ស្ត្រីដែលលេបថ្នាំប៉ារ៉ាសេតាមុល ឬថ្នាំ ibuprofen ពីរដងក្នុងមួយសប្តាហ៍អាចបំផ្លាញការស្តាប់របស់ពួកគេជារៀងរហូត ។
ការលេបថ្នាំបំបាត់ការឈឺចាប់ពីរគ្រាប់ក្នុងមួយសប្តាហ៍សម្រាប់រយៈពេលច្រើនជាងប្រាំមួយឆ្នាំមានទំនាក់ទំនងជាមួយនឹងជំងឺថ្លង់យ៉ាងខ្លាំង ដោយថ្នាំនេះត្រូវបានគេគិតថា នឹងទៅកាត់បន្ថយការផ្គត់ផ្គង់ឈាមនៅនឹងត្រចៀកផ្នែកខាងក្នុង និងធ្វើឲ្យវាប្រឈមនឹងការបំផ្លាញការឮសំឡេង ។ ស្ត្រីម្នាក់ក្នុងចំណោមស្ត្រី 20 នាក់អាចនឹងថ្លង់ដោយផ្នែកតាមរយៈការប្រើថ្នាំបំបាត់ការឈឺចាប់ នេះបើតាមការសិក្សាមួយបានរកឃើញ ។
ការរកឃើញនេះមានភាពស្រដៀងគ្នាទៅនឹងការស្រាវជ្រាវលើបុរស ដោយបង្ហាញថា ស្ត្រីវ័យកណ្តាលដែលជាទូទៅលេបថ្នាំប៉ារ៉ាសេតាមុល និងថ្នាំ ibuprofen ដើម្បីបំបាត់ការឈឺក្បាល និងឈឺចង្កេះគួរតែពិចារណាក្នុងការកាត់បន្ថយការប្រើប្រាស់ថ្នាំទាំងនេះ ។
អ្នកនិពន្ធជាន់ខ្ពស់លោកវេជ្ជបណ្ឌិត Gary Curhan មកពីមន្ទីរពេទ្យ Brigham និងស្ត្រីនៅអាមេរិកបានថ្លែងថា៖ «ការថ្លង់គឺជារឿងសំខាន់ខ្លាំងណាស់ ហើយអាចមានផលប៉ះពាល់យ៉ាងខ្លាំងទៅលើគុណភាពនៃជីវិត»។
ការសិក្សារបស់អាមេរិកបានរកឃើញថា ស្ត្រីស្ទើរតែមួយនៅក្នុងស្ត្រី១២នាក់ប្រើប្រាស់ថ្នាំប៉ារ៉ាសេតាមុលពីរថ្ងៃជារៀងរាល់សប្តាហ៍ ដើម្បីព្យាបាលការឈឺផ្សេងៗ។ ពេលខ្លះពួកគេប្រើត្រឹមតែពីរគ្រាប់សម្រាប់រយៈពេលពីរថ្ងៃ ឬប្រើប្រាស់ច្រើនជាងនេះ ។
ប៉ុន្តែការលេបថ្នាំប៉ារ៉ាសេតាម៉ុល ថ្នាំ ibuprofen និងថ្នាំប្រឆាំងនឹងការរលាកដែលមិន មែនជាស្តេរ៉ូអុីត ជាញឹកញាប់សម្រាប់រយៈពេលច្រើនជាងប្រាំមួយឆ្នាំ អាចបង្កើនហានិភ័យនៃការកើតជំងឺថ្លង់ប្រាំបួនភាគរយ ។ វាត្រូវបានគេរកឃើញ ដោយធ្វើការពិនិត្យមើលស្ត្រីចំនួន55.850នាក់ពីអាយុ44ទៅ69ឆ្នាំ។ ជិតពាក់កណ្ដាលនៃចំនួនស្ត្រីទាំងអស់ត្រូវបានគេរាយការណ៍ថាមានបញ្ហាក្នុងការស្តាប់ ។
ការសិក្សានេះបានបង្ហាញថា វាអាចបង្កឡើងដោយថ្នាំប៉ារ៉ាសេតាម៉ុល ដែលមនុស្សភាគច្រើនគិតថាជាការលេបបន្តិចបន្តួច ប៉ុន្តែភស្តុតាងបានបង្ហាញថា វាអាចកាត់បន្ថយការផ្គត់ផ្គង់ឈាមទៅរន្ធត្រចៀកខាងក្នុង ។
ថ្នាំប៉ារ៉ាសេតាមុលក៏ត្រូវបានគេជឿផងដែរថា ប្រើប្រាស់សារធាតុប្រឆាំងអុកស៊ីតកម្មដែលមានក្នុងត្រចៀក ធ្វើឲ្យរន្ធខាងក្នុងត្រចៀកងាយនឹងរងការខូចខាតដែលបណ្តាលមកសំឡេង ។ ថ្នាំបំបាត់ការឈឺចាប់នេះបំផ្លាញរោមតូចៗដែលមានក្នុងត្រចៀក ដែលជួយឱ្យយើងអាចឮ និងមានទំនាក់ទំនងនៃការកើតជំងឺថ្លង់ចំពោះស្ត្រីវ័យក្មេង និងវ័យចំណាស់ ៕
ចែករំលែកព័តមាននេះ