សារព័ត៌មានបរទេសកាលពីពេល ថ្មីៗកន្លងមកផ្សាយថា លោក ស៊ីដនី រ៉ាមីស ដឺអារ៉ូចូ អាយុ៤៦ឆ្នាំទើបតែលែងលះប្រពន្ធនាងអីុស្មាឡា ហ្វ៊ីលីអេ អាយុ៤១ឆ្នាំ បានបាញ់ប្រហារក្នុងពិធីជប់លៀងមួយរបស់អតីតប្រពន្ធ ដើម្បីសងសឹកនាងដែលទទួលបានសិទ្ធិចិញ្ចឹមកូន ។
នាយប់ថ្ងៃទី១ មករា ២០១៧លោកស៊ីដនី បានផ្លោះរបងចូលទៅក្នុងផ្ទះរបស់អតីតប្រពន្ធ និងបានបាញ់រះទៅលើក្រុមមនុស្សនៅក្នុងពិធីជប់លៀងនៅទីក្រុង Campinas ប្រទេសប្រេស៊ីល បណ្តាលឱ្យមានអ្នកស្លាប់បាត់បង់ជីវិតចំនួន១២នាក់ និងរបួស១៥នាក់ ហើយក្នុងចំណោមអ្នកស្លាប់មានអតីតប្រពន្ធ និងចាវ វិកទ័រ ជាកូនប្រុស អាយុ៨ឆ្នាំ ផងដែរ ។
អ្នកស្រុកដែលបានឮសំឡេងគ្រាប់កាំភ្លើង បែរជាគិតថា ជាការផ្ទុះកាំជ្រួចនៅពេលឆ្លងឆ្នាំថ្មី ប៉ុន្តែក្រោយមកទើបពួកគេដឹងថា មិនមែនជាសំឡេងផ្ទុះកាំជ្រួចទេ ខណៈមានមនុស្សមា្នក់រត់ចេញសុំការជួយសង្គ្រោះបន្ទាន់ ។ អ្នកដែលរត់លឿនចេញពីកន្លែងកើតហេតុបានស្រែកថា «ជួយផងៗ!» ហើយអ្នកជិតខាងបែរជាសង្ស័យថា ជាចោរដែលមានអាវុធជាប់តាមខ្លួន ទម្រាំតែដឹងការណ៍ពិត ។ បុរស២នាក់គេចពួននៅក្នុងបន្ទប់ទឹកបានរស់រានមានជីវិត ។
ខណៈពេលប៉ូលិសទៅដល់កន្លែងកើតហេតុបានត្រួតពិនិត្យក្នុងរថយន្តរបស់ជនល្មើសរកឃើញកាស្សែតមួយ ដែលមានសំឡេងបង្ហាញពីការសោកស្តាយចំពោះអ្វីដែលគេបានប្រព្រឹត្ត ៕
ចែករំលែកព័តមាននេះ