ស៊ើបអង្កេតមេខ្មូត រដ្ឋមន្ត្រីក្រសួងបរិស្ថានបង្ហើបថា រកឃើញមុខសញ្ញាបំផ្លាញព្រៃឈើ
រាជធានីភ្នំពេញ ៖ លោក សាយ សំអាល់ រដ្ឋមន្ត្រីក្រសួងបរិស្ថាន បានបង្ហើបឲ្យដឹងថា បានរកឃើញមុខសញ្ញាហើយតែមិនអាចនិយាយបាន
រាជធានីភ្នំពេញ ៖ លោក សាយ សំអាល់ រដ្ឋមន្ត្រីក្រសួងបរិស្ថាន បានបង្ហើបឲ្យដឹងថា បានរកឃើញមុខសញ្ញាហើយតែមិនអាចនិយាយបាន
រាជធានីភ្នំពេញ ៖ លោក សាយ សំអាល់ រដ្ឋមន្ត្រីក្រសួងបរិស្ថាន បានបង្ហើបឲ្យដឹងថា បានរកឃើញមុខសញ្ញាហើយតែមិនអាចនិយាយបាន ព្រោះស្ថិតក្នុងករណីស៊ើបអង្កេតនៅឡើយ។
បើទោះជាលោករដ្ឋមន្ត្រីបានអះអាងថា រកឃើញមុខសញ្ញាក្តី ក៏ប៉ុន្តែលោកបដិសេធមិនធ្វើអត្ថាធិប្បាយទៅលើលទ្ធផលនៃការស្រាវជ្រាវ និងមុខសញ្ញាដែលបំផ្លាញព្រៃឈើនៅក្នុងប្រទេសកម្ពុជា ឬមុខសញ្ញាបង្កបទល្មើសព្រៃឈើនៅក្នុងព្រៃឡង់នោះទេ ។
ការបង្ហើបពីមុខសញ្ញាបំផ្លាញព្រៃឈើដែល គេដឹងថា មានខ្នងនៅពីក្រោយនិងខ្លះសុទ្ធតែឧកញ៉ានោះ គឺបន្ទាប់ពីលោករដ្ឋមន្ត្រីក្រសួងបរិស្ថាន បានចូលបំភ្លឺតាមការកោះហៅរបស់គណៈកម្មការទី៣នៃរដ្ឋសភា កាលពីថ្ងៃទី៤ ខែមករា នៅវិមានរដ្ឋសភា ។
ទោះជាយ៉ាងណា លោករដ្ឋមន្ត្រី សាយ សំអាល់ បានបដិសេធមិនឆ្លើយនឹងសំណួរមួយចំនួនរបស់អ្នកសារព័ត៌មាន ដែលពាក់ព័ន្ធទៅនឹងមុខសញ្ញាបទល្មើសព្រៃឈើ តែលោកអះអាងដោយបញ្ជាក់ថា «យើងធ្វើគ្រប់ទាំងអស់ យើងមិនអាចនិយាយបានទេនៅពេលនេះ ព្រោះរឿងខ្លះនៅក្នុងករណីស៊ើបអង្កេតនៅឡើយ ខ្ញុំអាចថាយើងមានមុខសញ្ញារបស់យើង អត់អាចនិយាយលើសពីហ្នឹងបានទេ» ។
លោករដ្ឋមន្ត្រីបានវាយតម្លៃថា បទល្មើសព្រៃឈើមានការថយចុះច្រើន បន្ទាប់ពីរាជរដ្ឋាភិបាលប្រកាសបើកយុទ្ធនាការបង្ក្រាប និងទប់ស្កាត់នូវរាល់បទល្មើសព្រៃឈើនាពេលកន្លងមក ក៏ប៉ុន្តែត្រូវមានវិធានការផ្សេងៗទៀត ដើម្បីលុបបំបាត់ទាំងស្រុងតែម្តងករណីបំផ្លាញព្រៃឈើដែលជាជម្រកសត្វ និងជាសម្បត្តិធម្មជាតិនេះ ។
លោករដ្ឋមន្ត្រី សាយ សំអាល់ បានសម្តែងការសោកស្តាយចំពោះសង្គមស៊ីវិលមួយចំនួន ដែលមិនបានគោរពតាមការឯកភាពគ្នាកាលពីពេលកន្លងទៅ ដែលបានសម្រេចរួចហើយថា ធ្វើការរួមគ្នាទាំងថ្នាក់ជាតិ និងថ្នាក់ក្រោមជាតិ តែបែរជាមានការលើកឡើងថា ធ្វើការដោយឡែកទៅវិញ ខុសពីស្មារតីថ្ងៃទី២២ ខែសីហា ឆ្នាំ២០១៦ និងសារាចរលេខ០៥ទៅវិញ ។
លោករដ្ឋមន្ត្រីស្នើឲ្យអ្នកសារព័ត៌មាន សួរទៅខាងសហគមន៍ ឬសង្គមស៊ីវិលនោះវិញ ពិសេសនោះបញ្ហាសហគមន៍ព្រៃឡង់ ដែលកាលពីសប្តាហ៍កន្លងទៅ សហគមន៍ព្រៃឡង់បានចេញរបាយការណ៍មួយបង្ហាញថា ការកាប់បំផ្លាញព្រៃឡង់មានការកើនឡើងរហូតដល់ទៅ១៤ភាគរយ ៕
ចែករំលែកព័តមាននេះ