បង្កើតហាងទំនិញអនឡាញបែបណាដើម្បីទទួលបានជោគជ័យ
ការមានគំនិតបង្កើតហាងលក់ទំនិញតាមអនឡាញ ដើម្បីទាក់ទាញចិត្តអតិថិជនឱ្យគេស្គាល់ វាមិនមែនជាកិច្ចការងាយស្រួលនោះទេ ប្រសិនបើយើងមិនបានឈ្វេងយល់ពីឥរិយាបថ ចំណង់ចំណូលចិត្តអតិថិជន និង
ការមានគំនិតបង្កើតហាងលក់ទំនិញតាមអនឡាញ ដើម្បីទាក់ទាញចិត្តអតិថិជនឱ្យគេស្គាល់ វាមិនមែនជាកិច្ចការងាយស្រួលនោះទេ ប្រសិនបើយើងមិនបានឈ្វេងយល់ពីឥរិយាបថ ចំណង់ចំណូលចិត្តអតិថិជន និង
ការមានគំនិតបង្កើតហាងលក់ទំនិញតាមអនឡាញ ដើម្បីទាក់ទាញចិត្តអតិថិជនឱ្យគេស្គាល់ វាមិនមែនជាកិច្ចការងាយស្រួលនោះទេ ប្រសិនបើយើងមិនបានឈ្វេងយល់ពីឥរិយាបថ ចំណង់ចំណូលចិត្តអតិថិជន និងបច្ចេកវិទ្យាទាន់សម័យ។ ទោះបីយ៉ាងណា ខាងក្រោមនេះគឺជាគន្លឹះមួយចំនួនដែលជាចំណេះខ្លះៗអំពីតិចនិកនៃរបរមួយនេះ ។
១-ដឹងព័ត៌មាន និងឥរិយាបថអតិថិជន ៖
មុននឹងបង្កើតហាងទំនិញអនឡាញ សំខាន់បំផុតគឺត្រូវដឹងថា កំពុងតែលក់ឱ្យអ្នកណា ? អ្នកណាគឺជាអ្នកទិញទំនិញ ? អ្វីដែលអតិថិជនត្រូវការ ឬហៅភាសាដែលងាយស្រួលយល់គឺ «ក្រុមគោលដៅ» ត្រូវតែច្បាស់លាស់ ត្រូវដឹងថា អតិថិជនជាអ្នកណា និងត្រូវការអ្វី ។
បើយើងយល់ដឹងពី «ក្រុមគោលដៅ» ច្រើនប៉ុនណា នឹងកាន់តែជួយឱ្យយើងបង្កើតហាងទំនិញអនឡាញបានយ៉ាងមានប្រសិទ្ធភាព ។ អ្នកនឹងដឹងថា ត្រូវទំនាក់ទំនងយ៉ាងណាដើម្បីទាក់ទាញចិត្តអតិថិជន និងជួយបំពេញឱកាសការលក់កាន់តែខ្លាំងឡើង ។
២-រចនាហាងទំនិញអនឡាញឱ្យទាន់ សម័យ និងងាយៗ ៖
នៅពេលបានដឹងពី «ក្រុមគោលដៅ» ហើយ គឺដល់ពេលយើងមកមើលវិធីបង្កើតហាងទំនិញអនឡាញឱ្យទាក់ទាញចិត្តអតិថិជន ។
ហាងទំនិញអនឡាញ គឺជា «ចំណាប់អារម្មណ៍ដំបូង» ដែលអតិថិជនរបស់អ្នកជួប។ នេះគឺជាតិចនិកបង្កើតខ្លឹមសារ ៖ ត្រូវមានទំនុកចិត្តថា យើងកំពុងតែទាក់ទងដើម្បីលក់ផលិតផល ឬសេវាកម្មដល់ក្រុមគោលដៅ ដែលហាងទំនិញអនឡាញត្រូវមាន «ប្រធានបទធំមួយ» និងមានពាក្យអធិប្បាយខ្លីៗ។ បន្ទាប់មកត្រូវនិយាយដល់ការងាររបស់អ្នក ដោយប្រើពាក្យងាយយល់ មិនច្របូកច្របល់ដើម្បីជំរុញការចង់ដឹងចង់ឃើញ និងចុងក្រោយបញ្ចូលសាច់រឿងដែលត្រូវការ ។
