នគរបាលខណ្ឌព្រែកព្នៅឃាត់ខ្លួនជនសង្ស័យ ៦នាក់ដកហូតថ្នាំញៀន៣កញ្ចប់
រាជធានីភ្នំពេញ ៖ នគរបាលខណ្ឌព្រែកព្នៅ បានបើកយុទ្ធនាការបង្ក្រាបគ្រឿងញៀ.ន ដោយបានឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀ.នចំនួន ៦នាក់
រាជធានីភ្នំពេញ ៖ នគរបាលខណ្ឌព្រែកព្នៅ បានបើកយុទ្ធនាការបង្ក្រាបគ្រឿងញៀ.ន ដោយបានឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀ.នចំនួន ៦នាក់
រាជធានីភ្នំពេញ ៖ នគរបាលខណ្ឌព្រែកព្នៅ បានបើកយុទ្ធនាការបង្ក្រាបគ្រឿងញៀន ដោយបានឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀនចំនួន ៦នាក់ ជាបន្តបន្ទាប់ កាលពីវេលាម៉ោង ២ និង៣០នាទីរំលងអាធ្រាត ថ្ងៃទី០៤ ខែមករា ឆ្នាំ២០១៧ នៅតាមបណ្តោយផ្លូវជាតិលេខ៥ ស្ថិតក្នុងភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ នៅពេលឃាត់ខ្លួន សមត្ថកិច្ចដកហូតសម្ភាររួមមាន ម្សៅក្រាមពណ៌សថ្លា ចំនួន ៣កញ្ចប់, ថ្លង់ប្លាស្ទីកសម្រាប់ច្រកមួយចំនួន, ដែកកេះចំនួន ២, ឧបករណ៍សម្រាប់ប្រើប្រាស់មួយចំនួន និងម៉ូតូចំនួន ៣គ្រឿង។
ជនសង្ស័យដែលត្រូវឃាត់ខ្លួន ១-ឈ្មោះ ង្វៀង យ៉ាំងហុង ភេទប្រុស អាយុ៣១ឆ្នាំ ជាជនជាតិវៀតណាម មុខរបរ មិនពិតប្រាកដ ,២-ឈ្មោះ ចាន់ វិចិត្រ ភេទប្រុស អាយុ៣៤ឆ្នាំ មុខរបរជាជាងឈើ,៣-ឈ្មោះ ប៉ែន គីមឡេង ភេទប្រុស អាយុ២១ឆ្នាំ មុខរបរជាងកាត់កញ្ចក់,៤-ឈ្មោះ ស៊ីម វ៉ាន់ឌី ភេទប្រុស អាយុ២០ឆ្នាំ ៥-ឈ្មោះ ណៃ ចាន់នី ភេទប្រុស អាយុ ២១ឆ្នាំ ជាកម្មករស្រះត្រី និង៦-ឈ្មោះ ហាក់ គីមសាយ ភេទប្រុស អាយុ ២០ឆ្នាំ មុខរបរផ្សារដែក។
តាមនគរបាលខណ្ឌព្រែកព្នៅ បានឲ្យដឹងថា នៅក្នុងយុទ្ធនាការចុះបង្ក្រាបគ្រឿងញៀននេះលោកវរៈសេនីយ៍ឯក ឈិន គឹមធុយ អធិការនគរបាលខណ្ឌព្រែកព្នៅ បានដឹកនាំកម្លាំងសមត្ថកិច្ចចុះបង្ក្រាបគ្រឿងញៀន និងដាក់គោលដៅត្រួតពិនិត្យនៅតាមបណ្តោយផ្លូវជាតិលេខ ៥ ដោយឃាត់ខ្លួនជនសង្ស័យ ៦នាក់ជាបន្តបន្ទាប់ព្រមទាំងដកហូតបានថ្នាំញៀនចំនួន ៣កញ្ចប់។ បច្ចុប្បន្នជនសង្ស័យទាំង ៦នាក់រួមនឹងវត្ថុតាង ត្រូវសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌព្រែកព្នៅ ដើម្បីកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញ ចាត់ការបន្តតាមផ្លូវច្បាប់៕
ចែករំលែកព័តមាននេះ