ជនសង្ស័យ២នាក់ ត្រូវកម្លាំងនគរបាលព្រហ្មទណ្ឌផ្នែកបង្កាបង្ក្រាបចាប់ខ្លួន
ខេត្តបាត់ដំបង ៖ កាលពីវេលាម៉ោង៧ និង៣០នាទីព្រឹក ថ្ងៃទី០៥ ខែមករានេះ នៅចំណុចរង្វង់មូលនាងរំសាយសក់ ស្ថិតក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង
ខេត្តបាត់ដំបង ៖ កាលពីវេលាម៉ោង៧ និង៣០នាទីព្រឹក ថ្ងៃទី០៥ ខែមករានេះ នៅចំណុចរង្វង់មូលនាងរំសាយសក់ ស្ថិតក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង ដែលពាក់ព័ន្ធក្នុងករណីប្លន់ និងកាច់សោកម៉ូតូ។ បើតាមសម្ដីសមត្ថកិច្ចបានប្រាប់ថា ជនទាំង២នាក់មានម្នាក់ត្រូវចាប់ខ្លួនតាមដីការបស់តុលាការ ខេត្តសៀមរាមពីបទ«ប្លន់» និងដីកាចាប់ខ្លួនរបស់តុលាការខេត្តបន្ទាយមានជ័យពីបទ«លួច»។
ជនដែលត្រូវចាប់ខ្លួនតាមដីកាចំនួន២ខាងលើនេះគឺឈ្មោះ ឌឹម ល្វា ហៅពែក អាយុ៣៤ឆ្នាំ រស់នៅភូមិគោកខ្នាំង ឃុំស្រែខ្វាវ ស្រុកអង្គរជុំ ខេត្តសៀមរាប។ ដោយឡែកជនសង្ស័យម្នាក់ទៀតដែលត្រូវឃាត់ខ្លួន ពេលកំពុងធ្វើដំណើរជាមួយគ្នា ឈ្មោះ គឹម ឈិន អាយុ៤១ឆ្នាំ រស់នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ សមត្ថកិច្ចបានបញ្ជាក់ថា ជនទាំង២នាក់នេះត្រូវបានកំណត់មុខសញ្ញាជាថ្មី ក្នុងសំណុំរឿង«កាច់សោយកម៉ូតូ» ហើយការឈានដល់ការឃាត់ខ្លួននេះ គឺនៅពេលពួកគេកំពុងជិះម៉ូតូឌុបគ្នាពិនិត្យមើលភូមិសាស្ត្រដើម្បីធ្វើសកម្មភាព។
ជាមួយនឹងការឃាត់ខ្លួន សមត្ថកិច្ចដកហូតបាននូវដែកសម្រាប់កាច់សោកម៉ូតូមួយឈុត និងម៉ូតូមួយគ្រឿង ម៉ាកហុងដាឌ្រីមពណ៌ខ្មៅ ពាក់ស្លាកលេខ បន្ទាយមានជ័យ 1N-8468។ បច្ចុប្បន្នមន្ត្រីជំនាញកំពុងសួរនាំ និងចាត់ការតាមនីតិវិធី៕
ចែករំលែកព័តមាននេះ