៣-បង្ហាញផលិតផល ឬសេវាកម្មឱ្យទាក់ទាញចិត្ត ៖
មានទំនុកចិត្តថា រូបភាពនៃផលិតផល និងសេវាកម្មរបស់អ្នក ត្រូវតែស្រស់ស្អាត ។ អ្នកត្រូវចាត់ចែងពេលវេលា ឬរកមនុស្សដែលមានថ្វីដៃមកថតរូបភាពផលិតផល ឬសេវាកម្មនោះ។ ពេលខ្លះអ្នកអាចចាំបាច់ត្រូវជួលអ្នកណាម្នាក់ (ដែលមិនថ្លៃពេក) មកថតរូបទំនិញ សេវាកម្ម ក្រុមការងារ ទីកន្លែងមុខជំនួញ ឬក៏រកទិញរូបភាពស្អាតៗពីវែបសាយដូចជា iStock.com និង DepositPhotos.com ។
៤-ហាងទំនិញអនឡាញអាចទាក់ទងបានគ្រប់ឧបករណ៍ ៖
សំខាន់ណាស់ ! ត្រូវទុកចិត្តថា ហាងទំនិញអនឡាញរបស់អ្នកនឹងបង្ហាញនៅលើគ្រប់ឧបករណ៍ ។ ការស្វែងរកផលិតផល និងសេវាកម្មនៅលើទូរស័ព្ទដៃខ្លាំងបំផុតក្នុងពេលបច្ចុប្បន្ន គឺចាំបាច់ត្រូវបង្កើតហាងទំនិញអនឡាញ ដែលអតិថិជនអាចប្រើបានគ្រប់ឧបករណ៍ទាំងអស់ ។
៥-អតិថិជនអាចទាក់ទងដោយងាយៗ ៖
ស្តាប់មើលទៅដូចជាគ្មានប្រយោជន៍ ប៉ុន្តែយើងឃើញថា ហាងទំនិញអនឡាញជាច្រើនគ្មានព័ត៌មានសម្រាប់ទាក់ទង (Contact Us) ឬគ្មានសូម្បីតែលេខទូរស័ព្ទ ។ យើងសូមណែនាំថា អ្នកត្រូវមានកន្លែងទំនាក់ទំនងឱ្យបានគ្រប់សព្វដូចជា លេខទូរស័ព្ទ អុីម៉ែល និងអាសយដ្ឋានហាងទំនិញ ព្រោះទីតាំងមានសារសំខាន់ណាស់ ដើម្បីឱ្យអតិថិជនជឿជាក់ថា ហាងរបស់អ្នកមានពិតប្រាកដ ទោះបីជាពួកគេមិនធ្លាប់មកហាងនោះក៏ដោយ ។
៦-បង្កើតហាងទំនិញអនឡាញឱ្យជាប់ចំណាត់ថ្នាក់ក្នុង Google ៖
ការចាត់ចំណាត់ថ្នាក់ក្នុង Google ត្រូវរកបុគ្គលមានជំនាញខ្ពស់ ដែលពេលនេះអ្នកអាចចំណាយពេលវេលាសិក្សាដោយខ្លួនឯង ឬជួលអ្នកផ្តល់សេវា ។ ទោះជាយ៉ាងណា គឺអាចចាត់ចំណាត់ថ្នាក់ក្នុង Google តាមវិធីងាយៗ ដោយការកែតម្រូវក្នុង HTML Title Tags ដែលការធ្វើនេះ នឹងបង្ហាញលទ្ធផលឱ្យឃើញក្នុង Google ។
ការបង្កើតហាងទំនិញអនឡាញឱ្យទទួលបានជោគជ័យមានកត្តាសំខាន់ផ្សេងៗគ្នាច្រើន ប៉ុន្តែបើអ្នកធ្វើតាម៦ចំណុចដែលណែនាំមកនេះ ក៏គ្រប់គ្រាន់សម្រាប់បង្កើតហាងទំនិញអនឡាញដ៏ល្អ មានគុណភាព និងបង្កើនការលក់ ៕
ចែករំលែកព័តមាននេះ