសលបែបនេះ ក៏ដោយសារតែកូនយំតាម ។ បុរសរងគ្រោះរស់នៅតែ២នាក់ឪពុកនិងកូននេះប៉ុណ្ណោះ ដោយប្រកបរបរនេសាទចិញ្ចឹមឆ្នាំង ព្រោះប្រពន្ធទៅធ្វើការងារនៅកាស៊ីណូ ឯក្រុងបាវិត ខេត្តស្វាយរៀង ។
យ៉ាងណាក៏ដោយ ក្រោយការបាត់ខ្លួនបុរសអ្នកនេសាទ២នាក់ឪពុក-កូននេះ លោកឧត្តមសេនីយ៍ លន់ សុផាត ស្នងការនគរបាលខេត្ត បានចាត់ឲ្យមន្ត្រីនគរបាលជាច្រើននាក់បន្តការរុករកឲ្យអស់លទ្ធភាព និងផ្តល់នូវអំណោយមួយចំនួននិងប្រាក់ជាង១លានរៀលដល់ក្រុមគ្រួសារសាច់ញាតិបុរសរងគ្រោះផងដែរ ៕
ចែករំលែកព័តមាននេះ