ដឹងមូលហេតុពិតប្រាកដ នៃការសម្លា.ប់នៅរាត្រីឆ្លងឆ្នាំក្នុងបន្ទប់ជួលសៀមរាប
ខេត្តសៀមរាប ៖ ឃាតក.ម្មដ៏ឃោរឃៅបង្កឱ្យមានការភ្ញាក់ផ្អើលនៅថ្ងៃទី១ ដើមឆ្នាំ២០១៧ ខណៈជនរងគ្រោះ៣នាក់ ជាបុគ្គលិកក្រុមហ៊ុនអាហារបំប៉នរបស់ថៃ
ខេត្តសៀមរាប ៖ ឃាតកម្មដ៏ឃោរឃៅបង្កឱ្យមានការភ្ញាក់ផ្អើលនៅថ្ងៃទី១ ដើមឆ្នាំ២០១៧ ខណៈជនរងគ្រោះ៣នាក់ ជាបុគ្គលិកក្រុមហ៊ុនអាហារបំប៉នរបស់ថៃ កំពុងលង់លក់ក្នុងជាតិថ្នាំសណ្តំ ត្រូវបានឃាតករចូលអារក និងកាប់សម្លាប់ដល់ក្នុងបន្ទប់ជួលស្ថិតនៅក្នុងបន្ទប់ជួល ក្រុមទី៦ ភូមិសាលាកន្សែង សង្កាត់ស្វាយដង្គំ បណ្តាលឱ្យស្លាប់បុរស២នាក់ក្នុងថ្លុកឈាម និងរបួសធ្ងន់ស្ត្រីម្នាក់បញ្ជូនទៅមន្ទីរពេទ្យខេត្តសៀមរាប ត្រូវបានសមត្ថកិច្ចអះអាងថា មូលហេតុពិតមិនមែនជាករណីប្លន់នោះឡើយ ពោលគឺជារឿងគំនុំរវាងឃាតក និងក្រុមជនរងគ្រោះ ។
ការអះអាងរបស់សមត្ថកិច្ចបែបនេះ បន្ទាប់ពីកម្លាំងនគរបាលចាប់ខ្លួនជនសង្ស័យជាឃាតករបាន កាលពីល្ងាចថ្ងៃទី៤ មករា នៅស្រុកជីក្រែង ខេត្តសៀមរាប ខណៈកំពុងធ្វើដំណើរឆ្លងកាត់តាមផ្លូវជាតិលេខ៦ ប្រុងគេចខ្លួនចេញពីខេត្តសៀមរាបទៅរកកន្លែងលាក់ខ្លូនថ្មី ។
នៅចំពោះមុខសមត្ថកិច្ចក្រុងសៀមរាបជនសង្ស័យជាឃាតកឈ្មោះ ជា សុខជៀន នៅលើហ្វេសប៊ុកដាក់ឈ្មោះ «ភូ តឹកឡឹក» អាយុ២៣ឆ្នាំ បានសារភាពថា រូបគេពិតជាបានប្រព្រឹត្តអំពើទៅលើជនរងគ្រោះទាំងបីនាក់ពិតប្រាកដមែន ហើយធ្វើសកម្មភាពតែម្នាក់ឯងទេ ដោយរូបគេបានដាក់ថ្នាំសណ្តំចូលទៅក្នុងទឹក ឲ្យទៅជនរងគ្រោះទាំង៣នាក់ផឹក ដើម្បីអោយសន្លប់ រួចយកពូថៅកាប់មកលើជនរងគ្រោះឲ្យស្លាប់ ។
ជនសង្ស័យជាឃាតក បន្តថា មូលហេតុពិតប្រាកដនៃការសម្លាប់នោះគឺ ជារឿងគំនុំសុទ្ធសាធ ។ ដំបូងឡើយ ខ្លួន និងជនរងគ្រោះបានស្គាល់គ្នាតាមហ្វេសប៊ុក រួចហើយជនរងគ្រោះបានហៅ ឲ្យរូបគេចូលបម្រើការងារ ជាបុគ្គលិកក្រុមហ៊ុន អាហារបំប៉ន់ថៃ ដូចពួកគេដែរ ។ ជនសង្ស័យបន្តទៀតថា ពេលដែលខ្លួនយល់ព្រមចូលបម្រើការងារ ស្រាប់តែក្រុមជនរងគ្រោះ បានប្រាប់ឲ្យរូបគេថា ត្រូវបង់លុយចំនួន២,០០០ដុល្លារ ។ ហើយរូបគេមិនមានលុយទេ ប៉ុន្តែក្រុមជនរងគ្រោះនៅបន្ដបង្ខំ ទោះទៅខ្ចីលុយគេ ឬសុំពីគ្រួសារ ក៏ដោយ ។ ការបង្ខំឲ្យបង់លុយបែបនេះហើយ ធ្វើឲ្យជនដៃដល់ខឹងសម្បារ ដោយយល់ថាខ្លួនបានចាញ់បោកគេហើយ ទើបរៀបចំផែនការសម្លាប់ជនរងគ្រោះតែម្ដងទៅ ។
ក្រោយឃាតកម្មបានកើតឡើង មានការសន្និដ្ឋានខុសៗគ្នា ពីការសម្លាប់ដ៏ឃោរឃៅមួយនេះថា បើតាមប្រភពព័ត៌មានពីសមត្ថកិច្ចបានប្រាប់នៅកន្លែងកើតហេតុជាជំហានដំបូងថា ជនរងគ្រោះ៣នាក់ដែលត្រូវឃាតករអារ.កក្នុងបំណងសម្លាប់នេះ គឺជារឿងគំនុំទេ មិនមែនជារឿងសម្លាប់ប្លន់យកទ្រព្យសម្បត្តិនោះទេ ព្រោះទ្រព្យសម្បត្តិមួយចំនួនរបស់ជនរងគ្រោះ ឃើញនៅក្នុងបន្ទប់ជួលព្រមទាំងមានឯកសាររបស់បុគ្គលិកទាំង៣នាក់នោះផងដែរ ។ ការសន្និដ្ឋានមួយទៀត ឃាតកម្មនេះត្រូវបានប្រភពព័ត៌មាន(មិនច្បាស់ការណ៍)មួយ បានអោយភ្នាក់ងារកោះសន្តិភាពដឹងនៅកន្លែងកើតហេតុ ទម្លាយថា ជាការសម្លាប់បំបិទភ័ស្ដុតាង ។ ប៉ុន្តែបើតាមមន្ត្រីនគរបាលម្នាក់បានអោយដឹងជាជំហានដំបូងថា ជនសង្ស័យធ្វើសកម្មភាពតែម្នាក់ឯងទេ ដោយរូបគេបានដាក់ថ្នាំសណ្តំចូលទៅក្នុងទឹក ឲ្យទៅជនរងគ្រោះទាំង៣នាក់ផឹក ដើម្បីអោយសន្លប់ រួចយកពូថៅកាប់មកលើជនរងគ្រោះឲ្យស្លាប់ ដើម្បីខ្លួនប្លន់យកទ្រព្យ ទៅវិញ ៕
ចែករំលែកព័តមាននេះ