សាហា.វ ! ក្របួចកអាវបានបោកផ្ទប់ដី រួចទាញប៉័ងតោដេញកា.ប់ទៀត
រាជធានីភ្នំពេញ ៖ បុរសជនជាតិជាថៅកែរោងចក្រម្នាក់ត្រូវបានបុរសជនជាតិម្នាក់ទៀតចាប់ក្របួចកអាវបោកផ្ទប់ទៅនឹងដី រួចរត់ទៅទាញកាំបិតប៉័ងតោដេញកា.ប់ទៀត …
រាជធានីភ្នំពេញ ៖ បុរសជនជាតិជាថៅកែរោងចក្រម្នាក់ត្រូវបានបុរសជនជាតិម្នាក់ទៀតចាប់ក្របួចកអាវបោកផ្ទប់ទៅនឹងដី រួចរត់ទៅទាញកាំបិតប៉័ងតោដេញកាប់ទៀត បង្កឲ្យមានការភ្ញាក់ផ្អើលកាលពីវេលាម៉ោង៥ និង១៥នាទីល្ងាច ថ្ងៃទី៥ ខែមករា ឆ្នាំ២០១៧ នៅក្នុងហាងកាហ្វេមួយកន្លែងយីហោ «ធានធាន» ដែលមានទីតាំង ស្ថិតនៅក្នុងបុរីញូថោន ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។
ប្រភពពីសមត្ថកិច្ចនគរបាលបានឱ្យដឹងថា ជនរងគ្រោះឈ្មោះ ម៉ា វៃម៉ាន់ អាយុ៣០ឆ្នាំ ជនជាតិចិន មុខរបរថៅកែរោងចក្រកាត់ដេរមួយកន្លែង ដែលមានទីតាំងស្ថិតនៅក្នុងសង្កាត់ចាក់អង្រែ ខណ្ឌមានជ័យ និងស្នាក់នៅក្នុងសង្កាត់ផ្សារអូរឫស្សី២ ខណ្ឌ៧មករា ចំណែកជនបង្កឈ្មោះ ជាំង ជីងលុន ជាជាតិចិន មុខរបរជាអ្នកនាំខោអាវចេញនិងចូលក្នុងរោងចក្រ ។
ប្រភពដដែលបានបន្តថា ថៅកែរោងចក្រដែលជាជនរងគ្រោះខាងលើបានកុម្ម៉ង់ទិញខោអាវពីជនដៃដល់ ប៉ុន្តែមិនដឹងថាទិញចំនួនប៉ុន្មាននោះឡើយ ហើយក្រោយពីការកុម្ម៉ង់រួចជនរងគ្រោះមិនបានមកយកឡើយ ទើបធ្វើឲ្យជនដៃដល់មានកំហឹង និងមានគំនុំយ៉ាងខ្លាំង ។ លុះនៅថ្ងៃកើតហេតុ ខណៈជនរងគ្រោះទៅផឹកកាហ្វេនៅក្នុងហាងកាហ្វេចិនមួយកន្លែង យីហោ«ធានធាន» ក្នុងបុរីញូថោន ស្ថិតក្នុងភូមិព្រៃទា សង្កាត់ចោមចៅ ពេលនោះជនដៃដល់ក៏បានទៅផឹកដែរ ពេលឃើញក៏បានធ្វើការសួរនាំជនរងគ្រោះដែលជាថៅកែរោងចក្រនោះជាភាសាចិនថា «អាវដែលអញណែនាំនោះ យ៉ាងម៉េចហើយ? ហើយម៉េចបានជាលោកថៅកែឯងចេះតែគេចមុខពីអញ២-៣ថ្ងៃហើយចឹង?» ខណៈនោះក៏បានបង្កឲ្យមានទំនាស់ពាក្យសម្ដីគ្នាមួយប្រាវ ហើយជនដៃដល់ក៏បានចាប់ក្របួចកអាវ ថៅកែជាប់រួចបោកទៅនឹងដីទាំងកំរោល បន្ទាប់មកបានរត់ទៅទាញយកកាំបិតប៉័ងតោដេញកាប់ប្រហារជនរងគ្រោះថែមទៀត ប៉ុន្តែសំណាងល្អជនរងគ្រោះរត់គេចខ្លួនទាន់ គ្រាន់តែបណ្តាលឱ្យរងរបួសស្រាលប៉ុណ្ណោះ ។
ប្រភពខាងលើនោះបានបន្តឲ្យដឹងទៀតថា ខណៈនោះបានបង្កឲ្យមានការភ្ញាក់ផ្អើលយ៉ាងខ្លាំង ហើយនៅពេលកំពុងមានការជ្រួលច្របល់ជនដៃដល់ខាងលើបានរត់ឡើងជិះរថយន្តបក្សពួករបស់ខ្លួនគេចទៅបាត់ស្រមោលតែម្តង ដោយមិនដឹងថា ទៅពួនសំងំលាក់ខ្លួននៅកន្លែងណាឡើយ ចំណែកជនរងគ្រោះបានធ្វើដំណើរទៅកាន់ប៉ុស្ដិ៍នគរបាលដ្ឋបាលចោមចៅ ដើម្បីដាក់ពាក្យបណ្តឹងសុំឲ្យជួយអន្តរាគមន៍តាមចាប់ជនដៃដល់យកមកសួរនាំ និងចាត់ការតាមផ្លូវច្បាប់ ៕
ចែករំលែកព័តមាននេះ