មុននេះបន្តិច ! ផ្អើលផ្សារទួលទំពូង
រាជធានីភ្នំពេញ ៖ សេចក្តីរាយការណ៍បានឲ្យដឹងថា មុននេះបន្តិច កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ បានបើកប្រតិបត្តិការ …
រាជធានីភ្នំពេញ ៖ សេចក្តីរាយការណ៍បានឲ្យដឹងថា មុននេះបន្តិច កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ បានបើកប្រតិបត្តិការ …
រាជធានីភ្នំពេញ ៖ សេចក្តីរាយការណ៍បានឲ្យដឹងថា មុននេះបន្តិច កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ បានបើកប្រតិបត្តិការបង្ក្រាបកន្លែងកត់ឆ្នោត(កន្ទុយលេខវៀតណាម)ទាំងក្នុង និងក្រៅផ្សារទួលទំពូង ដោយឃាត់ខ្លួនមនុស្ស៦នាក់ ព្រមទាំងដកហូតបានវត្ថុតាងមួយចំនួនធំ ។
សេចក្តីរាយការណ៍បានឲ្យដឹងទៀតថា ប្រតិបត្តិការនេះធ្វើឡើងកាលពីវេលាម៉ោងជាង៤រសៀល ថ្ងៃទី៥ ខែមករា ឆ្នាំ២០១៧ ដឹកនាំដោយលោកវរសេនីយ៍ទោ ប៊ុន សត្យា និងដឹកនាំសម្របសម្រួលដោយលោកព្រះរាជអាជ្ញារងអមសាលាដំបូង សៀង សុខ ។
សេចក្តីរាយការណ៍បញ្ជាក់ថា ប្រតិបត្តិការនេះធ្វើឡើង២កន្លែងផ្សេងគ្នា គឺ កន្លែងទី១ នៅក្នុងផ្សារទួលទំពូង តូបលេខ៥៩៣ ដោយឃាត់ខ្លួនមនុស្ស៥នាក់ (ប្រុស៣នាក់ ស្រី២នាក់) ដោយដកហូតបានប្រាក់អាមេរិក៣៨០ដុល្លារ និងប្រាក់ខ្មែរ៥លាន៧សែនរៀល និងកន្លែងទី២ នៅកន្លែងទូប្តូរប្រាក់ខាងត្បូងផ្សារទួលទំពូង តាមបណ្ដោយផ្លូវលេខ៤៥០ ស្ថិតក្នុងសង្កាត់ទួលទំពូងទី១ ខណ្ឌចំការមន ដោយឃាត់ខ្លួនស្ត្រីម្នាក់ និងដកហូតបានប្រាក់មួយចំនួនធំ ។
សេចក្តីរាយការណ៍បន្ថែមថា ក្រោយពេលចាប់ខ្លួន ជនសង្ស័យទាំងអស់ និងវត្ថុតាងត្រូវបានបញ្ជូនទៅការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួរ និងបន្តនីតិវិធី ៕
ចែករំលែកព័តមាននេះ