មកស៊ីឈួលគេបានប៉ុន្មានខែ ស្រាប់តែប្រទះឃើញស្លា.ប់ក្នុងថ្លុកក្របី
ខេត្តពោធិ៍សាត់ ៖ បុរសម្នាក់ត្រូវបានគេប្រទះឃើញស្លា.ប់ក្នុងថ្លុកក្របីកាលពីវេលាម៉ោង៣ និង៣០នាទីរសៀល ថ្ងៃទី០៤ ខែមករា ឆ្នាំ២០១៧ ក្បែរផ្លូវចូលវត្តអូរសោម …
ខេត្តពោធិ៍សាត់ ៖ បុរសម្នាក់ត្រូវបានគេប្រទះឃើញស្លា.ប់ក្នុងថ្លុកក្របីកាលពីវេលាម៉ោង៣ និង៣០នាទីរសៀល ថ្ងៃទី០៤ ខែមករា ឆ្នាំ២០១៧ ក្បែរផ្លូវចូលវត្តអូរសោម …
ខេត្តពោធិ៍សាត់ ៖ បុរសម្នាក់ត្រូវបានគេប្រទះឃើញស្លាប់ក្នុងថ្លុកក្របីកាលពីវេលាម៉ោង៣ និង៣០នាទីរសៀល ថ្ងៃទី០៤ ខែមករា ឆ្នាំ២០១៧ ក្បែរផ្លូវចូលវត្តអូរសោម ស្ថិតក្នុងភូមិអូរសោម ឃុំអូរសោម ស្រុកវាលវែង ។
បន្ទាប់ពីមានការភ្ញាក់ផ្អើលមកសមត្ថកិច្ច និងអ្នកស្រុកបានទៅចោមរោមមើលទើបដឹងថា ជនរងគ្រោះឈ្មោះ រុន សល់ ភេទប្រុស អាយុ៣៧ឆ្នាំ មានទីលំនៅភូមិតាង៉ែត ឃុំជ្រៃ ស្រុកមោងឫស្សី ខេត្តបាត់ដំបង ។
លោកវរសេនីយ៍ត្រី ធាង ឡេង អធិការនគរបាលស្រុកវាលវែង បានឲ្យដឹងថា ជនរងគ្រោះជាមនុស្សចំណូលថ្មី គ្មានប្រពន្ធ កូន ឬសាច់ញាតិនឹងគេទេ ទើបតែមករស់នៅឃុំអូរសោម ស្រុកវាលវែង បានប៉ុន្មានខែប៉ុណ្ណោះ ដោយស៊ីឈ្នួលធ្វើកម្មករឲ្យគេ និងជាមនុស្សផឹកស្រាស្រវឹងរាលថ្ងៃ ។
លោកវរសេនីយ៍ត្រី ធាង ឡេង បន្តថា នៅថ្ងៃកើតហេតុ គេមិនដឹងថា ជនរងគ្រោះស្លាប់ដោយរបៀបណានោះទេ លុះវេលាកើតហេតុស្រាប់តែអ្នកស្រុកប្រទះឃើញដេកស្លាប់ក្នុងទឹកថ្លុកក្នុងសម្លៀកបំពាក់អាវខ្មៅដៃវែង និងខោយឺតខៀវ ឆ្នូតក្រហមលឿង ក៏មានការភ្ញាក់ផ្អើលតែម្ដង ។
បន្ទាប់ពីធ្វើកោសល្យវិច្ច័យរួច សមត្ថកិច្ចបញ្ជាក់ថា ជនរងគ្រោះមិនមានស្លាកស្នាមអ្វីលើដងខ្លួនដែលសង្ស័យថាជាអំពើឃាតកម្មនោះទេ ។ ជនរងគ្រោះអាចស្រវឹងស្រាដើរមិនត្រង់ផ្លូវរអិលធ្លាក់ជំរេលចូលក្នុងថ្លុកក្របីបណ្ដាលឲ្យឈ្លក់ទឹកស្លាប់ ។ សាកសពជនរងគ្រោះសមត្ថកិច្ចយើងបានទំនាក់ទំនងទៅក្រុមគ្រួសារនៅឯស្រុកមោងឫស្សី ខេត្តបាត់ដំបង ដើម្បីមកយកទៅធ្វើបុណ្យតាមប្រពៃណី ៕
ចែករំលែកព័តមាននេះ