សារព័ត៌មាន បញ្ជាក់ពីវត្តមានរបស់លោកស្រី ណាន់ស៊ី ផេឡូស៊ី ប្រធានសភាអាម៉េរិក អាចទៅដល់កោះតៃវ៉ាន់ នៅថ្ងៃទី២សីហាស្អែកនេះ
អន្តរជាតិ៖ កាសែតជាច្រើន បានរាយការណ៍នៅថ្ងៃទី១ ខែសីហានេះថា លោកស្រី ណាន់ស៊ី ផេឡូស៊ី ប្រធានសភាអាម៉េរិក អាចទៅដល់កោះតៃវ៉ាន់ នៅថ្ងៃទី២…
អន្តរជាតិ៖ កាសែតជាច្រើន បានរាយការណ៍នៅថ្ងៃទី១ ខែសីហានេះថា លោកស្រី ណាន់ស៊ី ផេឡូស៊ី ប្រធានសភាអាម៉េរិក អាចទៅដល់កោះតៃវ៉ាន់ នៅថ្ងៃទី២…
អន្តរជាតិ៖ កាសែតជាច្រើន បានរាយការណ៍នៅថ្ងៃទី១ ខែសីហានេះថា លោកស្រី ណាន់ស៊ី ផេឡូស៊ី ប្រធានសភាអាម៉េរិក អាចទៅដល់កោះតៃវ៉ាន់ នៅថ្ងៃទី២ ខែសីហា ឆ្នាំ២០២២ ហើយនៅព្រឹកថ្ងៃទី៣ ខែសីហា លោកស្រី នឹងបំពេញទស្សនកិច្ច នៅរដ្ឋសភាតៃវ៉ាន់ ព្រមទាំងជួបប្រធានាធិបតីតៃវ៉ាន់ លោកស្រី សាយ អ៊ីង វេន។
កាសែត China Timesរួមទាំងកាសែតតៃវ៉ាន់យ៉ាងតិចពីរ បានផ្សព្វផ្សាយពីដំណើរទស្សនកិច្ចរបស់លោកស្រី ផេឡូស៊ី នៅតៃវ៉ាន់ ដែលនឹងទៅដល់ទីក្រុងតៃប៉ិ នៅយប់ថ្ងៃទី២ ខែសីហាស្អែកនេះ។ លោកស្រី ផេឡូស៊ី នឹងចាកចេញពីកោះតៃវ៉ាន់ ដែលចិន អះអាងថាជាទឹកដីរបស់ខ្លួន នៅថ្ងៃពុធ ទី៣ ខែសីហា។
ជុំវិញដំណើរទស្សនកិច្ចរបស់ប្រធានសភាអាមេរិក នៅកោះតៃវ៉ាន់នេះ ក្រសួងការបរទេសតៃវ៉ាន់ មិនបានបញ្ជាក់អំពីផែនការនៃដំណើទស្សនកិច្ចនេះទេ ខណៈដែលចិន បានប្រកាសជំទាស់ជាយូរមកហើយ។
ប្រធានសភាអាមេរិក លោកស្រី ណាន់ស៊ី ផេឡូស៊ី បានចាប់ផ្តើមដំណើរទស្សនកិច្ច មកកាន់តំបន់ឥណ្ឌូប៉ាស៊ីហ្វិក ដែលរួមមាន សិង្ហបុរី ម៉ាឡេស៊ី ជប៉ុន និងកូរ៉េខាងត្បូង។ នៅថ្ងៃទី១ ខែសីហានេះ លោកស្រី ប្រធានសភាអាមេរិក បានបំពេញទស្សនកិច្ចនៅសឹង្ហបុរី ដោយបានជួបដាច់ដោយឡែកជាមួយលោកនាយករដ្ឋមន្ត្រី លី ស៊ានឡុង និងលោកស្រី ហាលីម៉ា យ៉ាកុប ប្រធានាធិបតីសឹង្ហបុរី រួមទាំងមន្ត្រីជាន់ខ្ពស់ជាច្រើនទៀត។
ចិន បានប្រកាសទុកជាមុនហើយថា ដំណើរទស្សនកិច្ចរបស់មន្ត្រីជាន់ខ្ពស់អាម៉េរិក ទៅកាន់កោះតៃវ៉ាន់ គឺជាការបង្ករឿង ដោយវារំលោភលើ «គោលការណ៍ចិនមួយ» ហើយអាម៉េរិក នឹងទទួលផលវិបាកអវិជ្ជមានទាំងអស់ ចេញពីទង្វើបែបនេះ។
យ៉ាងណាក៏ដោយ ចិន និងអាមេរិក បានត្រៀមកម្លាំងកងទ័ពដូចគ្នា នៅជិតកោះតៃវ៉ាន់។ កងទ័ពចិន បានធ្វើសមយុទ្ធបាញ់គ្រាប់ពិត នៅច្រកសមុទ្រតៃវ៉ាន់ ចាប់តាំងពីថ្ងៃសៅរ៍ ទី៣០ ខែកក្កដា។ យន្តហោះប្រយុទ្ធចិន ធុន J-16 ចំនួនបួនគ្រឿង ក៏បានហោះចូលក្នុងតំបន់កំណត់អត្តសញ្ញាណការពារដែនអាកាសតៃវ៉ាន់កាលពីថ្ងៃចន្ទ ទី១ ខែសីហា ឆ្នាំ២០២២។
ចំណែកយោធាអាម៉េរិក ក៏ត្រូវបានកាសែតរាយការណ៍ថា បានបញ្ជូននាវាដឹកយន្តហោះ និងយន្តហោះប្រយុទ្ធ ក្នុងចំនួនដ៏ច្រើន ទៅកៀកនឹងកោះតៃវ៉ាន់ ក្នុងអំឡុងពេលដំណើរទស្សនកិច្ចរបស់លោកស្រី ផេឡូស៊ី នៅអាស៊ី និងអាចចូលកោះតៃវ៉ាន់ ផងដែរ៕
ចែករំលែកព័តមាននេះ