ការតមអាហារគឺអាចកាត់បន្ថយកម្រិតអ័រម៉ូនមហារីក
ការតមអាហារប្រហែលជាអាចព្យាបាលជំងឺមហារីកគ្រាប់ឈាមរបស់កុមារ នេះបើយោងតាមការសិក្សាថ្មីមួយបានរកឃើញ ហើយក្រុមអ្នកជំនាញជឿថា វាអាចបញ្ច្រាសផលប៉ះពាល់នៃជំងឺផងដែរ ។
ការតមអាហារប្រហែលជាអាចព្យាបាលជំងឺមហារីកគ្រាប់ឈាមរបស់កុមារ នេះបើយោងតាមការសិក្សាថ្មីមួយបានរកឃើញ ហើយក្រុមអ្នកជំនាញជឿថា វាអាចបញ្ច្រាសផលប៉ះពាល់នៃជំងឺផងដែរ ។
ការតមអាហារប្រហែលជាអាចព្យាបាលជំងឺមហារីកគ្រាប់ឈាមរបស់កុមារ នេះបើយោងតាមការសិក្សាថ្មីមួយបានរកឃើញ ហើយក្រុមអ្នកជំនាញជឿថា វាអាចបញ្ច្រាសផលប៉ះពាល់នៃជំងឺផងដែរ ។
ជាតិខ្លាញ់លើសត្រូវបានគេដឹងថា ជួយជំរុញដំណើការរបស់អ័រម៉ូន Leptin ដែលវាជាអ័រម៉ូនមួយត្រូវបានគេរកឃើញថា ជំរុញការលូតលាស់របស់ដុំសាច់ ។
ក្រុមអ្នកស្រាវជ្រាវមកពីមជ្ឈមណ្ឌលវេជ្ជសាស្ត្រនៃសាកលវិទ្យាល័យ Texas Southwestern បានធ្វើការសិក្សាលើសត្វកណ្តុរ និងបានព្យាយាមរៀបផែនការដាក់កម្រិតរបបអាហារជាច្រើន ។
កណ្តុរទាំងអស់មានជំងឺមហារីកកោសិកាឈាមសស្រួចស្រាវ (ALL) ដែលវាជាប្រភេទជំងឺមហារីកគ្រាប់ឈាមកើតឡើងទូទៅបំផុតចំពោះកុមារ ។ ប្រហែលកុមារម្នាក់ក្នុងចំណោមកុមារ២.០០០នាក់នឹងមានជំងឺនេះ ។ កណ្តុរពាក់កណ្តាលត្រូវបានគេឲ្យចំណីជាធម្មតារៀងរាល់ថ្ងៃ ខណៈកណ្តុរមួយក្រុមទៀតទទួលបានចំណីមួយថ្ងៃ និងតមចំណីមួយថ្ងៃ ។
នៅចុងបញ្ចប់នៃសប្តាហ៍ទីប្រាំពីរ សត្វកណ្តុរដែលបានតមអាហារស្ទើរតែរកមិនឃើញកោសិកាមហារីក នេះបើយោងតាមក្រុមអ្នកស្រាវជ្រាវបានរកឃើញ ។
ការតមអាហារគឺត្រូវបានគេដឹងថា អាចកាត់បន្ថយកម្រិតនៃអ័រម៉ូន Leptin ដែលវាជាម៉ូលេគុលផ្តល់សញ្ញាឲ្យកោសិកា និងបង្កើតឡើងដោយជាលិកាខ្លាញ់។ ពួកគេបានរកឃើញការថយចុះកម្រិត leptin ក្នុងឈាម ព្រមទាំងក្នុងខួរឆ្អឹងរបស់សត្វកណ្តុរដែលបានតមអាហារ ។
ពួកគេបានរកឃើញថា សត្វកណ្តុរដែលទទួលបានចំណីជាធម្មតាស្លាប់ក្នុងរយៈពេល៥៩ថ្ងៃ ខណៈសត្វកណ្តុរ ដែលបានតមអាហារ៧៥ភាគរយ នៅរស់រានមានជីវិតជាងបួនខែដោយគ្មានសញ្ញានៃជំងឺមហារីកគ្រាប់ឈាម ។
អ្នកដឹកនាំការស្រាវជ្រាវលោកវេជ្ជបណ្ឌិត Chengcheng Zhang បាននិយាយថា « វាជារឿងដ៏គួរឲ្យភ្ញាក់ផ្អើល ដែលយើងបានរកឃើញថា សត្វកណ្តុរ ដែលបានតមអាហារអាចបញ្ឈប់ការលូតលាស់នៃជំងឺមហារីក»។
ក្រុមអ្នកវិទ្យាសាស្ត្រសង្ឃឹមថា ការស្រាវជ្រាវបន្ថែមទៀតអាចនឹងធ្វើឡើងនៅពេលអនាគត ដើម្បីកំណត់ពីឥទ្ធិពលនៃការតមអាហារចំពោះទម្រង់ដទៃទៀតនៃជំងឺមហារីក ៕
ចែករំលែកព័តមាននេះ