វីតាមីនជាឱសថដែលមានមុខងារជាក់លាក់មួយក្នុងការជួសជុលប្រព័ន្ធរាងកាយ ដែលបានរងការខូចខាតដោយសារកត្តាមួយចំនួន ។ ទោះជាយ៉ាងណា បន្ទាប់ពីមនុស្សម្នាក់មានអាយុលើសពី៤០ឆ្នាំ ពួកគេត្រូវការវីតាមីនសំខាន់មួយចំនួនដើម្បីទប់ស្កាត់ជំងឺដែលអាចកើតឡើងដោយសារភាពចាស់ទ្រុឌទ្រោម ។
វីតាមីន B12 គឺជាវីតាមីនមួយក្នុងចំណោមវីតាមីនសំខាន់ខាងលើ ។ វាចាំបាច់ដើម្បីឲ្យខួរក្បាល និងឈាមដំណើរការតាមមុខងារបានត្រឹមត្រូវ ។ ត្រី សាច់មាន់ និងសាច់ផ្សេងទៀតគឺជាប្រភពដ៏សំខាន់នៃវីតាមីន B12 ។ ទោះជាយ៉ាងណា នៅពេលរាងកាយមានវ័យកាន់តែចាស់ វាមិនអាចស្រូបយកវីតាមីននេះបានត្រឹមត្រូវនោះទេ។ ហេតុដូចនេះ ពួកគេត្រូវទទួលទានថ្នាំគ្រាប់វីតាមីន B12 ជាជំនួយ ។
ការទទួលទានជាតិកាល់ស្យូមគឺចាំបាច់ ដើម្បីទប់ស្កាត់ជំងឺមួយចំនួនដូចជា គាំងបេះដូង ជំងឺដាច់សរសៃឈាមខួរក្បាល ជំងឺពុកឆ្អឹង និងការពារការបាក់ឆ្អឹងផងដែរ ។ នៅពេលដែលរាងកាយរបស់អ្នកខ្វះជាតិកាល់ស្យូម វានឹងយកជាតិកាល់ស្យូមពីឆ្អឹងរបស់អ្នក ។ នេះគឺជាមូលហេតុដែលស្ត្រីមានផ្ទៃពោះ និងស្ត្រីបំបៅដោះកូនគួរតែទទួលទានជាតិកាល់ស្យូមឲ្យបានច្រើន។ មនុស្សដែលមានអាយុសែសិបឆ្នាំ គួរតែទទួលទានអាហារដែលសម្បូរទៅដោយជាតិកាល់ស្យូម ដូចជាទឹកដោះ សណ្តែក តៅហ៊ូ ត្រី និង spinach …។
វីតាមីនមួយទៀតគឺមានសារៈសំខាន់សម្រាប់មនុស្សដែលមានអាយុជាងសែសិបឆ្នាំគឺ វីតាមីន D ។ វាចាំបាច់ដើម្បីទប់ស្កាត់ជំងឺមហារីក ជំងឺថ្លើម ជំងឺទឹកនោមផ្អែម និងជំងឺបេះដូង ។ ដើម្បីអាចឲ្យរាងកាយស្រូបយកជាតិកាល់ស្យូម វីតាមីន D គឺសំខាន់ខ្លាំងណាស់ ។
ប្រភពល្អបំផុតនៃវីតាមីនD គឺពន្លឺព្រះអាទិត្យ។ ទឹកដោះគោ គ្រាប់ធញ្ញជាតិ និងត្រីគឺជាប្រភពដ៏សំខាន់នៃវីតាមីន D ៕
ចែករំលែកព័តមាននេះ