ប្រទេសសិង្ហបុរី ៖ សេដ្ឋកិច្ចសិង្ហបុរីនៅក្នុងត្រីមាសទី៤ ឆ្នាំ២០១៦ បានលូតលាស់លើសពីការរំពឹងទុក គឺដល់ទៅ១,៨%បើធៀបនឹងឆ្នាំកន្លងទៅ ។ នេះបើតាមក្រសួងពាណិជ្ជកម្ម និងឧស្សាហកម្ម (MTI) បានឱ្យដឹង ។
ប្រទេសសិង្ហបុរី ៖ សេដ្ឋកិច្ចសិង្ហបុរីនៅក្នុងត្រីមាសទី៤ ឆ្នាំ២០១៦ បានលូតលាស់លើសពីការរំពឹងទុក គឺដល់ទៅ១,៨%បើធៀបនឹងឆ្នាំកន្លងទៅ ។ នេះបើតាមក្រសួងពាណិជ្ជកម្ម និងឧស្សាហកម្ម (MTI) បានឱ្យដឹង ។
ទន្ទឹមនឹងកំណើនលូតលាស់នៃសេដ្ឋកិច្ចលើសពីការរំពឹងទុករបស់ MTI ត្រឹមតែ១,០-១,៥% តាមការស្ទង់មតិរបស់អ្នកវិភាគមកពីទីភ្នាក់ងារព័ត៌មាន Bloomberg ព្យាករថា តួលេខផលិតផលក្នុងស្រុកសរុប (GDP) របស់ប្រទេសនេះ នឹងកើនឡើងត្រឹម០,៣%ប៉ុណ្ណោះក្នុងត្រីមាសទី៤ឆ្នាំ២០១៦ បើធៀបនឹងឆ្នាំកន្លងមក ខណៈនៅត្រីមាសទី៣ ស្មើនឹង១,២% ។
នាយករដ្ឋមន្ត្រីសិង្ហបុរី Lee Hsien Loong បានថ្លែងកាលពីពេលថ្មីៗថា ៖ « តួលេខនៃការរីកលូតលាស់នេះ គឺជាសញ្ញាវិជ្ជមានសម្រាប់សេដ្ឋកិច្ចជាតិ » ។
លោកនាយករដ្ឋមន្ត្រីបន្តថា រដ្ឋាភិបាលកំពុងតែតាមដានយ៉ាងដិតដល់ពីទីផ្សារការងារបន្ទាប់ពីមានសញ្ញាធ្លាក់ចុះ ។ ការដកចេញនូវបុគ្គលិកក្នុងរយៈពេលដំបូងនៃឆ្នាំ២០១៦ ស្មើនឹង៩.៥១០នាក់ ដែលចាត់ទុកថា ខ្ពស់បំផុតចាប់តាំងពីឆ្នាំ២០០៩មក ខណៈអត្រាគ្មានការងារធ្វើស្មើនឹង២,១% នៅក្នុងត្រីមាសទី៣ ។
« ខណៈទីផ្សារការងារធ្លាក់ចុះ អត្រាគ្មានការងារធ្វើក៏ជួបនឹងបញ្ហាផងដែរ ហើយយើងអាចបង្កើតការងារថ្មី ។ ខ្ញុំដឹងថា បុគ្គលិក និងកម្លាំងពលកម្មនៅតែមានការបារម្ភពីបញ្ហានេះ ប៉ុន្តែសូមឱ្យមានទំនុកចិត្តថា រដ្ឋាភិបាលនឹងតាមដានយ៉ាងដិតដល់ » ។ នេះបើតាមប្រសាសន៍របស់មេដឹកនាំសិង្ហបុរី ។
តាមលទ្ធផលនៃការស្ទង់មតិរបស់សេដ្ឋវិទូពីធនាគារកណ្តាលសិង្ហបុរី បានទម្លាក់ការព្យាករនៃ GDP ក្នុងឆ្នាំនេះនៅត្រឹម១,៤%ប៉ុណ្ណោះ ហើយរំពឹងថា សេដ្ឋកិច្ចនឹងរីកលូតលាស់ដល់១,៥% ក្នុងឆ្នាំ២០១៧ ។
តាមទិន្នន័យចង្អុលបង្ហាញថា ផ្នែកផលិតកម្មមានកំណើន៦,៥%ក្នុងមួយឆ្នាំ នៅត្រីមាសទី៤ បើធៀបនឹងឆ្នាំកន្លងទៅ ដែលចាត់ទុកថាល្អជាងត្រីមាសទី៣ ដែលលូតលាស់ត្រឹម១,៧%។ កំណើននៃការផលិតគ្រឿងអេឡិចត្រូនិក ជីវវេជ្ជសាស្ត្រ ការដឹកជញ្ជូន និងការផលិតទូទៅ នៅតែមានការចុះហត្ថលេខាជាបន្តបន្ទាប់ ។ បើធៀបពីត្រីមាសមួយទៅត្រីមាសមួយ ផ្នែកផលិតមានកំណើន១៤,៦% ។
ចំណែកការលូតលាស់ក្នុងផ្នែកសេវាកម្ម ស្មើនឹង០,៦%ក្នុងត្រីមាសទី៤ ពីកំណើន០,៣%ក្នុងត្រីមាសមុន ដោយសារតែកំណើននៃសេវាផ្សេងៗដូចជា ការដឹកជញ្ជូន និងការប្រមូលទុក ។ បើធៀបពីមួយត្រីមាសទៅមួយត្រីមាស សេវាកម្មមានកំណើនខ្ពស់រហូតដល់៩,៤% ដែលផ្ទុយគ្នានឹងតួលេខក្នុងត្រីមាសទី៣ ត្រឹមតែ០,៤%ប៉ុណ្ណោះ ៕
ចែករំលែកព័តមាននេះ